The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋសភា​គ្រោង​វិសោធនកម្ម ​លុប​តំណែង​ កឹម សុខា ​សប្ដាហ៍​នេះ




រដ្ឋសភា​គ្រោង​វិសោធនកម្ម ​លុប​តំណែង​ កឹម សុខា ​សប្ដាហ៍​នេះ

Content image - Phnom Penh Post
លោក កឹម សុខា ​ប្រធាន​ស្តីទី​នៃ​គណបក្ស​សង្គ្រោះជាតិ​។

រដ្ឋសភា​គ្រោង​វិសោធនកម្ម ​លុប​តំណែង​ កឹម សុខា ​សប្ដាហ៍​នេះ

ភ្នំពេញ: គណៈកម្មាធិការ​អចិន្រៃ្តយ៍​រដ្ឋសភា​ទំនង​ជា​​ពិភាក្សា​​អំពី​សំណើ​​របស់​លោក​នាយករដ្ឋមន្រ្តី ហ៊ុន ​សែន នៅ​ថ្ងៃ​ចន្ទ​បន្ទាប់ពី​លោក​នាយករដ្ឋមន្រ្តី​នា​សប្តាហ៍​​​នេះ​បាន​ស្នើសុំ​​​លុប​តំណែង​​ប្រធាន​តំណាងរាស្រ្ត​សំឡេង​ភាគតិច​របស់​​លោក កឹម សុខា ​ប្រធាន​ស្តីទី​នៃ​គណបក្ស​សង្គ្រោះជាតិ​ដែល​មាន​ឋានៈ​ស្មើ​នាយក​រដ្ឋមន្រ្តី​។

អ្នក​នាំពាក្យ​រដ្ឋសភា​លោក ឡេង​ ប៉េងឡុង បាន​បញ្ជាក់​កាលពី​ម្សិលមិញ​ថា​រដ្ឋសភា​បាន​ទទួល​រួច​ហើយ​នូវ​សំណើ​​​របស់​លោក​នាយក​រដ្ឋមន្រ្តី​ ហ៊ុន​ សែន តាមរយៈ​​តំណាងរាស្រ្ត​​ ៥០ ​​រូប​​របស់​គណបក្ស​ប្រជាជន​កម្ពុជា​​​ស្នើសុំ​ធ្វើ​វិសោធនកម្ម​មាត្រា​ ៤៨ ​ថ្មី​ (បី) ​ដើម្បី​លុប​តំណែង​របស់​លោក​​​ កឹម សុខា ប្រធាន​ស្តីទី​នៃ​គណបក្ស​​សង្គ្រោះជាតិ​ចេញពី​ប្រធាន​តំណាងរាស្រ្ត​សំឡេង​ភាគតិច​​ដែល​មាន​ឋានៈ​ស្មើ​​​នាយក​រដ្ឋមន្រ្តី​សម្រាប់​ការ​ជជែក​បញ្ហា​នយោបាយ​។

លោក ឡេង ប៉េងឡុង បាន​ថ្លែង​ថា​៖ ​«​​យើង​កំពុង​រៀបចំ​ [​សំណើ​] ​ដាក់​ទៅ​សម្តេច​​ប្រធាន​រដ្ឋសភា​ [ហេង សំរិន​] ​​ដើម្បី​បើក​សម័យ​ប្រជុំ​គណៈកម្មាធិការ​អចិន្រ្តៃយ៍​ [ថ្ងៃ​ចន្ទ​] ប៉ុន្តែ​គាត់​​​បើក​សម័យ​ប្រជុំ​នៅ​ថ្ងៃ​ណា​យើង​មិន​ទាន់​ដឹង​នៅ​ឡើយ​ទេ​»​។

លោក ឡេង ប៉េងឡុង បាន​ថ្លែង​បន្ត​ថា​មាន​តំណាងរាស្រ្ត​ ១៣ ​រូប​​ពី​គណបក្ស​ទាំង​ពីរ​​​នៅ​ក្នុង​​សម័យ​​ប្រជុំ​គណៈកម្មាធិការ​អចិន្រ្តៃយ៍​តំណាងរាស្រ្ត​ ៧ ​រូប​ពី​​គណបក្ស​ប្រជាជន​កម្ពុជា​​ និង​ ៦ ​រូប​ពី​គណបក្ស​សង្គ្រោះជាតិ​ប៉ុន្តែ​ប្រសិន​បើ​​គណបក្ស​សង្គ្រោះ​ជាតិ​ធ្វើ​ពហិការ​សម័យ​ប្រជុំ​គណៈកម្មាធិការ​នេះ​​តំណាងរាស្រ្ត​ ៧ ​រូប​របស់​​គណបក្ស​ប្រជាជន​កម្ពុជា​​នៅ​តែ​អាច​បើក​សម័យ​ប្រជុំ​​​បាន​។

លោក ប៉េងឡុង បន្ថែម​ថា​យោង​តាម​រដ្ឋធម្មនុញ្ញ​​តំណាងរាស្រ្ត​ ៣១ ​រូប​អាច​​ស្នើ​​ធ្វើ​វិសោធនកម្ម​​មាត្រា​នៃ​ច្បាប់​ណា​មួយ​ប៉ុន្តែ​ចំពោះ​​វិសោធនកម្ម​​មាត្រា​​ ៤៨ ​ថ្មី​ (បី) ​​ដែល​ស្នើ​ដោយ​លោក​នាយក​រដ្ឋមន្រ្តី ហ៊ុន សែន មាន​តំណាងរាស្រ្ត​​គណបក្ស​ប្រជាជន​កម្ពុជា​ ៥០ ​រូប​​គាំទ្រ​សំណើ​​របស់​លោក​នាយក​រដ្ឋមន្រ្តី ហើយ​បាន​ស្នើ​សុំ​រដ្ឋសភា​​ធ្វើ​វិសោធនកម្ម​មាត្រា​នេះ​។

អ្នក​នាំពាក្យ​គណបក្ស​សង្គ្រោះ​ជាតិ​លោក យឹម សុវណ្ណ និង យ៉ែម បុញ្ញរិទ្ធ មិន​អាច​ទាក់ទង​សុំ​អត្ថាធិប្បាយ​បាន​ទេ​កាលពី​ម្សិលមិញ​។

លោក​នាយក​រដ្ឋមន្រ្តី ហ៊ុន​ សែន បាន​ព្រមាន​​​​ពី​ប្រទេស​ស្វ៊ីស​ថា​លោក​នឹង​ស្នើសុំ​សភា​ធ្វើ​វិសោធនកម្ម​​​​ដើម្បី​លុប​តំណែង​លោក កឹម សុខា៕ PS

អត្ថបទគួរចាប់អារម្មណ៍