The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋមន្ត្រី​ការបរទេស​អាស៊ាន​ ជួបពិភាក្សា​ជាមួយ​រដ្ឋមន្ត្រី​ការបរទេស​អង់គ្លេស​ស្តីពី​ការឆ្លើយតប​នឹង​ជំងឺ​កូវីដ

រដ្ឋមន្ត្រី​ការបរទេស​អាស៊ាន​ ជួបពិភាក្សា​ជាមួយ​រដ្ឋមន្ត្រី​ការបរទេស​អង់គ្លេស​ស្តីពី​ការឆ្លើយតប​នឹង​ជំងឺ​កូវីដ

Content image - Phnom Penh Post
លោក ប្រាក់ សុខុន រដ្ឋមន្ត្រី​ក្រសួង​ការបរទេស​កម្ពុជា​។ រូបថត ក្រសួង​ការបរទេស

រដ្ឋមន្ត្រី​ការបរទេស​អាស៊ាន​ ជួបពិភាក្សា​ជាមួយ​រដ្ឋមន្ត្រី​ការបរទេស​អង់គ្លេស​ស្តីពី​ការឆ្លើយតប​នឹង​ជំងឺ​កូវីដ

ភ្នំពេញៈ លោក ប្រាក់ សុខុន រដ្ឋមន្ត្រី​ក្រសួង​ការបរទេស និង​សហប្រតិបត្តិការ​អន្តរជាតិ​រួមទាំង​រដ្ឋមន្ត្រី​ការបរទេស​អាស៊ាន​ផ្សេងទៀត​នឹង​ជួបពិភាក្សា​ជាមួយ​រដ្ឋមន្ត្រីការបរទេស​នៃ​ចក្រភព​អង់គ្លេស​នៅ​ថ្ងៃ​ពុធ​នេះ ដើម្បី​ផ្លាស់ប្ដូរ​បទពិសោធ​គ្នា​អំពី​ការឆ្លើយតប​នឹង​ជំងឺ​កូវីដ​ ១៩​។

នៅក្នុង​កិច្ចប្រជុំ​នេះ រដ្ឋមន្ត្រី​អាស៊ាន​ និង​អង់គ្លេស​នឹង​ពិភាក្សា​អំពី​ផែនការ​ស្ដារ​សេដ្ឋកិច្ច​ឡើងវិញ ក្រោយពី​វិបត្តិ​ជំងឺ​កូវីដ​ ១៩ រួមទាំង​ពិភាក្សា​អំពី​វិធីសាស្ដ្រ​នានា ដើម្បី​លើកកម្ពស់​ទំនាក់ទំនង និង​កិច្ចសហប្រតិបត្តិការ​លើ​គ្រប់​វិស័យ​ដែល​មាន​ផលប្រយោជន៍​រួម ព្រមទាំង​ការពិភាក្សា​លើ​បញ្ហា​តំបន់​ និង​សកល​ដែល​ជា​កង្វល់​រួម​។

សេចក្ដី​ប្រកាស​របស់​ក្រសួង​ការបរទេស​ចេញ​ផ្សាយ​កាលពី​ថ្ងៃ​ម្សិលមិញ​បញ្ជាក់ថា​៖ «​កិច្ចប្រជុំ​តាម​ប្រព័ន្ធ​វីដេអូ​នេះ​នឹង​ក្លាយជា​ជំហាន​មួយ​ឆ្ពោះ​ទៅ​រក​ការរៀបចំ​ទិសដៅ​អនាគត សម្រាប់​ជំរុញ​ទំនាក់ទំនង និង​កិច្ចសហប្រតិបត្តិការ​អាស៊ាន និង​អង់គ្លេស​ក្នុង​បរិបទ​នៃ​បញ្ហា​ប្រឈម​ជា​សកល​នៃ​ជំងឺឆ្លង​កូវីដ​ ១៩ ដែល​ពុំធ្លាប់​មាន​ពីមុន​ និង​ការចាកចេញ​របស់​អង់គ្លេស​ពី​សហភាព​អឺរ៉ុប​»​។

ចក្រភព​អង់គ្លេស​ និង​អាស៊ាន​បាន​ក្លាយជា​ដៃគូ​គ្នា​អស់​រយៈពេល​ជាង​ ៤០ ​ឆ្នាំ​មកហើយ ​ហើយ​កន្លងមក​ពួកគេ​ធ្វើការ​ជាមួយ​គ្នា​លើ​បញ្ហានយោបាយ​សន្តិសុខ សេដ្ឋកិច្ច សង្គម​ និង​វប្បធម៌​។

ក្រោយពី​បាន​ចាកចេញ​ពី​សហភាព​អឺរ៉ុប​កាលពី​ចុង​ខែ​មករា​ឆ្នាំ​ ២០២០ ចក្រភព​អង់គ្លេស​ចង់​ឱ្យ​ប្រទេស​ក្លាយជា​ប្រទេស​ដៃគូ​សន្ទនា​ជាមួយ​អាស៊ាន ដូច​សហរដ្ឋអាមេរិក ចិន កាណាដា និង​ជប៉ុន​ដែរ​ដើម្បី​បង្កើត​ទំនាក់ទំនង​កាន់តែ​ស៊ីជម្រៅ​ជាមួយ​ក្រុម​ប្រទេស​ទាំងនេះ​ដែល​នឹង​ធ្វើឱ្យ​មាន​ឱកាស​ថ្មី​ក្នុង​វិស័យ​ពាណិជ្ជកម្ម អប់រំ វិទ្យាសាស្ដ្រ និង​សន្ដិសុខ​។ ចំពោះ​កិច្ចសហប្រតិបត្តិការ​ពាណិជ្ជកម្ម​ទ្វេភាគី​រវាង​កម្ពុជា​ និង​អង់គ្លេស​គឺ​ប្រទេស​ទាំង​ ២ ​កំពុង​សម្លឹង​ពី​លទ្ធភាព​នៃ​ការបង្កើត​កិច្ចព្រមព្រៀង​ពាណិជ្ជកម្ម​សេរី​ទ្វេភាគី (FTA) ជាមួយគ្នា​។

ទំហំ​ពាណិជ្ជកម្ម​ប្រទេស​ទាំង​ ២ ​បាន​កើនឡើង​ជា​បន្តបន្ទាប់ ដូចជា កាលពី​ឆ្នាំ​ ២០១៩ ទំហំ​ពាណិជ្ជកម្ម​ទ្វេភាគី​កើន​ដល់​ទឹកប្រាក់​ ១,០៥ ពាន់​លាន​ដុល្លារ ដែល​ការនាំចេញ​របស់​កម្ពុជា​ដូចជា​ផលិតផល​សម្លៀកបំពាក់ ស្បែកជើង កង់​ និង​អង្ករ​ទៅ​ទីផ្សារ​ចក្រភព​អង់គ្លេស​មាន​តម្លៃ ៩៧៨ លាន​ដុល្លារ​។

ពាក់ព័ន្ធ​នឹង​ជំងឺ​កូវីដ ក្រសួង​សុខាភិបាល​បាន​ប្រកាស​ថា កម្ពុជា​ត្រូវ​បាន​អង្គការ​សុខភាព​ពិភពលោក​ (WHO) ​ទទួល​ស្គាល់​ថា គឺជា​ប្រទេសមួយ​ក្នុងចំណោម​ប្រទេស​មួយ​ចំនួន​តូច ដែល​អាច​គ្រប់គ្រង​ជំងឺ​កូវីដ ​១៩​ បាន​ល្អ​ប្រសើរ ដែល​មកដល់​ពេល​នេះ​មិនទាន់​មាន​ការឆ្លង​ចូល​ទៅ​ក្នុង​សហគមន៍​នៅឡើយ​។

គិត​ត្រឹម​ថ្ងៃទី​ ២៩ កញ្ញា កម្ពុជា​បាន​រកឃើញ​ជំងឺ​កូវីដ​ទាំងអស់​ចំនួន​ ២៧៧​ នាក់​ ដែល​ប្រហែល​ ៨៦% ​គឺជា​ករណី​នាំចូល ហើយ​ក្នុងនោះ​មាន​ចំនួន​ ២៧៥ ​នាក់ ​ត្រូវ​បាន​ព្យាបាល​ជាសះស្បើយ​ដែល​ស្មើ​ជាង​ ៩៩% និង​គ្មាន​ករណី​ស្លាប់​។

កាលពី​ម្សិលមិញ​ក្រសួង​បាន​រាយការណ៍​ករណី​ថ្មី​លើ​ជនជាតិ​ចិន​ម្នាក់ ដែល​បាន​ធ្វើ​ដំណើរ​មកពី​ប្រទេស​ហ្វីលីពីន តជើង​ហោះហើរ​នៅ​ប្រទេស​កូរ៉េខាងត្បូង​មក​ដល់​កម្ពុជា​នៅ​ថ្ងៃទី​ ២៧ កញ្ញា​។ បុរស​រូបនេះ​ត្រូវបាន​ធ្វើតេស្ដ​វិជ្ជមាន​កាលពី​ថ្ងៃទី​ ២៨ កញ្ញា ខណៈ​អ្នក​រួមដំណើរ​ចំនួន​ ១០១ ​នាក់​ផ្សេងទៀត​ក្នុង​នោះ​ ៥៥ ​នាក់​ ជា​ជនជាតិខ្មែរ​ទទួល​បាន​លទ្ធផល​ធ្វើតេស្ដ​អវិជ្ជមាន​ត្រូវ​បាន​ធ្វើ​​ចត្តាឡីស័ក​នៅ​សណ្ឋាគារ និង​ខ្លះ​នៅ​អនុវិទ្យាល័យ​ពោធិ៍ចិនតុង​៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។