The Phnom Penh Post Search

Search form




Logo of Phnom Penh Post newspaper Phnom Penh Post - លោក​ មាស សុភា លើកទឹកចិត្ត​ឲ្យ​ពលរដ្ឋ​ហ៊ាន​សម្តែង​មតិ




លោក​ មាស សុភា លើកទឹកចិត្ត​ឲ្យ​ពលរដ្ឋ​ហ៊ាន​សម្តែង​មតិ

Content image - Phnom Penh Post
លោក​ មាស សុភា លើកទឹកចិត្ត​ឲ្យ​ពលរដ្ឋ​ហ៊ាន​សម្តែង​មតិក្នុង​វេទិកាសាធារណៈ​។ រូបថត សហការី

លោក​ មាស សុភា លើកទឹកចិត្ត​ឲ្យ​ពលរដ្ឋ​ហ៊ាន​សម្តែង​មតិ

ព្រះវិហារៈ ទេសរដ្ឋមន្ត្រី​ទទួល​បន្ទុក​បេសកកម្ម​ពិសេស​របស់​ប្រមុខ​រដ្ឋាភិបាល​លើ​កិច្ចការ​មីន យុទ្ធភណ្ឌ​មិនទាន់​ផ្ទុះ និង​ការងារ​វិស្វកម្ម​កងយោធពល​ខេមរភូមិន្ទ​ លោក​ មាស សុភា និង​ជា​ប្រធាន​ក្រុមការងារ​ថ្នាក់ជាតិ​ចុះ​មូលដ្ឋាន​ខេត្តព្រះវិហារ​បាន​ជំរុញ​ឱ្យ​ប្រជាពលរដ្ឋ​ត្រូវមាន​ភាពក្លាហាន​ក្នុង​ការសម្តែង​មតិយោបល់​ជា​សាធារណៈ​ទាំង​ចំណុច​ល្អ​ និង​ចំណុច​មិនល្អ​ និង​មិនត្រូវ​មាន​ភាព​ខ្លាចរអា​នោះទេ​។

ពេល​អញ្ជើញ​បើក​វេទិកា​សាធារណៈ​របស់​ក្រុមការងារ​ថ្នាក់ជាតិ​ចុះ​ជួយ​មូលដ្ឋាន​ខេត្តព្រះវិហារ​ក្នុង​ឃុំ​រតនៈ ស្រុក​រវៀង​កាលពី​ថ្ងៃទី​ ១១ កុម្ភៈ លោក​ មាស សុភា បាន​លើកទឹកចិត្ត​ពលរដ្ឋ​ឲ្យ​មាន​ភាពក្លាហាន​ក្នុង​ការសម្តែង​មតិ​ក្នុង​វេទិកាសាធារណៈ​។ លោក​ទេសរដ្ឋមន្ត្រី​ថា លោក​ចង់​ស្តាប់​មតិយោបល់​ផ្ទាល់​របស់​បងប្អូន​ប្រជាពលរដ្ឋ​ក្នុង​គោលបំណង ដើម្បី​រួមគ្នា​ដោះស្រាយ​បញ្ហា ដែល​ធ្វើឲ្យ​ទុក្ខ​កង្វល់​របស់​ពលរដ្ឋ​ត្រូវ​បាន​រំសាយ​ និង​ក៏​ដើម្បី​លើកស្ទួយ​ជីវភាព​រស់នៅ​របស់​ប្រជាពលរដ្ឋ​។ នេះ​បើ​យោងតាម​នាយប៉ុស្តិ៍​នគរបាល​ឃុំ​រតនៈ​លោក​ ហេង ម៉ុង​។

លោក​ ហេង ម៉ុង បញ្ជាក់ថា​៖ «​គាត់​បាន​លើកទឹកចិត្ត​ឲ្យ​បងប្អូន​ប្រជាពលរដ្ឋ​ឲ្យ​មាន​ភាពក្លាហាន​លើក​នូវ​កង្វល់ និង​សំណូមពរ និង​បញ្ហា​ផ្សេងៗ​ដែល​បាន​កើតឡើង​នៅ​សហគមន៍​របស់គាត់ និង​ហ៊ាន​ក្នុងការ​សម្តែង​មតិយោបល់​ជា​សាធារណៈ​ទាំង​ចំណុច​ល្អ និង​ចំណុច​មិនល្អ និង​មិនត្រូវ​មាន​ភាព​ខ្លាចរអា​នោះ​ទេ​»​។

លោក​បន្ថែមថា​៖ «​ប្រជាពលរដ្ឋ​មួយ​ចំនួន​តិចតួច​តែប៉ុណ្ណោះ​បាន​លើក​ឡើង​អំពី​បញ្ហា​ព្រៃឈើ​បញ្ហា​ស្រូវ​កសិកម្ម ដោយសារ​តែ​ការជួប​ប្រទះ​ភាពរាំងស្ងួត ជម្លោះដីធ្លី និង​អ្នកខ្លះ​បាន​សំណូមពរ​សុំ​សាលារៀន​ជាដើម​»​។

នាយប៉ុស្តិ៍​រូបនោះ​ឲ្យ​ដឹងថា ជាការ​ឆ្លើយតប​លោក មាស សុភា សន្យា​ថា ​លោក​នឹង​ខិតខំ​ដោះស្រាយ​បញ្ហា​ដែល​បាន​កើតឡើង និង​ណែនាំ​មន្ត្រី​មូលដ្ឋាន​ត្រូវខិតខំ​បម្រើ​ពលរដ្ឋ និង​សាមគ្គី​គ្នា​ក្នុង​ការដោះស្រាយ​បញ្ហា​។ លោក​ថា លោក​មិន​ដឹង​មូលហេតុ​អ្វី​បាន​ជា​ប្រជាពលរដ្ឋ​មានការ​ស្ទាក់ស្ទើរ​ក្នុងការ​លើកឡើង​ពី​កង្វល់​។

លោក​ ពៅ កឿន មេឃុំ​រតនៈ​ឲ្យ​ដឹង​ដែរ​ថា លោក​ មាស សុភា ក្នុង​នាម​ក្រុមការងារ​ថ្នាក់ជាតិ​ចុះ​មូលដ្ឋាន​ខេត្តព្រះវិហារ ឃុំ​រតនៈ ស្រុក​រវៀង បាន​ជួបជុំគ្នា​ដើម្បី​ជំរុញ​ប្រជាពលរដ្ឋ​ឲ្យ​មាន​ភាពក្លាហាន​ក្នុង​ការលើកឡើង​នូវ​បញ្ហា​ និង​សំណូមពរ​នានា​ដែល​កើតឡើង​នៅក្នុង​មូលដ្ឋាន​។ ប្រសាសន៍​របស់លោក​បាន​បំផុស​ប្រជាពលរដ្ឋ​មួយចំនួន​ឲ្យ​ហ៊ាន​លើក​នូវ​កង្វល់​របស់​ពួកគេ​ដែល​កំពុង​ជួបប្រទះ​ដើម្បី​ឲ្យ​ក្រុមការងារ​ជួយ​ដោះស្រាយ​។

លោក​ថា​៖ «​នេះ​គឺជា​ផ្នែក​មួយ​នៃ​ការធ្វើ​កំណែទម្រង់​ក្នុង​ការអនុវត្ត​កម្មវិធី​នយោបាយ​ និង​យុទ្ធសាស្ត្រ​ចតុកោណ​របស់​រាជរដ្ឋាភិបាល​កម្ពុជា​។ ​លោក​ទេសរដ្ឋមន្ត្រី​នឹង​ជួយ​ឲ្យ​ប្រជាជន​ដែល​ជួប​បញ្ហា​ផ្សេងៗ​ដូចជា​ការកាប់បំផ្លាញ ព្រៃ រុករាន​យក​ដីព្រៃ​ និង​សហគមន៍​ហ៊ាន​លើកឡើង​ដើម្បី​ក្រុម​ការងារ​ជួយ​ដោះស្រាយ​»​។

លោក​ មាស សុភា មិន​អាច​ទាក់ទង​សុំ​អត្ថាធិប្បាយ​បន្ថែម​បាន​ទេ​ពី​ម្សិលមិញ​៕

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។