The Phnom Penh Post Search

Search form

Logo of Phnom Penh Post newspaper Phnom Penh Post - រថយន្ត​ក្រុង​បុក​ជាមួយ​រថយន្ត​កុងតឺន័រ​ស្លាប់​២​នាក់​របួស​ធ្ងន់​ស្រាល​ជិត​២០​នាក់

រថយន្ត​ក្រុង​បុក​ជាមួយ​រថយន្ត​កុងតឺន័រ​ស្លាប់​២​នាក់​របួស​ធ្ងន់​ស្រាល​ជិត​២០​នាក់

រថយន្ត​ក្រុង​បុក​ជាមួយ​រថយន្ត​កុងតឺន័រ​ស្លាប់​២​នាក់​របួស​ធ្ងន់​ស្រាល​ជិត​២០​នាក់

កំពង់ស្ពឺៈ យ៉ាង​ហោច​ណាស់​ក៏​មាន​មនុស្ស​ពីរ​នាក់​បាន​ស្លាប់ និង​របួស​ធ្ងន់​ស្រាល​ជិត​២០​នាក់​ក្នុង​គ្រោះ​ថ្នាក់​ចរាចរណ៍​មួយ រវាង​រថយន្ត​ក្រុង និង​រថយន្ត​កុងតឺន័រ នៅ​តាម​បណ្ដោយ​ផ្លូវ​ជាតិ​លេខ​៤ ស្ថិត​នៅ​ចំណុច​ភូមិ​វត្ត​ចំបក់ ឃុំ​វល្លិស ស្រុក​សំរោងទង​ខេត្ត​កំពង់ស្ពឺ កាល​ពី​រសៀល​ថ្ងៃ​ម្សិល​មិញ។

លោក សាយ សេត អធិការ​រង ស្រុក​សំរោង​ទង ទទួល​បន្ទុក​ផែន​ចរាចរណ៍ បាន​ប្រាប់​ភ្នំពេញ​ប៉ុស្តិ៍​ថា ហេតុ​ការណ៍​គ្រោះថ្នាក់​ចរាចរណ៍​នេះ បង្ក​ឡើង​មក​ពី​អ្នក​បើក​បរ​រថយន្ត​ក្រុង​របស់​ក្រុមហ៊ុន​ពន្លឺ​អង្គរ ដែល​ផ្ទុក​ដោយ​កុមារ​កំព្រា នៃ​អង្គការ​អេស​ខេ​អូ​ដែល​ហៅ​ពេញ​ថា​អង្គការ​ពន្លក​វិជ្ជា​កុមារ​កំព្រា​ជាង​៤០​នាក់ ដែល​ធ្វើ​ដំណើរ​ត្រឡប់​ពី​កម្សាន្ត​នៅ​ក្រុង​ព្រះ​សីហនុ ទៅ​បាត់ដំបង បាន​វ៉ា​ប្រជែង​រថយន្ត​មួយ​ទៀត​ដោយ​ខ្វះ​ការ​ប្រុង​ប្រយ័ត្ន ទៅ​បុក​រថយន្ត​កុងតឺន័រ ដែល​កំពុង​ធ្វើ​ដំណើរ​បញ្ច្រាស​ទិស​គ្នា​ពេញ​មួយ​ទំហឹង បណ្ដាល​ឲ្យ​រថយន្ត​កុងតឺន័រ​ដាច់​ក្បាល ហើយ​រថយន្ត​ក្រុង​ក៏​ដាច់​ចង្កូត​បោល​ធ្លាក់​ផ្លូវ។

លោក​បាន​ឲ្យ​ដឹង​ទៀត​ថា​៖​«អ្នក​បើក​បរ​រថយន្ត​កុងតឺន័រ និង​ព្រូ​រថយន្ត​ក្រុង​នោះ​បាន​ស្លាប់​ពេល​បញ្ជូន​មក​សង្គ្រោះ​នៅ​មន្ទីរពេទ្យ​កាល់ម៉ែត ហើយ​កុមារ​មួយ​ចំនួន​បាន​បញ្ជូន​ទៅ​សង្គ្រោះ​នៅ​មន្ទីរពេទ្យ​ខេត្ត និង​គ្លីនិក​មួយ​ចំនួន​»។

លោក​ថា​រថយន្ដ​ទាំង​២​ត្រូវ​បាន​សមត្ថកិច្ច​ស្ទូច​និង អូស យក​មក​រក្សា​ទុក​នៅ​ការិយាល័យ​នគរបាល​ចរាចរណ៍​ខេត្ដ​ដើម្បី​ដោះស្រាយ​បន្ដ​តាម​នីតិវិធី៕

អត្ថបទគួរចាប់អារម្មណ៍