ភ្នំពេញៈ ក្រោម​សេចក្តី​ព្រាង​ច្បាប់​ដ៏ចម្រូងចម្រាស​ដែល​បាន​​អនុម័ត​​ដោយ​ទីស្តីការ​គណៈរដ្ឋមន្រ្តី កាលពី​ថ្ងៃ​សុក្រ អង្គការ​ក្រៅ​រដ្ឋាភិបាល​ ដែល​រដ្ឋាភិបាល ចាត់ទុក​ថា​ «​ធ្វើឲ្យ​ប៉ះពាល់​ដល់​សន្តិសុខ​​ជាតិ​» នឹង​មិន​ចុះ​បញ្ជី​ឲ្យ​ទេ ខណៈ​អង្គការ​ដែល​ទទួល​បាន​ការ​ចុះ​បញ្ជី​ត្រូវតែ​​​ «អព្យាក្រឹត​ចំពោះ​​រាល់​គណបក្ស​នយោបាយ​​ទាំងអស់​»​។ នេះ​បើ​តាម​ច្បាប់​ចម្លង​នៃ​សេចក្តី​ព្រាង​ច្បាប់​ដែល​ភ្នំពេញ​ប៉ុស្តិ៍​ទទួល​បាន​កាលពី​ថ្ងៃ​អង្គារ​។