សៀមរាបៈ រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង​សំណង់ លោក ជា សុផារ៉ា ដែល​ទើប​ចូល​កាន់​តំណែង​ថ្មី​បាន​សម្រេច​បញ្ចប់​តំណែង​ប្រធាន​មន្ទីរ​រៀបចំ​ដែនដី​ខេត្ត​សៀមរាប​លោក សែ សាមុត ឲ្យ​មក​​បម្រើ​ការងារ​នៅ​ក្រសួង​វិញ​ខណៈ​​មជ្ឈដ្ឋាន​មួយ​ចំនួន​យល់​ឃើញ​ថា​អាច​មក​ពី​​មន្ត្រី​រូប​នេះ​មាន​ភាព​អសកម្ម​ក្នុង​ការ​​ដោះស្រាយ​បញ្ហា​វិវាទ​ដីធ្លី​នៅ​ក្នុង​ខេត្ត​ដែល​ជា​តំបន់​ទេសចរណ៍​ដ៏ល្បីល្បាញ​មួយ​នេះ។