The Phnom Penh Post Search

Search form

Logo of Phnom Penh Post newspaper Phnom Penh Post - សកម្មជន​បក្ស​សង្គ្រោះ​ជាតិ​ម្នាក់​ខ្យល់​គរ​ស្លាប់​នៅ​ព្រៃវែង

សកម្មជន​បក្ស​សង្គ្រោះ​ជាតិ​ម្នាក់​ខ្យល់​គរ​ស្លាប់​នៅ​ព្រៃវែង

សកម្មជន​បក្ស​សង្គ្រោះ​ជាតិ​ម្នាក់​ខ្យល់​គរ​ស្លាប់​នៅ​ព្រៃវែង

ព្រៃវែងៈ សកម្មជន​គាំទ្រ​គណបក្ស​សង្គ្រោះ​ជាតិ​វ័យ​៧៣​ឆ្នាំ ម្នាក់​បាន​ខ្យល់​គរ​ស្លាប់​ភ្លាមៗ ខណៈ​ទៅ​អង្គុយ​រង់​ចាំ​ប្រតិភូ​របស់​ខ្លួន ក្នុង​វេទិកា​មួយ​នៅ​ភូមិ​រកាខ្សុក ឃុំ​មេបុណ្យ ស្រុក​ស្វាយអន្ទរ ខេត្ត ព្រៃវែង​កាល​ពី​ព្រឹក​ថ្ងៃ​អង្គារ។

លោក ទុំ សាន់មុនី អធិការ​នគរបាល​ស្រុក​ស្វាយអន្ទរ ប្រាប់​ភ្នំពេញ ប៉ុស្តិ៍​ថា បុរស​ចំណាស់​ដែល​ខ្សល់​គរ​ស្លាប់​នោះ ឈ្មោះ ភួន ចឹម ជា​កសិករ​រស់​នៅ​ភូមិ​ថ្កូវ ឃុំ​មេបុណ្យ។ លោក​ថា ភួន ចឹម បាន​ទៅ​អង្គុយ​ក្នុង​រោង​វេទិកា​ជាមួយ​សកម្មជន​គាំទ្រ​ប្រមាណ​ជាង​២០០​នាក់​រង់ចាំ​ការ​មក​ដល់​របស់​ប្រតិភូ​គណបក្ស​សង្គ្រោះ​ជាតិ តែ​នៅ​ម៉ោង​ប្រមាណ​ជា​៨:១០​នាទី​ព្រឹក ស្រាប់​តែ​គាត់​ធ្លាក់​ពី​កៅអី​ដួល​ខ្លួន​ឯង ហើយ​សន្លប់​បាត់​ស្មារតី​តែ​ម្ដង។

លោក​អធិការ​បន្ត​ឲ្យ​ដឹង​ថា ៖ «សមត្ថកិច្ច​ភ្លាមៗ ក៏​យក​រថយន្ត​ដឹក​គាត់​ទៅ​កាន់​មន្ទីរពេទ្យ​បង្អែក​ស្រុក ប៉ុន្តែ​ពេល​ទៅ​ដល់​គ្រូ​ពេទ្យ​មក​ពិនិត្យ​រួច​ប្រាប់​ថា គាត់​បាន​ស្លាប់​បាត់​ទៅ​ហើយ»។

លោក សាន់ មុនី បន្ត​ថា ក្រុម​គ្រូពេទ្យ​អះអាង​ថា​គាត់​ស្លាប់​ដោយ​សារ​«ជំងឺ​ខ្យល់​គរ»។ ឥឡូវ​ក្រុម​គ្រួសារ​បាន​នាំ​យក​សព​គាត់​ទៅ​ផ្ទះ​ដើម្បី​រៀប​ចំ​ធ្វើ​បុណ្យ​តាម​ប្រពៃណី​សាសនា។

លោក​បញ្ជាក់​ទៀត​ថា ការ​ស្លាប់​របស់ ភួន ចឹម មិន​បាន​បង្អាក់​វេទិកា​ជួប​សំណេះ​សំណាល​របស់​សកម្មជន​គាំទ្រ គណបក្ស​សង្គ្រោះ​ជាតិ​នៅ​ព្រឹក​នោះ​ឡើយ។

នៅ​ម៉ោង​ប្រមាណ​៨:៤៥​នាទី គណៈ​ប្រតិភូ​នៃ​គណបក្ស​សង្គ្រោះ​ជាតិ ដឹក​នាំ​ដោយ​លោក យ៉ែម បុញ្ញឫទ្ធិ អគ្គ​លេខាធិការ​គណបក្ស​សង្គ្រោះ​ជាតិ និង​លោក គង់ បូរ៉ា អតីត​សមាជិក​ក្រុម​ប្រឹក្សា​ខេត្ត​ព្រៃវែង​បាន​មក​ដល់​ហើយ​បន្ទាប់​មក​កម្មវិធី​បាន​ចាប់​ផ្ដើម​ដំណើរការ​ដោយ​មាន​អ្នក​ចូល​រួម​ប្រមាណ​២០០​នាក់៕

អត្ថបទគួរចាប់អារម្មណ៍