The Phnom Penh Post Search

Search form




Logo of Phnom Penh Post newspaper Phnom Penh Post - សហគមន៍​ព្រៃ​ឡង់​​ទទួល​បាន​ពាន​រង្វាន់ ១ ទៀត ​ចំពោះ​ភាព​សកម្ម​ក្នុងការ​ការពារ​ព្រៃឈើ

សហគមន៍​ព្រៃ​ឡង់​​ទទួល​បាន​ពាន​រង្វាន់ ១ ទៀត ​ចំពោះ​ភាព​សកម្ម​ក្នុងការ​ការពារ​ព្រៃឈើ

Content image - Phnom Penh Post
សហគមន៍ព្រៃ​ឡង់​ទទួល​បាន​ពាន​រង្វាន់​ពីអង្គការថាមពលពិភពលោក។ ហ្វេសប៊ុក

សហគមន៍​ព្រៃ​ឡង់​​ទទួល​បាន​ពាន​រង្វាន់ ១ ទៀត ​ចំពោះ​ភាព​សកម្ម​ក្នុងការ​ការពារ​ព្រៃឈើ

ភ្នំពេញៈ បណ្តាញ​សហគមន៍​ព្រៃ​​ឡង់ នាពេលថ្មីៗ​នេះ បាន​ទទួល​ពាន​រង្វាន់ «National Energy Globe Award 2019» ពីអង្គការ​ថាមព​ល​ពិភពលោក​ ចំពោះ​ភាព​សកម្ម​របស់​ពួកគេ​ ក្នុង​​កិច្ច​​ខិត​ខំ​ប្រឹង​ប្រែង​ការ​ពារ​ព្រៃ​ឈើ​ និង​បរិស្ថាន​​ដែល​កំពុង​ទទួល​រង​ការ​បំផ្លាញ​។ នេះ​បើតាម​សកម្មជន​បណ្ដាញ​ព្រៃឡង់​កាល​ពី​ម្សិលមិញ។

នេះ​ជា​ពាន​រង្វាន់​ទី​៤ ហើយ​ ដែល​បណ្ដាញ​ព្រៃ​ឡង់​ទទួល​បាន។ កាល​ពី​​ឆ្នាំ ២០១៧ បាន​ទទួល​ពាន​រង្វាន់ «Innovation Prize» ពីមូល​និធិ​សង្គម​អន្តរ​ជាតិ​សម្រាប់​ព្រៃ​ត្រូពិច (International Society for Tropical Foresters) ខណៈ​កាលពី​ខែ ធ្នូ​ ឆ្នាំ ​២០១៥ ទទួល​បាន​ពាន​រង្វាន់ «UNDP Equator Initiative Prize» ពី​កម្មវិធី​គំនិត​ផ្តួ​ច​ផ្តើម​របស់ UNDP Equator និង​ពាន​រង្វាន់​ដំបូង​បំផុត​ដែល​បណ្ដាញ​ព្រៃ​ឡង់​ទទួល​បាន​ក្នុង​ឆ្នាំ ២០១២ ដែល​មាន​ឈ្មោះ​ថា «Alexander Soros Foundation Award»។

សមាជិក​ក្រុម​បណ្ដាញ​សហគមន៍​ព្រៃ​ឡង់ លោក ឯក សុវណ្ណា បាន​ប្រាប់​ភ្នំ​ពេញ​ប៉ុស្តិ៍​កាល​ពី​ថ្ងៃចន្ទ​ថា អង្គការ​ថាម​ពល​ពិភព​លោក កាល​ពី​ថ្ងៃទី​ ១៥ ខែ មិថុនា ឆ្នាំ ២០១៩ បាន​លើក​ទឹក​ចិត្ត​ ដល់​ក្រុម​ការ​ងារ​នៃ​បណ្ដាញ​សហគមន៍​ព្រៃឡង់ ដែល​បាន​ប្រឹង​​ប្រែង​ក្នុង​កិច្ច​ការពារ​ព្រៃ​ឈើ និង​បរិស្ថាន​បាន​ល្អ​សម្រាប់​កម្ពុជា និង​​ពិភព​លោក​ ដោយ​អង្គការ​នេះ បាន​ប្រកាស​ផ្ដល់​ពាន​រង្វាន់ «National Energy Globe Award 2019» ដល់​បណ្ដាញ​ព្រៃ​ឡង់ដែល​ពាន​រង្វាន់​នេះ​គឺ​ជា​រង្វាន់​បរិស្ថាន​ដ៏​មាន​កិត្យា​នុភាព​បំផុត​ នៅ​ទូទាំង​ពិភពលោក​នា ពេល​បច្ចុប្បន្ន។

លោក​បាន​បញ្ជាក់​ថា៖​ «យើង​ពិត​ជា​រីក​រាយ​ណាស់ នៅ​ពេល​ដែល​ទទួល​បាន​ដំណឹង​អំ​ពីការទ​ទួល​បាន​ពាន​រង្វាន់​លើកទឹក​ចិត្ត ពី​អង្គការ​ថាមពល​ពិភពលោក​នេះ»។

ជារៀង​រាល់​ឆ្នាំ អង្គការ​ថាមពល​ពិភព​លោក បាន​ធ្វើ​ការ​ពិនិត្យ​ទៅ​លើស​កម្មភាព​នៃការអនុវត្ត​គម្រោង​កម្មវិធី​អភិរក្ស​ធន​ធាន​ធម្ម​ជាតិ និង ថាមពល​នៃ​បណ្ដា​ប្រទេស​ជាង ១៨០ ដែល​បាន​ដាក់​ស្នើ​សម្រាប់​ការ​ចូល​រួម​ប្រកួត​ប្រជែងស្នាដៃ និងពាន​រង្វាន់​​លើក​ទឹក​ចិត្ត​សម្រាប់​​ថ្នាក់​ជាតិ​និង​សកល​លោក។ សម្រាប់​ឆ្នាំ ២០១៩​ នេះ មាន​ ១៨២ ប្រទេស​ដែល​រួម​បញ្ចូល​ទាំង​បណ្ដាញ​សហគមន៍​ព្រៃឡង់​នៃ​ប្រទេស​ កម្ពុជា​ ផងដែរ។

គួរ​បញ្ជាក់​ថា​ បណ្តាញ​សហគមន៍​ព្រៃ​ឡង់​ដែល​តែង​តែ​មាន​ភាព​សកម្ម​ ក្នុង​ការ​ចុះ​ល្បាត​ព្រៃ ដើម្បី​ទប់​ស្កាត់​បទ​ល្មើស​ព្រៃ​ឈើ​ គឺ​ជា​បណ្តាញ​មួយ​ ដែល​មាន​សមាជិក​សហ​គមន៍​មូលដ្ឋាន​ ដែល​ធ្វើការ​ដើម្បី​ស្តារ​ព្រៃឡង់​ ពីការ​កាប់​ឈើ​ខុសច្បាប់​។ ក្រុម​ល្បាត​ព្រៃ​ឈើ​នៃ​បណ្តាញ​នេះ​ បាន​កត់​ត្រាពី​ការ​កាប់​ឈើ​ខុស​ច្បាប់​និង​ធន​ធាន​មា​ន​​ត​ម្លៃ​​ និង​រាយ​ការណ៍​ពីការ​រក​ឃើញ​របស់​ខ្លួន​ទៅ​អ្នក​បង្កើត​គោល​នយោបាយ​ និង​សាធារណជន។

គម្រោង​នេះ​ធ្វើ​ការ​នៅ​ចំណុច​ប្រស​ព្វ​​រវាង​អភិបាល​កិច្ច​ល្អ សម្រាប់​ធនធាន​ធម្ម​ជាតិ ការ​កសាង​សន្តិ​ភាព និងវិធីសាស្ដ្រ​ផ្អែក​លើ​សិទិ្ធ​មនុស្ស ហើយ​និង​ប្រើប្រាស់​ព័ត៌មាន​និង​បច្ចេកវិទ្យា​ទំនាក់​ទំនង​ថ្មីៗ៕

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។