The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋាភិបាល​មាន​គម្រោង​ដំឡើង​ប្រាក់​ខែ​ដល់​កម្មករ​នៅ​ឆ្នាំ​ក្រោយ




រដ្ឋាភិបាល​មាន​គម្រោង​ដំឡើង​ប្រាក់​ខែ​ដល់​កម្មករ​នៅ​ឆ្នាំ​ក្រោយ

រដ្ឋាភិបាល​មាន​គម្រោង​ដំឡើង​ប្រាក់​ខែ​ដល់​កម្មករ​នៅ​ឆ្នាំ​ក្រោយ

130826_5b
កម្មកររោងចក្រ SL រាប់ពាន់នាក់តវ៉ាកាលពីចុងសប្តាហ៍មុន ម៉ៃ វីរៈ

ភ្នំពេញៈ ខណៈ​ដែល​គណបក្ស​ប្រឆាំង កំពុង​បន្ត​ធ្វើ​ការ​តវ៉ា ប្រឆាំង​លទ្ធផល​បោះឆ្នោត ​ដែល​មាន​ភាព​មិន​ប្រក្រតី រដ្ឋាភិបាល​ដែល​ដឹក​នាំ​ដោយ​គណបក្ស​ប្រជាជន បាន​ចេញ​សេចក្តី​ប្រកាស​ជា​លើក​ទី​ពីរ​ស្តី​អំពី​ប្រាក់​ខែ ដោយ​និយាយ ​កាល​ពី​ថ្ងៃ​ម្សិលមិញ​ថា ខ្លួ​ន​បាន​​បង្កើត​គណៈ​កម្មការ​មួយ​ដើម្បី​ធ្វើ​ការ​សិក្សា​ ពី​ការ​​ដំឡើង​ប្រាក់​ឈ្នួល​អប្បបរមា​ដល់​កម្មករ កម្មការិនី​រោងចក្រ​កាត់​ដេរ និង​ស្បែក​ជើង​នៅ​ឆ្នាំ​ក្រោយ។

បន្ទាប់ ​ពី​រដ្ឋាភិបាល ​ប្រកាស​ដំឡើង​ប្រាក់​ខែ សម្រាប់​មន្រ្តី​រាជការ​ស៊ីវិល ប៉ុន្មាន​ថ្ងៃ​បន្ទាប់​ពី​ការ​បោះ​ឆ្នោត ​កាល​ពី​ខែ​មុន​ លោក វង្ស សុវណ្ណ អគ្គ​លេខាធិការ​នៃ​គណៈកម្មការ​ដោះ​ស្រាយ​កូដកម្ម និង​បាតុកម្ម​របស់​ក្រសួង​ការ​ងារ​បាន​និយាយ​ថា ​គណៈកម្មការ​នេះ នឹង​ដំឡើង​ប្រាក់​ឈ្នួល បន្ទាប់​ពី​ពិនិត្យ​តម្លៃ​ម្ហូប​អាហារ​ សម្រាប់​កម្មករ​ កម្មការិនី​វាយ​នភ័ណ្ឌ​។

លោក​បញ្ជាក់​ថា​៖«យើង​មិន អាច​ប្រាប់​អ្នក​ថា កម្មករ កម្មការិនី នឹង​ទទួល​បាន​ប៉ុន្មាន​ទេ បន្ទាប់​ពី​យើង​បាន​ធ្វើ​ការ​ស្រាវ​ជ្រាវ​ ប៉ុន្តែ​នឹង​មាន​ការ​ដំឡើង​មួយ​ ព្រោះ​នោះ​ជា​បំណង​របស់​រដ្ឋាភិបាល»។

លោក​បន្ថែម​ថា គណៈកម្មការ​នេះ នឹង​ចូល​រួម​ជា​មួយ​រដ្ឋាភិបាល សហជីព​និង​សមាគម​រោងចក្រ​កាត់​ដេរ​នៅ​កម្ពុជា(GMAC) ។

លោក​បាន​ថ្លែង​ថា​៖«គេ​ប្រហែល​ជា​ត្រូវ​​ការ​ពេល​ ៣ ឬ​ ៤​ ខែ ដើម្បី​បញ្ចប់​វា ព្រោះ​យើង​កំពុង​តែ​មាន​បំណង​ដំឡើង​ប្រាក់​ឈ្នួល​នៅ​ក្នុង​ឆ្នាំ ២០១៤»។

លោក សោម អូន ប្រធាន​សម្ព័ន្ធ​សហជីព​ជាតិ​កម្ពុជា (NACC) ដែល​គេ​គិត​ថា មាន​ទំនាក់​ទំង​ជាមួយ​រដ្ឋាភិបាល​ជឿ​ថា ការ​ចរចា​សម្រាប់​ប្រាក់​ឈ្នួល​ខ្ពស់​ជាង​នេះ អាច​នឹង​ចាប់​ផ្តើម​ធ្វើ​នៅ​ខែ​ក្រោយ​។

លោក​បាន​​បញ្ជាក់​ថា​ NACC ​នឹង​ព្យាយាម​ធានា​ប្រាក់​ឈ្នួល​អប្បបរមា​រហូត​ដល់​២០០​ដុល្លារ​ ក្នុង​រយៈ​ពេល​ ៥ ​ឆ្នាំ​ទៀត​។ លោក​បាន​និយាយ​ទៀត​ថា​៖ «ខ្ញុំ​សង្ឃឹម​ថា កម្មករ នឹង​ទទួល​បាន​ការ​ដំឡើង​ក្នុង​ចន្លោះ​ពី​២០​ទៅ​៣០​ដុល្លារ​នៅ​ឆ្នាំ​ក្រោយ​»​។

ប៉ុន្តែ គ្រប់ៗ​គ្នា​ មិន​មែន​សុទ្ធ​តែ​ត្រូវ​គេ​អញ្ជើញ​ឲ្យ​ចូល​រួម​ជាមួយ​គណៈកម្មការ​នេះ​ទេ ព្រោះ​រដ្ឋាភិបាល​មិន​បាន​ទទួល​ស្គាល់​សហភាព​សហជីព​កម្ពុជា​របស់​លោក រ៉ុង ឈុន ជា​ផ្លូវ​ការ​ទេ​ តែ​លោក រ៉ុង ឈុន នឹង​ឃ្លាំ​មើល​ដំណើរ​ការ​នេះ​ពី​ចម្ងាយ​។

លោក រ៉ុង ឈុន បាន​ថ្លែង​ថា៖« ខ្ញុំ​ភ្ញាក់​ផ្អើល​(ចំពោះ​គណៈកម្មការ​នេះ​) ប៉ុន្តែ​ខ្ញុំ អបអរ​សាទរ​ពួក​គេ​...ខ្ញុំ ចង់​ឲ្យ​ពួក​គេ​ដំឡើង​ប្រាក់​ឈ្នួល​ឲ្យ​កម្មករ​ដល់​ទៅ​ ១៥០ ដុល្លារ​ ក្នុង​មួយ​ខែ​ឆាប់​ៗ តាម​ដែល​អាច​ធ្វើ​ទៅ​បាន​»​។ លោក​បញ្ជាក់​ថា រឿង​ដូច​គ្នា គួរ​តែ​កើត​មាន​សម្រាប់​កម្មករ​សំណង់ ស្រ្តី​ផ្សព្វផ្សាយ​ស្រាបៀរ ស្រ្តី​បម្រើ​ការ​នៅ​តាម​ផ្ទះ និង​បុគ្គលិក​បដិសណ្ឋាកិច្ច។

លោក គង់ អាទិត្យ អនុ​ប្រធាន​សម្ព័ន្ធ​សហជីព​ប្រជាធិបតេយ្យ​កម្មករ​កាត់​ដេរ កម្ពុជា​(ស៊ីខៅឌូ)​បាន​ថ្លែង​ថា ​លោក​ក៏​មិន​ទាន់​ទទួល​បាន​នូវ​ការ​អញ្ជើញ​ឲ្យ​ចូល​រួម​នៅ​ក្នុង គណៈកម្មការ​នេះ​នៅ​ឡើយ​ដែរ​។ លោក​បញ្ជាក់​ថា​៖​ «ប្រហែល​ជា​ពួក​គេ​កំពុង​តែ​ធ្វើ​វា​ជាមួយ​ក្រុម​សហជីព​របស់​រដ្ឋាភិបាល​»​។

លោក​អាទិត្យ​បាន​លើក​ឡើង​ថា សេចក្តី​ប្រកាស​នេះ ត្រូវ​គេ​ធ្វើ​ឡើង​«​ដើម្បី​ធ្វើ​ឲ្យ​កម្មករ​កាត់​ដេរ​ស្ងប់​»​ ដែល​អ្នក​ទាំង​នោះ អាច​ត្រូវ​គេ​ទាក់​ទាញ​ឲ្យ​ចូល​រួម​ធ្វើ​មហា​បាតុកម្ម​របស់​គណបក្ស​សង្គ្រោះ​ជាតិ។

គណបក្ស​សង្គ្រោះ​ជាតិ ដែល​ជា​គណបក្ស​ប្រឆាំង ​បាន​សន្យា​កាល​ពី​អំឡុង​យុទ្ធនាការ​ឃោសនា​បោះឆ្នោត​ថា ខ្លួន​នឹង​ផ្តល់​ប្រាក់​ខែ​ដល់​មន្ត្រី​រាជការ​យ៉ាង​តិច​ចំនួន​ ១ ​លាន​រៀល ស្មើ​នឹង​ ២៥០​ដុល្លារ​ និង​កម្មករ​យ៉ាង​តិច​៦០ ម៉ឺន​រៀល ស្មើ​នឹង ១៥០ ដុល្លារ​ក្នុង​មួយ​ខែ ប្រសិន​បើ​ខ្លួន​ឈ្នះ​ការ​បោះឆ្នោត បាន​ដឹក​នាំ​ប្រទេស​នៅ​ក្នុង​អាណត្តិ​ទី៥ នេះ៕ NR

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។