The Phnom Penh Post Search

Search form




Logo of Phnom Penh Post newspaper Phnom Penh Post - សហជីព​ចង់​ឲ្យ​បើក​ប្រាក់​ខែ​កម្មករ​មុន​ថ្ងៃ​បោះឆ្នោត

សហជីព​ចង់​ឲ្យ​បើក​ប្រាក់​ខែ​កម្មករ​មុន​ថ្ងៃ​បោះឆ្នោត

សហជីព​ចង់​ឲ្យ​បើក​ប្រាក់​ខែ​កម្មករ​មុន​ថ្ងៃ​បោះឆ្នោត

130718_03
កម្មករនៅភ្នំពេញ ចូលរួមឃោសនាបោះឆ្នោតឲ្យគណបក្សប្រជាជនកាលពីថ្ងៃអាទិត្យ

ភ្នំពេញៈ សហភាព​សហជីព​កម្ពុជា បាន​ដាក់​លិខិត​មួយ​ច្បាប់​ជូន​រដ្ឋ​មន្រ្តី​ក្រសួង​ការងារ កាល​ពី​ថ្ងៃ​ម្សិលមិញ​ស្នើ​សុំ​ឲ្យ​ក្រសួង​នេះ​ជួយ​អន្តរាគមន៍​ទៅ​និយោជក​រោងចក្រ​កាត់​ដេរ​ឲ្យ​បើក​ប្រាក់​ខែ​មួយ​ចំនួន​ជូន​កម្មករ នៅ​មុន​ពេល​ថ្ងៃ​បោះឆ្នោត។

លោក រ៉ុង ឈុន ប្រធាន​សហភាព​សហជីព​កម្ពុជា​ថ្លែង​ថា ដើម្បី​សម្រួល​ដល់​ការ​ធ្វើ​ដំណើរ​របស់​កម្មករ​ទៅ​ចូល​រួម​បោះឆ្នោត នៅ​ស្រុក​កំណើត​របស់​ខ្លួន ក្រសួង​ការងារ​គួរ​តែ​ធ្វើ​អន្តរាគមន៍​ឲ្យ​គ្រប់​ថៅកែ​រោងចក្រ​កាត់​ដេរ​ទាំង​អស់​បើក​ប្រាក់​ខែ​ដល់​កម្មករ​មុន​ពេល​កំណត់​។ លោក រ៉ុង ឈុន បាន​មាន​ប្រសាសន៍​ថា៖ «ខ្ញុំ​ចង់​ឲ្យ​រដ្ឋ​មន្ត្រី​ក្រសួង​នេះ​(លោក វង សូត) ធ្វើ​អន្តរាគមន៍​ឲ្យ​ថៅកែ​រោងចក្រ បើក​ប្រាក់​ខែ​ចំនួន​៧០​ភាគរយ​ជា​មុន​ដល់​កម្មករ​ដើម្បី​ឲ្យ​ពួកគេ​មាន​ប្រាក់​ធ្វើ​ដំណើរ​ទៅ​ចូល​រួម​បោះឆ្នោត​នា​ពេល​ឆាប់ៗ​ខាង​មុខ​នេះ​នៅ​តាម​ខេត្ត​ក្រុង​នានា​ដែល​ពួកគេ​បាន​ចុះ​ឈ្មោះ​»។ លោក​បាន​បញ្ជាក់​ថា កម្មករ​នឹង​បាត់បង់​ឱកាស​ទៅ​បោះឆ្នោត​បើ​សិន​ពួក​គេ​មិន​មាន​ប្រាក់​ដើម្បី​ធ្វើ​ដំណើរ។

លោក​បាន​បន្ថែម​ថា៖«យើង​មាន​ការ​ព្រួយបារម្ភ​ពី កម្មករ ដែល​មិន​មាន​លទ្ធភាព​ចំណាយ​សម្រាប់​ការ​ធ្វើ​ដំណើរ​ទៅ​បោះឆ្នោត នៅ​តាម​ខេត្ត​របស់​ពួក​គេ​ព្រោះ​ថ្ងៃ​បោះឆ្នោត គឺ​នៅ​មុន​ពេល​ថ្ងៃ​កំណត់​បើក​ប្រាក់​ខែ​»។ លោក រ៉ុង ឈុន បាន​អះអាង​ថា តាម​ធម្មតា​កម្មករ​កាត់​ដេរ បាន​ទទួល​ប្រាក់​ខែ នៅ​ថ្ងៃ​ទី៥ ឬ​ក៏​ទី ១០ នៃ​ខែ​បន្ទាប់។

កម្មករ​នៅ​រោងចក្រ​កាត់ដេរ ផាញ ហ្គ្រេត ក្នុង​ខណ្ឌ​មាន​ជ័យ​រាជធានី​ភ្នំពេញ​ដែល​ថៅកែ​បាន​រត់​គេច​ខ្លួន​បី​ខែ កន្លង​ទៅ​ហើយ ហើយ​ពួកគេ​កំពុង​ទាមទារ​ប្រាក់​ខែ​ពី​ក្រសួង​សង្គមកិច្ច​នោះ​បាន​ថ្លែង​ថា ពួកគេ​នឹង​មិន​ទៅ​ចូល​រួម​បោះឆ្នោត​ទេ បើ​សិន​ពួក​គេ​មិន​ទទួល​បាន​ប្រាក់​ខែ​។

លោក សាត សាមុត និង លោក អ៊ុំ មាន រដ្ឋ​លេខាធិការ​ក្រសួង​ការងារ មិន​អាច​ទាក់ទង​សុំ​ការ​អធិប្បាយ​ពី​បញ្ហា​នេះ​បាន​ទេ​ពី​ថ្ងៃ​ពុធ​ម្សិលមិញ៕ PN

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។