The Phnom Penh Post Search

Search form

Logo of Phnom Penh Post newspaper Phnom Penh Post - លោក ជា មុនី សួរ​នាយក​រដ្ឋ​មន្ត្រី​រឿង​សុំ​បង្កើត​សហជីព




លោក ជា មុនី សួរ​នាយក​រដ្ឋ​មន្ត្រី​រឿង​សុំ​បង្កើត​សហជីព

លោក ជា មុនី សួរ​នាយក​រដ្ឋ​មន្ត្រី​រឿង​សុំ​បង្កើត​សហជីព

ភ្នំពេញៈ បន្ទាប់​ពី​រយៈ​ពេល​បី​ខែ​ដោយ​មិន​មាន​ការ​ឆ្លើយ​តប​ពី​ក្រសួង ការងារ ប្រធាន​សហជីព​សេរីកម្មករ លោក ជា មុនី កាល​ពី​ម្សិលមិញ​បាន​ផ្ញើ​លិខិត​មួយ​ទៅ​លោក​នាយក​រដ្ឋ​មន្រ្តី ហ៊ុន សែន សួរ​ថា ហេតុ​អ្វី ការ​ដាក់​ពាក្យ​សុំ​ការ​អនុញ្ញាត​បង្កើត​សហជីព​នៅ​រោងចក្រ​ចំនួន ១០ មិន​ទទួល​បាន​ចម្លើយ។

លោក ជា មុនី បាន​ថ្លែង​ថា ការ​មិន​មាន​សកម្មភាព​របស់​ក្រសួង ការងារ អាច​ដោយ​សារ​មក​ពី​រោងចក្រ​ដាក់​សម្ពាធ​ពួក​គេ​ឲ្យ​បដិសេធ​ការ​ដាក់​ពាក្យ​ស្នើ​សុំ​របស់​សហជីព​លោក។

លោក​បាន​ថ្លែង កាល​ពី​ម្សិលមិញ​ថា៖ «ខ្ញុំ​ផ្ញើ​លិខិត​ទៅ​លោក ហ៊ុន សែន ដើម្បី​សុំ​ការ​ពន្យល់​ថា ហេតុ​អ្វី​បាន​ជា​ក្រសួង បដិសេធ​ចំពោះ​សំណើ​សុំ​ចុះ​បញ្ជិកា សហជីព​របស់​ខ្ញុំ នៅ​តាម​រោងចក្រ​ទាំង​នោះ។ ប្រសិន​បើ​ពួក​គេ នៅ​តែ​បដិសេធ​បែប​នេះ​ពួក​គេ​គួរ​តែ​លុប​ចោល​ច្បាប់​ស្តីពី​ការងារ​ផង​ដែរ​ទៅ»។

អ្នក​នាំ​ពាក្យ​ក្រសួង ការងារ លោក ហេង សួរ បាន​ថ្លែង​កាល​ពី​ម្សិលមិញ​ថា ពួក​គេ​មិន​បដិសេធ​ចំពោះ​សំណើ​របស់​សហជីព​សេរី​កម្មករ​ទេ។ លោក​បាន​អះអាង​ថា មន្រ្តី​ក្រសួង ត្រូវ​តែ​ពិនិត្យ​ឯកសារ​ដែល​ដាក់​មក​ដោយ​យក​ចិត្ត​ទុក​ដាក់​មុន​ពេល​ធ្វើ​សេចក្តី​សម្រេច។ «នាយកដ្ឋាន​វិវាទ​ការងារ​ទទួល​ខុស​ត្រូវ​ចំពោះ​ការ​អនុញ្ញាត​លើ​ការ​ដាក់​ពាក្យ​ស្នើ​សុំ​នេះ»។ «ក្រសួង​មិន​ដែល​ហាម​ឃាត់​ការ​ស្នើ​សុំ​ចុះ​បញ្ជិកា​សហជីព​ទេ»។

មន្រ្តី​នាយកដ្ឋាន​វិវាទ​ការងារ​នៃ​ក្រសួង ការងារ មិន​អាច​ទាក់ទង​សុំ​អត្ថាធិប្បាយ​បាន​ទេ​កាល​ពី​ម្សិលមិញ៕ PS

អត្ថបទគួរចាប់អារម្មណ៍