ភ្នំពេញៈ លោក​នាយក​រដ្ឋមន្ត្រី ហ៊ុន សែន បាន​បញ្ជា​ឲ្យ​ក្រសួង​មហាផ្ទៃ និង​ក្រសួង​ការបរទេស​ធ្វើការ​ស៊ើបអង្កេត​ដើម្បី​ឈាន​ទៅ​បិទ​អង្គការ​ «​មេត្រី​អន្ដរជាតិ​មណ្ឌល​បណ្ដុះបណ្ដាល​» ហៅ​កាត់​ថា AIM ជា​បន្ទាន់​ដោយ​ប្រើ​ច្បាប់​ស្តីពី​ការ​គ្រប់គ្រង​អង្គការ​ក្រៅ​រដ្ឋាភិបាល​ចំពោះ​អ្វី​ដែល​លោក​ហៅ​ថា​អង្គការ​នេះ​បាន​ប្រមាថ​យ៉ាង​ធ្ងន់ធ្ងរ​មកលើ​ស្ត្រី​កម្ពុជា បន្ទាប់ពី​មាន​ការ​ផ្សាយ​ព័ត៌មាន​ដោយ​ផ្អែក​ទៅ​លើ​ប្រភព​របស់​អង្គការ​នេះ​ថា​ស្ត្រី​ជា​ម្ដាយ​កម្ពុជា​បាន​យក​កូន​របស់​ខ្លួន​លក់​ឲ្យ​ធ្វើ​ជា​ស្រីពេស្យា​បម្រើ​ផ្លូវភេទ​។