The Phnom Penh Post Search

Search form

Logo of Phnom Penh Post newspaper Phnom Penh Post - សហជីព​មួយ​ថា កូដកម្ម​នៅ​រោងចក្រ SL អាក្រក់​ណាស់

សហជីព​មួយ​ថា កូដកម្ម​នៅ​រោងចក្រ SL អាក្រក់​ណាស់

សហជីព​មួយ​ថា កូដកម្ម​នៅ​រោងចក្រ SL អាក្រក់​ណាស់

131106_05
កម្មកររាប់រយនាក់តវ៉ានៅខាងមុខរោងចក្រ SL ក្នុងខណ្ឌមានជ័យ កាលពីព្រឹកថ្ងៃចន្ទ ផា លីណា

ភ្នំពេញៈ សហជីព​មួយ ដែល​តំណាង​ឲ្យ​កម្មករ​ភាគ​តិច ក្នុង​ចំណោម​កម្មករ នៅ​រោងចក្រ អេសអិល (SL) ដែល​បាន​ធ្វើ​កូដកម្ម អស់​រយៈ​ពេល​ជិត​បី​ខែ​មក​ហើយ បាន​ចេញ​សេចក្តី​ថ្លែង​ការណ៍​មួយ​ដោយ​ហៅ​កូដកម្ម​នេះ​ថា អាក្រក់​ណាស់ សម្រាប់​កេរ្តិ៍​ឈ្មោះ​ឧស្សាហកម្ម​កាត់ដេរ​នៅ កម្ពុជា។

ដោយ​មិន​បាន​លើក​ឡើង​ជាក់លាក់ សំដៅ​ទៅ​សម្ព័ន្ធ​សហជីព​ប្រជាធិបតេយ្យ​កម្មករ​កាត់​ដេរ​កម្ពុជា ហៅ​កាត់ ស៊ីខៅឌូ ដែល​តំណាង​កម្មករ​ភាគ​ច្រើន នៅ​រោងចក្រ អេស អិល ប្រមាណ ៦០០០ នាក់ លោក ជា មុនី ប្រធាន​សហជីព​សេរី​កម្មករ នៃ​ព្រះ​រាជាណាចក្រ​កម្ពុជា ដែល​តំណាង​ឲ្យ​កម្មករ​ប្រមាណ ២០០០ នាក់ នៅ​រោងចក្រ អេស អិល បាន​ចេញ​សេចក្តី​ថ្លែង​ការណ៍​មួយ កាល​ពី​ម្សិលមិញ ដោយ​ថ្កោល​ទោស ចំពោះ​កូដកម្ម​កំពុង​អូស​បន្លាយ និង​ប្រែ​ក្លាយ​ទៅ​ជា​ហិង្សា។

លោក​បាន​ថ្លែង​នៅ​ក្នុង​បទ​សម្ភាស​កាល​ពី​ម្សិលមិញ​ថា៖ «វា​ផ្តល់​នូវ​កេរ្តិ៍​ឈ្មោះ​អាក្រក់ សម្រាប់​រោងចក្រ​ក្នុង​ប្រទេស​កម្ពុជា ដែល​សហជីព​សេរី​កម្មករ មិន​អាច​គាំទ្រ​ទេ។ នោះ​ហើយ​ជា​ហេតុ​ផល ដែល​ខ្ញុំ​ត្រូវ​តែ​ស្នើ​ឲ្យ​មាន​ការ​បញ្ចប់​កូដកម្ម​ប្រភេទ​នេះ»។

បាតុកម្ម​នៅ​មុខ​រោងចក្រ អេស អិល នៅ​ខណ្ឌ មាន​ជ័យ បាន​បន្ត​កាល​ពី​ថ្ងៃ​ព្រហស្បតិ៍ និង​ថ្ងៃ​សុក្រ​សប្តាហ៍​មុន ហើយ​សន្តិសុខ​បុគ្គលិក​រោងចក្រ អេស អិល ត្រូវ​បាន​ចោទ​ប្រកាន់​ថា បាន​បាញ់​ចម្ពាម​ទៅ​លើ​ក្រុម​អ្នក​តវ៉ា​។ កូដករ​មួយ​ចំនួន បាន​រង​របួស និង​យក​ទៅ​ព្យាបាល​នៅ​មន្ទីរពេទ្យ។ នេះ​បើ​តាម​លោក គង់ អាទិត្យ អនុ​ប្រធាន ស៊ីខៅឌូ។

ប៉ុន្តែ​កាល​ពី​ថ្ងៃ​អាទិត្យ មន្រ្តី​រោងចក្រ អេស អិល បាន​អះអាង​ថា ក្រុម​បាតុករ​ទៅ​វិញ​ទេ ដែល​ចាប់​ផ្តើម​គប់​ដុំ​ថ្ម​មិន​មែន​បុគ្គលិក​ក្រុមហ៊ុន​ទេ។

លោក មឿន តុលា ប្រធាន​កម្មវិធី​ការងារ​នៅ​មជ្ឈមណ្ឌល​អប់រំ​ច្បាប់​សម្រាប់​សហគមន៍ បាន​ថ្លែង​ថា កូដកម្ម​អូស​បន្លាយ​នៅ​រោងចក្រ​មួយ ក្នុង​ចំណោម​រោងចក្រ​ធំ​បំផុត នៅ​អាស៊ី ឆ្លុះ​បញ្ចាំង​អំពី​ផល​វិបាក​ដែល​អ្នក​គ្រប់​គ្រង​រោងចក្រ​នៅ​កម្ពុជា បដិសេធ​មិន​ធ្វើ​ការ​ចរចា​ឲ្យ​បាន​ខ្លាំង​ក្លា ជាមួយ​កម្មករ​របស់​ខ្លួន​។ ទោះ​យ៉ាង​ណា​ក្តី លោក​បាន​បន្ត​ថា ការណ៍​នេះ​ហាក់​បី​ដូច​ជា​មិន​ចូល​ចិត្ត​គ្នា រវាង​សហជីព ដែល​សហជីព ស៊ីខៅឌូ បាន​ចេញ​សេចក្តី​ថ្លែង​ការណ៍​មួយ រិះ​គន់​ទិចនិក​ដែល​ប្រើ​ប្រាស់​នៅ​ក្នុង​កូដកម្ម​របស់​សហជីព​សេរី​កម្មករ​កាល​ពី​ដើម​ខែ មិថុនា បាន​បន្ទាប​គោល​បំណង​រួម​របស់​សហជីព។

លោក តុលា បន្ត​ថា៖ «នោះ​មិន​មែន​ជា​មុខ​មាត់​ល្អ ក្នុង​ចំណោម​សហជីព​ទេ យើង​ចង់​ឃើញ​សហជីព​ហើយ​សហជីព​ត្រូវ​តែ​ការពារ​និង​ធ្វើ​ការ ដើម្បី​អត្ថ​ប្រយោជន៍​កម្មករ»។

កាល​ពី​ម្សិលមិញ លោក ជា មុនី បាន​បដិសេធ​ថា សេចក្តី​ថ្លែង​ការណ៍​របស់​លោក​មិន​មែន​ជា​ការ​វាយប្រហារ​ទៅ​សហជីព ស៊ីខៅឌូ ទេ។ លោក​បន្ថែម​ថា ការ​អូស​បន្លាយ និង​ភាព​តាន​តឹង នៃ​កូដកម្ម​នេះ អាច​នឹង​ជំរុញ​ឲ្យ​កម្មករ​នៅ​រោងចក្រ​នានា ក្នុង​ប្រទេស​កម្ពុជា ចាប់​ផ្តើម​ការ​ធ្វើ​កូដកម្ម​ទូទាំង​ឧស្សាហកម្ម​នេះ។

លោក​ថ្លែង​ថា៖ «ខ្ញុំ​បារម្ភ​ថា កម្មករ​ទាំង​អស់​ទូទាំង​ប្រទេស នឹង​ចូល​រួម​កូដកម្ម​ធំ​មួយ ពីព្រោះ​ពួក​គេ ខឹង​ជាមួយ​ការ​ប្រើ​អំពើ​ហិង្សា​ទៅ​លើ​កម្មករ»។

នៅ​ពេល​ឮ​អំពី​លិខិត និង​បទ​សម្ភាស​មួយ​ជាមួយ ភ្នំពេញ ប៉ុស្តិ៍ កាល​ពី​ម្សិលមិញ លោក គង់ អាទិត្យ អនុ​ប្រធាន ស៊ីខៅឌូ បាន​សើច​។ លោក​ថា៖ «ខ្ញុំ​មិន​មាន​អ្វី​ត្រូវ​ធ្វើ​អត្ថាធិប្បាយ​លើ​រឿង​នោះ​ទេ។ ខ្ញុំ​មិន​ចង់​ធ្វើ​អត្ថាធិប្បាយ​អំពី​លោក ជា មុនី ទៀត​ទេ»។

កម្មករ រោចចក្រ SL រាប់​រយ​នាក់​ក៏​ធ្លាប់​ហែ​ក្បួន​ទៅ​កាន់​ភូមិ​គ្រឹះ​លោក​នាយក​រដ្ឋ​មន្ត្រី ហ៊ុន សែន សូម​ឲ្យ​ជួយ​អន្តរាគមន៍​ផង​ដែរ ប៉ុន្តែ​នៅ​តែ​គ្មាន​ដំណោះស្រាយ៕ PS

អត្ថបទគួរចាប់អារម្មណ៍