សៀមរាបៈ នគរបាល​ស្រុក​សូទ្រនិគម ខេត្ត​សៀមរាប កាលពី​ម្សិលមិញ បាន​ធ្វើការ​ឃាត់​ខ្លួន​យុវសិស្ស​អាយុ​ ១៧ ​ឆ្នាំ​ម្នាក់ ដែល​បាន​ប្រើ​ហិង្សា​ធ្វើ​បាប​សិស្ស​ស្រី​រៀន​ថ្នាក់​ជាមួយ​គ្នា កាលពី​សប្តាហ៍​កន្លង​ទៅ បន្ទាប់ពី​មាន​ការ​បង្ហោះ​វីដេអូ​ឃ្លីប​នៃ​សកម្មភាព​ហិង្សា និង​ប្រតិកម្ម​ពី​ក្រសួង​អប់រំ​។ នេះ​ជា​រឿង​ដែល​អ្នក​ឃ្លាំមើល​កំណែ​ទម្រង់​អប់រំ​យល់​ថា គួរ​មាន​ការ​ដាក់​ពិន័យ​រដ្ឋបាល​ ជា​ជាង​ការ​ចាត់​វិធានការ​ផ្លូវ​ច្បាប់។