The Phnom Penh Post Search

Search form




Logo of Phnom Penh Post newspaper Phnom Penh Post - សមត្ថ​កិច្ច​ឃាត់​រថ​យន្ត ​១ ​គ្រឿង​ដែល​ដឹក​ឈើ​សុ​ក្រំ​ ជាង ​២ ម៉ែ​ត្រគុ​ប




សមត្ថ​កិច្ច​ឃាត់​រថ​យន្ត ​១ ​គ្រឿង​ដែល​ដឹក​ឈើ​សុ​ក្រំ​ ជាង ​២ ម៉ែ​ត្រគុ​ប

Content image - Phnom Penh Post
មន្ត្រី​កង​រាជ​អាវុធហត្ថ​ស្រុក​ឱ​រ៉ា​ល់ ​បាន​ឃាត់​រថ​យន្ត​ ១ ​គ្រឿង​ដឹក​ឈើ​ប្រភេទ​សុ​ក្រំ​ ​ជាង ​២ ​ម៉ែ​ត្រ​គុប ​នៅ​ភូមិ​ គោក​ ឃុំ​សង្កែ​សាទ​ប ស្រុក​ឱ​រ៉ា​ល់ ខេត្ត​កំពង់​ស្ពឺ​។​ រូបថត កងរាជអាវុធហត្ថ

សមត្ថ​កិច្ច​ឃាត់​រថ​យន្ត ​១ ​គ្រឿង​ដែល​ដឹក​ឈើ​សុ​ក្រំ​ ជាង ​២ ម៉ែ​ត្រគុ​ប

កំពង់ស្ពឺ: មន្ត្រី​កង​រាជ​អាវុធហត្ថ​ស្រុក​ឱ​រ៉ា​ល់ ​នៅថ្ងៃទី ២៣ មេសានេះ ​បាន​ឃាត់​រថ​យន្ត​ ១ ​គ្រឿង​ដឹក​ឈើ​ប្រភេទ​សុ​ក្រំ​ ​ជាង ​២ ​ម៉ែ​ត្រ​គុប ​នៅ​ភូមិ​ គោក​ ឃុំ​សង្កែ​សាទ​ប ស្រុក​ឱ​រ៉ា​ល់ ខេត្ត​កំពង់​ស្ពឺ​ បន្ទាប់ពី​ជន​សង្ស័យ​បាន​ដឹក​ពី​ខេត្ត​ពោធិ៍​សាត់​ បម្រុង​​បន្ត​ទៅ​ខេត្ត​កំពង់​ឆ្នាំង ​ប៉ុន្ដែ​អ្នក​បើក​បរ​បាន​គេច​ខ្លួន​បាត់។ នេះ​បើតា​ម​រ​បាយការណ៍​កង​រាជ​អាវុធ​ហត្ថ​ខេត្ត​ កំពង់​ស្ពឺ។

តាម​របាយ​ការ​ណ៍​​បាន​ឲ្យ​ដឹង​​ថា ការ​បង្ក្រា​បរថ​យន្ត​ដឹក​ឈើ​គ្មាន​ច្បាប់​អនុ​ញ្ញាត​របស់​សមត្ថ​កិច្ចនេះ ធ្វើ​ឡើង​នៅថ្ងៃទី​ ២៣ ​មេសា​នេះ នៅ​ចំណុច​តាម​ផ្លូវ​លេខ ​៤៤ ក្នុង​ភូមិ​គោក ​ឃុំ​សង្កែ​សាទ​ប ស្រុក​ឱ​រ៉ា​ល់។

របាយ​ការណ៍​បន្ត​ថា កម្លាំង​មូល​ដ្ឋាន​កង​រាជ​អាវុធ​ហត្ថ​ស្រុក​ឱ​រ៉ា​ល់​ដឹក​នាំ​ដោយ​លោក សោម ពុទ្ធ​តារា មេបញ្ជា​ការ បា​ន​​សហការ​ជាមួយ​រដ្ឋ​បាល​ដែន​ជម្រក​សត្វ​ព្រៃ​ភ្នំ​ឱរ៉ាល់​ និង ​កង​រាជអាវុ​ធហត្ថ​លើ​ផ្ទៃ​ប្រទេស​បាន​ចាប់​រថយន្ត​ទួរីស​ពណ៌​​សម្បក​ឪឡឹក​ដឹក​ឈើ​ជ្រុង​ប្រភេទ​ សុ​ក្រំ​ គ្មាន​ច្បាប់
ប៉ុន្ដែ​ភ្លាមៗ​នោះ​អ្នក​បើក​ប​ររថ​យន្ត​បាន​រត់​គេច​ខ្លួន​បាត់។

ចំណែកវ​ត្ថុតាង​ដែល​រឹប​អូស​បានរួ​ម​មាន​ឈើ​និង​រថ​យន្ត​ហើយ​បាន​យក​ទៅទុក​បណ្តោះ​អា​សន្ន​ស្នាក់​ការ​កងរា​ជអា​វុធ​ហត្ថ​ស្រុក​ឱ​រ៉ា​ល់។ ប៉ុន្តែ​ បន្ទាប់​ម​ក បាន​ប្រគល់​មន្ត្រី​ជម្រ​កស​ត្វព្រៃ​ភ្នំ​ឱ​រ៉ា​ល់ដែល​មាន​​​ស្នាក់​ការ ​ក្នុង​ភូមិ ​ក្រាំង​ពង្រ​ង ឃុំ​សង្កែ​សាទ​ប ស្រុក​ឱ​រ៉ា​ល់​ ​ដើម្បី​ឲ្យ​មន្ត្រី​ជំនាញ​ចាត់​វិធាន​ការ​បន្ត​តាម​និតិ​វិធី​​ច្បាប់។នេះ​បើតា​ម​របា​យ​កា​រ​ណ៍​ដដែ​ល​នេះ។​

លោ​ក​​ សោម​ ពុទ្ធ​តារា មេ​បញ្ជា​ការ​កង​រាជ​អាវុធ​ហត្ថ​ស្រុក​ឱ​រ៉ា​ល់​ បាន​បញ្ជាក់​បន្ថែម​នៅ​ថ្ងៃនេះ​ថា ​ករណី​នេះ​សមត្ថ​កិច្ច​របស់​លោក​បាន​បញ្ជូន​ទៅ​ឲ្យ​ខាង​រដ្ឋ​បាល​ជម្រក​សត្វ​ព្រៃ​ភ្នំ​ឱ​រ៉ាល់​រួច​ហើយ​។

​​លោក ហ៊ុល ម៉ា​រ៉ា អនុ​ប្រធាន​ការិយា​ល័យ​ដែន​ជម្រក​សត្វព្រៃ​ភ្នំ​ឱ​រ៉ា​ល់ ស្រុក​ឱ​រ៉ា​ល់​បាន​ថ្លែងនៅថ្ងៃ២៣ មេសានេះ​ថា លោក​បាន​ទទួ​ល​ព័ត៌​មាន​នេះ​ហើយ​ ដោយ​មន្ត្រី​ជំនាញ​បាន​ទៅ​យក​ទាំង​រ​ថយន្ត និង​ឈើ​ប្រមា​ណ​ជាង ​២ ម៉ែ​ត្រគុ​ប​មក​រក្សាទុក​នៅ​ស្នាក់​ការ​ដែន​ជម្រក​សត្វ​ព្រៃ​ភ្នំ​ឱ​រ៉ា​ល់​ព្រម​ទាំង​រៀប​ចំ​សំណុំ​រឿង​បញ្ជូន​ទៅ​ថ្នាក់លើ​​ទៀត​។

លោក​បន្ត​ថាស​មត្ថ​កិច្ច​ជំនាញ​កំពុង​ស្រាវ​ជ្រាវ​រក​អ្នក​បើក​បរ​រ​ថយន្ត​និង​ម្ចាស់​ឈើ​ដើម្បីផា​កពិ​ន័យ​​តាម​ច្បាប់។ ជន​ល្មើស​បាន​ដឹក​ឈើ​ទាំ​ងនេះ​ពី​ខេត្ត​ពោធិ៍​សាត់​បម្រុង​បន្ត​ដំណើរ​ទៅ​ខេត្ត​កំពង់​ឆ្នាំង ប៉ុ​ន្ដែ​ត្រូវបាន​សមត្ថ​កិច្ច​ឃាត់​នៅ​តាម​ផ្លូវ​។

លោក​បញ្ជាក់​ថា៖«ឈើ​ទាំង​អស់​នេះ គេ​អាច​កែច្នៃ​ធ្វើជា​ទ្វារ ប​ង្អូ​ច ព្រោះ​ជន​ល្មើស​កាត់​វា​ជា​កំណាត់ៗ​ដាក់​តម្រៀប​នៅ​ក្នុង​​រថ​យន្ត​តូ​រី​ស (១២ ​កៅអី) ហើយ​បិទ​ស្កុ​ត​កញ្ចក់​ពណ៌​ខ្មៅ​ទៀត។ ពេល​នោះ ​សមត្ថ​កិច្ច​យើង​គាត់​មាន​ភ្នា​ក់​ងារ​សម្ងាត់ បា​ន​រាយ​ការណ៍​ពី​សកម្ម​ភាព​ជន​ល្មើស ​ទើប​បង្ក្រាប​បាន​តែ​ម្ដង​»៕

អត្ថបទគួរចាប់អារម្មណ៍

  • ព្រះសីហនុៈ រដ្ឋបាលខេត្ត​ព្រះសីហនុ​កំពុង​ចាក់​ខ្សាច់​ថ្មី​បំពេញ​នៅតាម​កន្លែង​ជ្រលង​ទឹកហូរ​ដែលមាន​ខ្សាច់​ទាប និង​ខ្សាច់​ខ្មៅ​នៅ​ចំណុច​ឆ្នេរ​អូរឈើទាល​ក្នុង​សង្កាត់​លេខ​ ៤ ក្រុងព្រះសីហនុ ដើម្បី​កែលម្អ​សោភណភាព​ឆ្នេរ​ខ្សាច់ ក៏ប៉ុន្តែ​មន្ត្រីខេត្ត​នៅ​មិន​អាច​ប៉ាន់ប្រមាណ​ថា​នឹង​ត្រូវ​ប្រើ​ខ្សាច់​ប៉ុន្មាន​រថយន្ត​នោះទេ​។

  • ភ្នំពេញៈ ប្រទេស​ជប៉ុន​ ផ្តល់​ជំនួយ​ឥតសំណង​ដល់​កម្ពុជា​ចំនួន ១ ១៣២ ​លាន​យ៉េន​ (១០,៨ ​លាន​ដុល្លារ​) ​សម្រាប់​អនុវត្ត​គម្រោង​អភិវឌ្ឍន៍​ចរាចរណ៍​នាវា​នៅ​កំពង់ផែ​ស្វយ័ត​ក្រុងព្រះសីហនុ​ដើម្បី ​ធ្វើឱ្យ​ប្រសើរ​ឡើង​នូវ​សុវត្ថិភាព​ផ្លូវ​សមុទ្រ​។ នេះ​បើតាម​ស្ថានទូត​ជប៉ុន​ប្រចាំ​នៅ​កម្ពុជា​។

  • ភ្នំពេញ៖ កីឡាការិនី​កូន​ខ្មែរ​កាត់​បារាំង វ័យ ១៧ ឆ្នាំ ម៉ា រីយ៉ាន មាន​ចំណង់​ចំណូលចិត្ត​ខ្លាំង​ទៅ​លើ​ប្រភេទ​កីឡា​ប្រយុទ្ធ ពិសេស​ការ​ប្រណាំង​ម៉ូតូ​ហោះ ហើយ​កញ្ញា​បាន​អះអាង​ថា នឹង​មិន​បោះបង់​ចោល​ជំនាញ​នេះ​ឡើយ បើ​ទោះបី​ជា​ប្រភេទ​កីឡា​នេះ មាន​ផល​ប៉ះពាល់ និង​ធ្លាប់​ជួប​ឧបសគ្គ​គ្រោះ​ថ្នាក់​ធំ​​ក៏​ដោយ។

  • ភ្នំពេញៈ តម្លៃ​ពោត​ក្នុង​រដូវ​ប្រមូលផល​ឆ្នាំនេះ​បាន​ស្ទុះ​ឡើង ដោយសារ​តែ​ការកើនឡើង​នៃ​តម្រូវការ​សម្រាប់​ការផលិត​ចំណី​សត្វ​ក្នុងស្រុក​។ ការប្រមូលផល​ពោតក្រហម​នៅក្នុង​ខេត្ត​ត្បូងឃ្មុំ​ពេលនេះ​សម្រេច​បាន​ប្រមាណ ៥០ ​ភាគរយ​ហើយ​ដោយ​តម្លៃ​គ្រាប់ពោត​ស្ងួត​បាន​កើនឡើង​ជិត ២០ ​ភាគរយ​ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន

  • កោះកុងៈ ដី​គម្រប​ព្រៃឈើ​របស់​រដ្ឋ​រាប់ពាន់​ម៉ែត្រការ៉េ​ក្នុង​ទំហំ​ដី​បម្រុង​របស់​រដ្ឋ​ទំហំ​ប្រមាណ​ ១១ ​ហិកតា ស្ថិតនៅ​ភូមិ​កោះស្តេច ឃុំ​កោះ​ស្តេច ស្រុក​គិរីសាគរ ខេត្តកោះកុង​ត្រូវបាន​ជន​មិន​ស្គាល់​អត្តសញ្ញាណ​ចាប់ផ្ដើម​លួច​បោះបង្គោល​ថ្ម និង​ឈើ​ទន្ទ្រាន​យក​ដោយ​ខុសច្បាប់​។

  • កំពង់ស្ពឺៈ ពលរដ្ឋ​ជាង​ ៥០០ ​គ្រួសារ ​រស់នៅក្នុង​ឃុំ​ទួល​អម្ពិល​ស្រុក​បសេដ្ឋ ខេត្តកំពង់ស្ពឺ​បាន​បង្ហាញ​ក្ដីបារម្ភ​ពី​ការខ្វះ​ទឹក​សម្រាប់​ស្រោចស្រព​ស្រែចម្ការ និង​ដំណាំ​ផ្សេងៗ ខណៈ​បច្ចុប្បន្ន​មាន​ឈ្មួញ​យក​ម៉ាស៊ីន​ទៅ​បូមទឹក​ទាំងយប់​ទាំង​ថ្ងៃ​នៅក្នុង​ទំនប់​បុរាណ​ព្រៃពាយ​ដែល​ពួកគាត់​កំពុង​ប្រើប្រាស់​ជាប្រចាំ​។