ភ្នំពេញៈ សាលា​ដំបូង​រាជធានី​​កាលពី​ម្សិលមិញ​បាន​សម្រេច​ផ្តន្ទាទោស​ដោយ​កំបាំង​មុខ​លើ​​ប្រធាន​គណបក្ស​សង្គ្រោះ​ជាតិ​លោក សម រង្ស៊ី និង​​ជំនួយ​ការ​របស់​លោក​​​ដែល​កំពុង​រត់​គេច​ខ្លួន​ទៅ​ក្រៅ​ប្រទេស​ឱ្យ​ជាប់​​ពន្ធនាគារ ៥ ​ឆ្នាំ និង​បញ្ជា​ឱ្យ​សមត្ថកិច្ច​តាម​ចាប់​ខ្លួន​ពាក់ព័ន្ធ​នឹង​ការ​ក្លែង​ឯកសារ​​សាធារណៈ​រឿង​បង្ហោះ​ឯកសារ​​ព្រំដែន​កម្ពុជា វៀតណាម​ដ៏​ចម្រូង​ចម្រាស​ដែល​មជ្ឈដ្ឋាន​ជាច្រើន​​ចាត់​ទុក​ថា​ជា​រឿង​នយោបាយ​។