ភ្នំពេញៈ យ៉ាង​ហោច​ណាស់​មាន​មនុស្ស​ ៧ ​នាក់​បាន​ដួល​សន្លប់​ក្នុង​នោះ​ក៏​មាន​សមត្ថកិច្ច​ផង​ដែរ​ដោយសារ​ប៉ះពាល់​ផ្លូវ​ដង្ហើម​ពី​ការ​ធ្លាយ​ឧស្ម័ន​អាម៉ូញ៉ាក់​ចេញ​ពី​រោង​សិប្បកម្ម​ផលិត​ទឹកកក​អនាម័យ​​មួយ​នៅ​ខណ្ឌ​មានជ័យ​ដែល​បង្ក​ឱ្យ​មាន​ការ​ភ្ញាក់ផ្អើល​យ៉ាង​ខ្លាំង​ហើយ​ពលរដ្ឋ​ខ្លះ​ត្រូវ​បាន​ជម្លៀស​ឱ្យ​ចេញ​ពី​ទីតាំង​នោះ​ខណៈ​សមត្ថកិច្ច​ក៏​បាន​ឃាត់​ខ្លួន​ម្ចាស់​សិប្បកម្ម​មក​សួរ​នាំ​ពី​មូលហេតុ​ផង​ដែរ​​។ ហេតុការណ៍​នេះ​កើតឡើង​នៅ​វេលា​ម៉ោង ១០ ព្រឹក​កាលពី​ម្សិលមិញ​នៅ​មុខ​ផ្សារ PC ក្នុង​ភូមិ​ត្នោតជ្រំ​ សង្កាត់​បឹងទំពុន​ ខណ្ឌ​មានជ័យ។