The Phnom Penh Post Search

Search form

Logo of Phnom Penh Post newspaper Phnom Penh Post - លោក​ កឹម ​សុខា ​ទំនង​​ជា​អាច​ទទួល​បាន​រថយន្ត​រដ្ឋ​ប្រើ​វិញ




លោក​ កឹម ​សុខា ​ទំនង​​ជា​អាច​ទទួល​បាន​រថយន្ត​រដ្ឋ​ប្រើ​វិញ

Content image - Phnom Penh Post

លោក​ កឹម ​សុខា ​ទំនង​​ជា​អាច​ទទួល​បាន​រថយន្ត​រដ្ឋ​ប្រើ​វិញ

ភ្នំពេញៈ អនុប្រធាន​គណបក្ស​សង្គ្រោះ​ជាតិ​លោក កឹម សុខា ទំនង​​នឹង​​​​​អាច​ទទួល​បាន​​សិទ្ធិ​ប្រើ​រថយន្ត​រដ្ឋ​ឡើង​វិញ​បន្ទាប់ពី​​លោក​បាន​បាត់បង់​នៅពេល​ត្រូវ​បាន​បណ្តេញ​ចេញ​ពី​​អនុប្រធាន​ទី​ ១ ​រដ្ឋសភា​ពី​ខែ​តុលា​។

អ្នក​នាំពាក្យ​គណបក្ស​​ប្រជាជន ​លោក ឈាង វុន បាន​ថ្លែង​ ​បន្ទាប់ពី​កិច្ច​ជំនួប​រវាង​លោក​ ស ខេង តំណាង​សំឡេង​ភាគច្រើន​ និង​លោក​ កឹម សុខា តំណាង​សំឡេង​ភាគតិច ​កាលពី​ថ្ងៃ​សុក្រ​ថា ​​ក្នុង​អំឡុង​កិច្ចប្រជុំ​រយៈពេល​មួយ​ម៉ោង​​​ភាគី​ទាំង​ពីរ​​បាន​យល់ព្រម​ថា​ មេដឹកនាំ​សំឡេង​ភាគច្រើន និង ​មេដឹកនាំ​សំឡេង​ភាគតិច​នៅក្នុង​ រដ្ឋសភា​ គួរ​ទទួល​​​បាន​ការ​ប្រើប្រាស់​រថយន្ត​រដ្ឋ​​។ ថវិកា​គួរ​បែងចែក​ផង​ដែរ​ទៅ​ទីប្រឹក្សា​ ជំនួយការ និង ​ប្រធាន​​ខុទ្ទកាល័យ​ការិយាល័យ​មួយ​​ និង​បន្ទប់​ប្រជុំ​មួយ​សម្រាប់​​មេដឹកនាំ​គណបក្ស​ទាំង​ពីរ។

លោក សុខា បច្ចុប្បន្ន​​​ជា​ប្រធាន​ស្តីទី​នៃ​គណបក្ស​​​សំឡេង​ភាគតិច​ ខណៈ​អវត្តមាន ​លោក សម រង្ស៊ី រីឯ ​លោក ស ខេង ជា​ប្រធាន​នៃ​គណបក្ស​​​សំឡេង​ភាគច្រើន​។

លោក វុន បន្ត​ថា ​មេដឹកនាំ​ទាំង​ពីរ​ត្រូវការ​មាន​ការ​ដឹកជញ្ជូន​ពីព្រោះ​ពួកគេ​មាន​តួនាទី​សំខាន់​​ក្នុង​សភា។ ជោគវាសនា​របស់​​សកម្មជន​ និង​មន្រ្តី​គណបក្ស​សង្គ្រោះ​ជាតិ​​ ១៥​ នាក់​​ដែល​កំពុង​ជាប់​ពន្ធនាគារ​​​មិន​ត្រូវ​បាន​​ជជែក​នៅ​ក្នុង​កិច្ចប្រជុំ​នេះ​ទេ​​។

លោក វុន ថា​៖ «បញ្ហា​បុគ្គល​មិន​ស្ថិត​​នៅ​ក្នុង​​របៀបវារៈ​ទេ​។ «​យើង​អាច​ជជែក​អំពី​វា​នា​ពេល​ក្រោយ​»។

អ្នក​នាំ​ពាក្យ​​គណបក្ស​សង្គ្រោះ​ជាតិ​លោក យ៉ែម បុញ្ញឫទ្ធិ បាន​ថ្លែង​ថា​កិច្ចប្រជុំ​នេះ​ត្រូវ​បាន​ធ្វើ​ឡើង​ដើម្បី​ពង្រឹង​​វប្បធម៌​សន្ទនា​រវាង​គណបក្ស​ទាំង​ពីរ​ ដើម្បី​ឲ្យ​​អាច​ធ្វើការ​ជាមួយ​គ្នា​បាន​។ «​នៅ​ក្នុង​ការ​ពិភាក្សា​នេះ​យើង​មិន​និយាយ​អំពី​​ការ​យក​លោក កឹម សុខា ធ្វើ​ជា​អនុប្រធាន​ទី ១ ​រដ្ឋសភា​វិញ​ទេ ឬ​អ្នក​ដទៃ​ណា​​អាច​យក​ការងារ​នេះ​ ឬ​ អំពី​សមាជិក​ព្រឹទ្ធសភា​ដែល​ជាប់​ពន្ធនាគារ​លោក ហុង សុខហួរ ​នោះ​ទេ​»​៕ PS

អត្ថបទគួរចាប់អារម្មណ៍