The Phnom Penh Post Search

Search form




Logo of Phnom Penh Post newspaper Phnom Penh Post - សាកល​វិទ្យាល័យ​មួយ​នៅ​ក្វាងស៊ី​ចង់​ឲ្យ​គ្រូ​កម្ពុជា​ទៅ​បង្រៀន​នៅ​ចិន

សាកល​វិទ្យាល័យ​មួយ​នៅ​ក្វាងស៊ី​ចង់​ឲ្យ​គ្រូ​កម្ពុជា​ទៅ​បង្រៀន​នៅ​ចិន

សិស្សកម្ពុជាបានមកសិក្សានៅសកលវិទ្យាល័យក្វាងស៊ី
សិស្សកម្ពុជាបានមកសិក្សានៅសកលវិទ្យាល័យក្វាងស៊ី

សាកល​វិទ្យាល័យ​មួយ​នៅ​ក្វាងស៊ី​ចង់​ឲ្យ​គ្រូ​កម្ពុជា​ទៅ​បង្រៀន​នៅ​ចិន

ខេត្តក្វាងស៊ី-ចិនៈ ថ្នាក់​ដឹកនាំ​សាកលវិទ្យាល័យ Guang Xi ស្នើ​ឲ្យ​រដ្ឋាភិបាល​កម្ពុជា​បន្ត​ពង្រឹង​កិច្ច​សហប្រតិបត្តិការ​លើ​វិស័យ​អប់រំ​រវាង​ប្រទេស​ទាំង​ពីរ និង​ជំរុញ​ឲ្យ​គ្រូបង្រៀន​កម្ពុជា​ទៅ​បង្រៀន​នៅក្នុង​ប្រទេស​ចិន​ខណៈ​ដែល​និស្សិត​កម្ពុជា​បាន​កំពុង​សិក្សា​នៅ​ទីនោះ​មួយ​ចំនួន​​​​រួច​មក​ហើយ។

សាកលវិទ្យា​ធិការរង​នៃ​សាកលវិទ្យាល័យ Guang Xi លោកស្រី Shang Nahong បាន​ថ្លែង​ប្រាប់​អ្នក​កាសែត​កម្ពុជា​ដែល​​មក​ទស្សនកិច្ច​នៅ​សាកលវិទ្យាល័យ​កាលពី​ចុង​សប្តាហ៍​មុន​ថា​សាកលវិទ្យាល័យ Guang Xi បាន​ចុះ​អនុស្សរណៈ​យោគយល់​គ្នា និង​សហប្រតិបត្តិការ​ជាមួយ​សាកលវិទ្យាល័យ​ភូមិន្ទ​កសិកម្ម​នៅ​កម្ពុជា​​តាំងពី​ឆ្នាំ​ ២០០៦ ​មក​ហើយ​​ក៏​មាន​កិច្ច​សហប្រតិបត្តិការ​នឹង​រាជ​បណ្ឌិត្យ​សភា​កម្ពុជា​ផង​ដែរ​។

លោកស្រី​ថា​​ កាលពី​ឆ្នាំ ២០១៤ សាកល​វិទ្យាល័យ Guang Xi តាមរយៈ​គណៈកម្មាធិការ​ប្រជាជន​ខេត្ត​ក្វាងស៊ី​បាន​បើក​ផ្តល់​អាហារូបករណ៍​ដល់​និស្សិត​កម្ពុជា​កម្រិត​ថ្នាក់​បរិញ្ញាបត្រ​ អនុបណ្ឌិត និង​ថ្នាក់​បណ្ឌិត​ផង​ដែរ​។

បើ​តាម​លោកស្រី Shang Nahong ក្នុង​ឆ្នាំ​សិក្សា​ ២០១៤-១៥ និស្សិត​កម្ពុជា​ដែល​បាន​មក​រៀន​នៅ​សាកល​វិទ្យាល័យ​នេះ​មាន​ចំនួន​ ១៩ នាក់​តែ​ក្នុង​នោះ ២ នាក់​បាន​បង់​ថ្លៃ​សិក្សា​។

លោកស្រី​បន្ថែម​ថា៖ «ខ្ញុំ​សង្ឃឹម​ថា​តាមរយៈ​ប្រព័ន្ធ​ផ្សព្វផ្សាយ​និស្សិត​កម្ពុជា​នឹង​បាន​ជ្រាប​ហើយ​ដាក់​ពាក្យ​ប្រឡង​​​សុំ​អាហារូបករណ៍​ចិន​មក​​រៀន​នៅ​ទី​នេះ​ឲ្យ​បាន​កាន់តែ​ច្រើន​»​។

លោក Chen Gang អនុប្រធាន​វិទ្យាស្ថាន​សិក្សា​អន្តរជាតិ​បាន​ឲ្យ​ដឹង​ថា​សាកលវិទ្យាល័យ​នេះ​បាន​ផ្តល់​អាហារូបករណ៍​ជាង ៨០ ​កន្លែង​ក្នុង​មួយ​ឆ្នាំៗ​ហើយ​ក្នុង​នោះ​និស្សិត​វៀតណាម​បាន​ទទួល​ច្រើន​ជាង​គេ។

លោក​ថា៖ «មកពី​និស្សិត​វៀតណាម​ប្រឡង​ជាប់​ច្រើន និង​ជា​ប្រទេស​នៅ​ជាប់​ព្រំដែន​ខេត្ត​នេះ​ទើប​​ការ​រៀន​ភាសា​របស់​ពួកគេ​មាន​ភាព​ងាយស្រួល​នេះ​ជា​កត្តា​ដែល​សាកល​វិទ្យាល័យ​ស្នើ​ឲ្យ​ក្រសួង​អប់រំ​កម្ពុជា ស្ថាន​អគ្គ​កុងស៊ុល​កម្ពុជា​ប្រចាំ​ខេត្ត​ក្វាងស៊ី​ជួយ​ផ្សព្វផ្សាយ​ពី​ព័ត៌មាន​សិក្សា និង​អាហារូបករណ៍​នៅ​ទី​នេះ​ដល់​និស្សិត​កម្ពុជា»។

លោក Chen Gang បាន​ឲ្យ​ដឹង​ដែរ​ថា​សាកល​វិទ្យាល័យ​ក្វាងស៊ី​មាន​ផែនការ​កិច្ច​សហប្រតិបត្តិ​បន្ថែម​មួយ​គឺ​នៅ​ខែ​វិច្ឆិកា ឆ្នាំ​ ២០១៥ ខាង​មុខ​នេះ​នឹង​អញ្ជើញ​សាស្ត្រាចារ្យ គ្រូ អ្នក​ជំនាញ​ការ​នានា​មកពី​គ្រឹះស្ថាន​ឧត្តម​សិក្សា​នៅ​កម្ពុជា​ក្នុង​នោះ​មាន​រាជ​បណ្ឌិត្យ​សភា​កម្ពុជា​សាកល​វិទ្យាល័យ​ភូមិន្ទ​កសិកម្ម​ដើម្បី​បើក​កិច្ចពិភាក្សា​ផ្លាស់ប្តូរ​បទពិសោធ បច្ចេកទេស អភិវឌ្ឍន៍ និង​ធ្វើ​បច្ចុប្បន្ន​ភាព​សមាហរណកម្ម កម្មវិធី​សិក្សា​ផ្សារ​ភ្ជាប់​ទីផ្សារ​ការងារ​លើ​ជំនាញ​ហិរញ្ញវត្ថុ ច្បាប់ សេដ្ឋកិច្ច ពាណិជ្ជកម្ម បច្ចេកវិទ្យា​ជាដើម។

លោក រស់ សាលីន អ្នក​នាំ​ពាក្យ​ក្រសួង​អប់រំ​កាលពី​ម្សិលមិញ​បាន​បដិសេធ​ធ្វើ​អធិប្បាយ​ដោយ​ថ្លែង​ថា​លោក​ជាប់​រវល់​។

សាកល​វិទ្យាល័យ Guang Xi ជា​សាកល​វិទ្យាល័យ​ធំ​មួយ​ក្នុង​ខេត្ត​ក្វាងស៊ី​ដែល​ស្ថិត​នៅក្នុង​ទីក្រុង Nanning រដ្ឋធានី​នៃ​តំបន់​ស្វយ័ត​ជនជាតិ​ជួង​ខេត្ត​ក្វាងស៊ី និង​បាន​បង្កើតឡើង​នៅ​ឆ្នាំ ១៩៦០ លើ​ផ្ទៃ​ដី​ទំហំ ៣០៧ ​ហិកតា​។

បច្ចុប្បន្ន​សាកល​វិទ្យាល័យ​នេះ​មាន​មហាវិទ្យាល័យ ៣១ ដែល​​មាន​​មុខវិជ្ជា ៩៥ ដូចជា ច្បាប់ បច្ចេកវិទ្យា អប់រំ កសិកម្ម ហិរញ្ញវត្ថុ សេដ្ឋកិច្ច ពាណិជ្ជកម្ម គ្រប់គ្រង ភាសា វារីអគ្គិសនី រ៉ែ និង​ទេសចរណ៍​ជាដើម​៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។