The Phnom Penh Post Search

Search form

Logo of Phnom Penh Post newspaper Phnom Penh Post - រោងចក្រ​ស្ទើរ​ទាំង​អស់​នៅ​បាវិត​បើក​ទ្វារ​វិញ




រោងចក្រ​ស្ទើរ​ទាំង​អស់​នៅ​បាវិត​បើក​ទ្វារ​វិញ

រោងចក្រ​ស្ទើរ​ទាំង​អស់​នៅ​បាវិត​បើក​ទ្វារ​វិញ

20140505_06
អាទិត្យមុនតំបន់សេដ្ឋកិច្ចពិសេសនៅក្រុងបាវិត បានបិទទ្វារ ផា លីណា

ស្វាយរៀងៈ រោងចក្រ​ស្ទើរ​ទាំង​អស់​នៅ​តំបន់​សេដ្ឋកិច្ច​ពិសេស​នៅ ទីក្រុង​បាវិត ក្នុង ខេត្ត​ស្វាយរៀង បាន​បើក​ទ្វារ​ជា​ថ្មី​នៅ​ថ្ងៃ​ចុង​សប្តាហ៍ ដោយ​បញ្ចប់​កូដកម្ម ដែល​ក្រុម​កម្មករ​បាន​ទទួល​បរាជ័យ​មិន​អាច​បញ្ចុះ​បញ្ចូល​ឲ្យ​និយោជក​បង់​ប្រាក់​រង្វាន់ ៥០ ដុល្លារ​ដល់​ពួកគេ​បាន​សម្រេច។

អ្នក​ស្រី ប៉ុល សម្ផស្ប កម្មការិនី​នៅ​រោងចក្រ Kingmaker ក្នុង​តំបន់​សេដ្ឋកិច្ច​ពិសេស មេនហាតធេន បាន​ឲ្យ​ដឹង​កាល​ពី​ម្សិលមិញ​ថា ថ្នាក់​គ្រប់​គ្រង​រោងចក្រ​បាន​ប្រមូល​ក្រុម​កម្មករ​បាន​ជាង ៣០០០ នាក់​មក​វិញ ដោយ​យល់​ព្រម​បង់​ប្រាក់​ឈ្នួល​កន្លះ​ថ្ងៃ​សម្រាប់​ពួក​គេ​ដែល​មិន​បាន​ធ្វើ​ការ​ចាប់​តាំង​ពី​ថ្ងៃ ទី​២១ ខែ​មេសា និង​ជា​ថ្ងៃ​ចាប់​ផ្តើម​កូដកម្ម។

អ្នក​ស្រី​និយាយ​ថា៖ «យើង​មិន​ទទួល​បាន​អ្វី​ទេ បន្ទាប់​ពី​បាន​ធ្វើ​កូដកម្ម​អស់​ជាង ១ សប្តាហ៍»។ វា​មិន​ច្បាស់​ទេ​ថា តើ​រោងចក្រ​ប៉ុន្មាន​ទៀត ក្រៅ​ពី រោងចក្រ Kingmaker បាន​ព្រម​ព្រៀង​ដូច​គ្នា ក្នុង​ការ​បង់​ប្រាក់​ឈ្នួល​កន្លះ​ថ្ងៃ​ដល់​កម្មករ​ដែល​ខក​ខាន​ការងារ​នោះ។

កម្មករ​រាប់​ពាន់​នាក់​បាន​ផ្តើម​ធ្វើ​កូដកម្ម​នៅ​ពាក់​កណ្តាល ខែ​មេសា បន្ទាប់​ពី​ចូល​ឆ្នាំ​ខ្មែរ​រួច ពេល​ពួក​គេ​ដឹង​ថា យ៉ាង​ហោច​រោងចក្រ​មួយ​បាន​ផ្តល់​ប្រាក់​រង្វាន់ ៥០ ដុល្លារ​ដល់​កម្មករ​ដែល​ពុំ​ធ្វើ​កូដកម្ម។ កូដកម្ម​ចាប់​ផ្តើម​រីក​រាល​ដាល​ភ្លាមៗ ដោយ​ទាក់​ទាញ​កម្មករ​ពី​តំបន់​សេដ្ឋកិច្ច ៣ នៅ ទីក្រុង​បាវិត ហើយ​កម្មករ​ម្នាក់​ត្រូវ​ចោទ​ពី​បទ​បំផ្លាញ​ទ្រព្យ​សម្បតិ្ត។

លោក កឹម ចំរើន មន្រ្តី​ច្បាប់​សហជីព​សមូហភាព​ចលនា​កម្មករ​នៅ ខេត្ត​ស្វាយរៀង បាន​ឲ្យ​ដឹង​កាល​ពី​ម្សិលមិញ​ថា មាន​តែ​រោងចក្រ ២ ប៉ុណ្ណោះ​ដែល​ជួប​បញ្ហា​កូដកម្ម។

លោក ហាស់ ប៊ុន្ធី ប្រធាន​មន្ទីរ​ការងារ ខេត្ត​ស្វាយរៀង បាន​ថ្លែង​កាល​ពី​ម្សិលមិញ​ថា ស្ថានការណ៍​នៅ ទីក្រុង​បាវិត បាន​វិល​មក​ធម្មតា​វិញ បើ​ទោះ​ជា​កម្មករ​មួយ​ចំនួន​នៅ​ទាមទារ​ឲ្យ​សម្រុះ​សម្រួល​ការ​បង់​ប្រាក់​ឈ្នួល​កន្លះ​ថ្ងៃ​ក៏​ដោយ ហើយ​កម្មករ​ប្រហែល ១០ ភាគរយ​នៅ​រោងចក្រ Best Way នៅ​តែ​មិន​ទាន់​វិល​ត្រឡប់​ចូល​ធ្វើការ​នៅ​ឡើយ៕ TK

អត្ថបទគួរចាប់អារម្មណ៍