The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋាភិបាល​នឹង​រឹប​អូស​ដី​សម្បទាន​វិញ​​ បើ​ក្រុម​ហ៊ុន​មិន​បំពេញ​តាម​ផែន​ការ




រដ្ឋាភិបាល​នឹង​រឹប​អូស​ដី​សម្បទាន​វិញ​​ បើ​ក្រុម​ហ៊ុន​មិន​បំពេញ​តាម​ផែន​ការ

ដី​សម្បទាន​ដែល​មាន​ទំនាស់​ជា​មួយ​សហគមន៍​កន្លង​មក
ដី​សម្បទាន​ដែល​មាន​ទំនាស់​ជា​មួយ​សហគមន៍​កន្លង​មក។ សហការី

រដ្ឋាភិបាល​នឹង​រឹប​អូស​ដី​សម្បទាន​វិញ​​ បើ​ក្រុម​ហ៊ុន​មិន​បំពេញ​តាម​ផែន​ការ

ភ្នំពេញៈ លោក​នាយក​រដ្ឋ​មន្រ្តី ហ៊ុន សែន កាល​ពី​ថ្ងៃ​ចន្ទ បាន​ជូន​ដំណឹង​ទៅ​លោក Tan Sri Lim Kok Thay នាយក​ប្រតិបតិ្ត​នៃ​ក្រុម​ហ៊ុន​ម៉ាឡេស៊ី Genting Group ​អំពី​ដី​សម្បទាន​សេដ្ឋ​កិច្ច​ដែល​កាន់​កាប់​ដោយ​ក្រុម​ហ៊ុន​ឯក​ជន​នឹង​ត្រូវ​រឹប​អូស​ ប្រសិន​បើ​ក្រុម​ហ៊ុន​ឯក​ជន​ទាំង​នេះ​មិន​បំពេញ​បាន​តាម​ផែន​ការ​មេ​ស្តីពី​ការ​អភិវឌ្ឍ​ទេ​នោះ។

លោក អ៊ាង សុផល្លែត ​អ្នក​នាំ​ពាក្យ​របស់​លោក​នាយក​រដ្ឋ​មន្រ្តី បាន​ប្រាប់​អ្នក​យក​ព័ត៌​មាន​បន្ទាប់​ពី​កិច្ច​ប្រជុំ​បិទ​ទ្វារ នៅ​វិមាន​សន្តិ​ភាព​ថា៖ «​នៅ​ពេល​នេះ កម្ពុជា​បាន​រឹត​ត្បិត​ដី​សម្បទាន​សេដ្ឋ​កិច្ច ហើយ​រដ្ឋាភិបាល​កម្ពុជា​បាន​លើក​ទឹក​ចិត្ត​ឲ្យ​ក្រុម​ហ៊ុន​ឯក​ជន ដែល​បាន​ទទួល​ដី​សម្បទាន​សេដ្ឋ​កិច្ច ត្រូវ​ដាក់​ផែន​ការ​មេ​ស្តីពី​ការ​អភិវឌ្ឍ​ ប្រសិន​បើ​ខក​ខាន រដ្ឋាភិបាល​នឹង​រឹប​អូស​យក​មក​វិញ»។

លោក​បាន​បន្ថែម​ថា លោក Lim ​បាន​ជម្រាប​ជូន​លោក​នាយក​រដ្ឋ​មន្រ្តី​អំពី​ក្រុម​ហ៊ុន Genting Group ដែល​កំពុង​ស្វែង​រក​ឱកាស​វិនិយោគ​លើ​រមណីយ​ដ្ឋាន កសិកម្ម និង​អគ្គិសនី។

លោក សុផល្លែត បាន​បន្ថែម​ថា៖ «​សម្តេច​នាយក​រដ្ឋ​មន្រ្តី​បាន​ណែ​នាំ​ពី​ឱកាស​វិនិយោគ ដែល​នៅ​តំបន់​ឆ្នេរ និង​ផលិត​កម្ម​កសិកម្ម​សម្រាប់​នាំ​ចេញ ដូច​ជា​ស្រូវ​ អង្ករនិង​កៅស៊ូ»។

លោក​នាយក​រដ្ឋ​មន្រ្តី​បាន​លើក​ឡើង​ថា តំបន់​ឆ្នេរ​មាន​សក្តានុពល​ខ្ពស់​សម្រាប់​វិស័យ​ទេស​ចរណ៍​នៅ​ថ្ងៃ​អនាគត។

ចុង​ក្រោយ​នេះ រដ្ឋាភិបាល​ពិនិត្យ​លើ​ក្រុម​ហ៊ុន​ ១២២ ​ទៀត ដែល​កាន់​កាប់​ដី​សម្បទាន​សេដ្ឋកិច្ច ដែល​ដី​សម្បទាន​របស់​ក្រុម​ហ៊ុន​ចំនួន​ ១០ ​ក្រុម​ហ៊ុន ត្រូវ​បាន​លុប​ចោល​៕

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។