ភ្នំពេញៈ ​ថ្ងៃ​ទី ២៦ ខែ​មេសា ឆ្នាំ ២០១៥ ​គឺជា​ខួប​ ៣ ឆ្នាំ ដែល​​លោក​ ឈុត វុទ្ធី ​​សកម្មជន​​ការពារ​បរិស្ថាន​ដ៏ល្បីល្បាញ​ ត្រូវ​បាន​គេ​បាញ់​សម្លាប់ ​នៅក្នុង​ខេត្ត​កោះកុង​។ ​បើ​ទោះបី​ជា​​លោក វុទ្ធី ត្រូវ​បាន​គេ​សម្លាប់​អស់​​រយៈពេល​ ៣ ឆ្នាំ​មក​ហើយ​ក៏ដោយ ក៏​បេសកកម្ម​របស់​លោក​ក្នុង​ការ​ការពារ​ធនធាន​ធម្មជាតិ មិន​ទាន់​ត្រូវ​បាន​បញ្ឈប់​​នៅ​ឡើយ​ទេ ដោយ​នៅពេល​នេះ យ៉ាង​ហោច​ណាស់ ក៏​មាន​សកម្មជន​ ៣ នាក់​ទៀត​ដែរ​ដែល​កំពុង​បន្ត​ការងារ​របស់​​​លោក។