.jpg)
ឧទ្យានរាជបណ្ឌិត្យសភានៅខេត្តព្រះវិហារ។ រូបថត រាជបណ្ឌិត្យសភា
ខេត្តព្រះវិហារៈ រាជបណ្ឌិត្យសភាកម្ពុជានឹងអភិរក្ស និងអភិវឌ្ឍ ឧទ្យានរាជបណ្ឌិត្យសភាកម្ពុជា តេជោសែនឫស្សីត្រឹបទៅជាឧទ្យានទេសចរណ៍វប្បធម៌ ប្រវត្តិសាស្ត្រ និងជាកន្លែងផលិតផលដ៏ធំមួយនៅប្រទេសកម្ពុជា។
លោក សុខ ទូច ប្រធានរាជបណ្ឌិត្យសភាកម្ពុជាថ្លែងប្រាប់ភ្នំពេញប៉ុស្ដិ៍កាលពីថ្ងៃអង្គារថា៖ «យើងចង់ធ្វើឧទ្យាននេះទៅជាឧទ្យានគំរូមួយនៅលើវិស័យចំនួន ៥ គឺជាទីកន្លែងទេសចរណ៍វប្បធម៌ប្រវត្តិសាស្ត្រ និងធម្មជាតិ ២. ជាទីកន្លែងអភិរក្សព្រៃឈើបរិស្ថានធម្មជាតិ ៣. ជាកន្លែងជម្រកសត្វគ្រប់ប្រភេទ ៤. ជាកន្លែងផលិតផលិតផលមួយនៅកម្ពុជា និង ៥. ជាកន្លែងបណ្តុះបណ្តាលវិជ្ជាជីវៈជូនប្រជាជន ពិសេសគឺប្រជាជនដែលរស់នៅក្នុងស្រុកឆែប ខេត្តព្រះវិហារ»។
យោងតាមរាជបណ្ឌិត្យសភាកម្ពុជាបានឲ្យដឹងថា ឧទ្យានរាជបណ្ឌិត្យសភា កម្ពុជា តេជោសែនឫស្សីត្រឹប ត្រូវបានបង្កើតឡើងដោយព្រះរាជក្រឹត្យកាលពីខែមេសា ឆ្នាំ ២០១៤ មានផ្ទៃដីចំនួន ១១ ៤៣៥ គីឡូម៉ែត្រការ៉េមានទីតាំងស្ថិតក្នុងឃុំឆែប ១ និងឃុំឆែប ២ ស្រុកឆែប ខេត្តព្រះវិហារ។ ឧទ្យាននេះមានតំបន់ជីវចម្រុះ និងមានសក្តានុពលជាច្រើន រួមមាន ធនធានព្រៃឈើ សត្វព្រៃ កេរដំណែលប្រវត្តិសាស្ត្រ បុរាណវត្ថុ និងជាតិពិន្ធុ ដែលអាចបម្រើឱ្យមុខងារក្នុងវិស័យបរិស្ថាន ព្រៃឈើ វប្បធម៌ប្រវត្តិសាស្ត្រ និងទេសចរណ៍ច្រើនយ៉ាង។
លោក ទូច ថ្លែងថា៖ «ប្រសិនបើយើងកាប់បំផ្លាញព្រៃឈើពេលនេះ យើងទទួលបានផលប្រយោជន៍ក្នុងរយៈពេលខ្លី ប៉ុន្តែបើយើងចូលរួមរក្សាគម្របព្រៃឈើធម្មជាតិ យើងនឹងទទួលផលប្រយោជន៍យូរអង្វែងរហូតដល់កូនចៅបន្តវេនថែមទៀត»៕
