ភ្នំពេញៈ គណបក្ស​ប្រជាជន​កម្ពុជា​នឹង «ខិតខំ​ប្រឹង​ប្រែង​ធ្វើ​កំណែ​ទម្រង់» ដោយ​សារ​ខ្លួន​ទទួល​ស្គាល់​ថា ការ​បរាជ័យ​ចំពោះ​ការ​ធ្វើ​កំណែ​ទម្រង់​នឹង​ទំនង​ធ្វើ​ឲ្យ​គណបក្ស​នេះ​ចាញ់​ការ​បោះឆ្នោត​ជាតិ​នា ឆ្នាំ​២០១៨ ខាង​មុខ។ នេះ​បើ​តាម​រដ្ឋ​មន្រ្តី​ក្រសួង​ពាណិជ្ជកម្ម លោក ស៊ុន ចាន់ថុល ដែល​បាន​ថ្លែង​នៅ​ក្នុង​សុន្ទរកថា​មួយ​ទៅ​កាន់​ក្រុម​អ្នក​បង្កើត​គោល​នយោបាយ​ដែល​មាន​កិត្យានុភាព របស់​សហរដ្ឋ​អាមេរិក។