​សាច់ក្រក ៧ អ៊ិញ​ថ្មី​របស់​ក្រុមហ៊ុន ស៊ី.ភី ចូលក្នុង​ទីផ្សារ​កម្ពុជា​

ពិធីប្រគល់រង្វាន់ជូនជយលាភីក្នុងកម្មវិធីប្រកួត ហតដក ស៊ី.ភី ២០២០ កាលពីថ្ងៃទី ៣ ខែតុលា នៅក្នុងរាជធានីភ្នំពេញ ។

ការច្នៃប្រឌិតផលិតផលថ្មីបំផុតរបស់ក្រុមហ៊ុន CP ដែលប្រតិបត្តិការអាជីវកម្ម កសិឧស្សាហកម្មនឹងមានស្នាក់ការកណ្តាលនៅក្នុងប្រទេសថៃគឺសាច់ក្រក ៧ អ៊ិញ ដើម្បីឆ្លើយតបទៅនឹងតម្រូវការរបស់អតិថិជន និងអ្នកបរិភោគដែលកំពុងមានឥរិយាបថផ្លាស់ប្តូរយ៉ាងឆាប់រហ័សនៅក្នុងទីផ្សារនាពេលបច្ចុប្បន្ន។

សាច់ក្រក ៧ អ៊ិញថ្មីជាផលិតផលក្នុងស្រុកដែលផលិតចេញពីសាច់មាន់ និងសាច់ជ្រូកសុទ្ធសាធដោយមាន ៣ រសជាតិក្នុងនោះរួមមាន សាច់ក្រកសាច់មាន់ ឬសាច់ជ្រូក រសជាតិដើម (Chicken/Pork Original) រសជាតិហិរ (Chicken/Pork Chilli) និងមួយទៀត រសជាតិឈីស (Chicken/Pork Cheese) ។ ទាំងអស់នេះសុទ្ធសឹងជាស្នាដៃរបស់កូនខ្មែរដែលបានយកចិត្តទុកដាក់ស្រាវជ្រាវ និងវឌ្ឍនភាពនូវរសជាតិសាច់ក្រកថ្មីនេះ។

សាច់ក្រកដែលជាផលិតផលថ្មីរបស់ CP នេះគឺងាយស្រួលចម្អិន មានទម្ងន់រហូតដល់ ១ ០០០ ក្រាមដែលបុគ្គលិកខ្មែរបានចូលរួមយ៉ាងសកម្មក្នុងការស្រាវជ្រាវ និងកែច្នៃរសជាតិសាច់ក្រកដ៏ឈ្ងុយឆ្ងាញ់នេះ ដែលត្រូវបានដាក់លក់នៅលើទីផ្សារកាលពីខែកក្កដាកន្លងទៅ។

អាជីវកម្មចំណីអាហារ ស៊ីភី បានបើកប្រតិបត្តិការអស់រយៈពេលជាង ១២ ឆ្នាំមកហើយដែលផលិតផលចំណីអាហារទាំងនោះរួមមាន សាច់មាន់ សាច់ក្រក ប៉ាតេ ហតដក ជាដើម និងហាងលក់រាយជាច្រើនទៀត។

លោក Chuchod Sapabguy ប្រគល់រង្វាន់ជូនជយលាភី។

ក្រុមហ៊ុនបានកំណត់ចក្ខុវិស័យរបស់ខ្លួនដើម្បីឆ្ពោះទៅរក «ផ្ទះបាយពិភពលោក» ក្រុមហ៊ុនបានផ្តល់ភាពសំខាន់ដោយផ្តោតលើការស្រាវជ្រាវ និងការអភិវឌ្ឍប្រព័ន្ធផលិតគ្រប់ដំណាក់កាលក្នុងការប្រតិបត្តិអាជីវកម្មឱ្យមានប្រសិទ្ធភាពល្អ ដើម្បីឱ្យផលិតផលចំណីអាហារ សមស្របទៅនឹងចំណង់ចំណូលចិត្តរបស់អតិថិជន និងអ្នកបរិភោគ។

ផលិតផលរបស់ក្រុមហ៊ុន ស៊ីភី ជាច្រើនដែលមានដូចជាសាច់មាន់ សាច់ក្រក សាច់ប៉ាតេ ហតដក សុទ្ធតែមានលក់នៅហាងលក់រាយមួយចំនួន ដូចជា ហ្វាយស្តារ៍ (Five Star) ស៊ីភី ហ្វ្រេសម៉ាត (CP Fresh Mart) ស្តារ៍ខហ្វហ្វី (STAR Coffee) - និង ស៊ីភី ហ្វ្រេសហ្សប (CP Fresh Shop) ជាដើម។

ក្រៅពីយុទ្ធនាការផ្សព្វផ្សាយផលិតផលថ្មីនេះ ក្រុមហ៊ុនក៏បង្កើតកម្មវិធីប្រកួត ហតដក ស៊ី.ភី. ២០២០ (CP Sausage Contest 2020) ជាកម្មវិធីមួយដែលក្រុមហ៊ុនបានបង្កើតឡើងក្នុងគោលបំណងចង់ផ្តល់សេចក្តីសុខ និងបង្កើនភាពស្និទ្ធស្នាលជាមួយអតិថិជន និងអ្នកបរិភោគឱ្យកាន់តែប្រសើរឡើង និងម្យ៉ាងវិញទៀតដើម្បីណែនាំអោយស្គាល់នូវផលិតផលថ្មីរបស់ CP Brand ដែលទើបនឹងផលិត។ កម្មវិធីនេះបានចាប់ផ្តើមតាំងពីខែកក្កដារហូតដល់ខែកញ្ញា។

សម្រាប់អតិថិជនទាំងអស់មានសិទ្ធិចូលរួមប្រកួតដោយគ្រាន់តែថតរូប ឬ វីដេអូរយៈពេលមិនលើសពី ១៥ វិនាទីជាមួយនឹងផលិតផលហតដក ៧ អ៊ិញថ្មីពីក្រុមហ៊ុន ស៊ី.ភីព្រមទាំងកញ្ចប់ផងដែរ តាមលក្ខខណ្ឌងាយៗ ដើម្បីឈ្នះរង្វាន់ធំៗ។

អតិថិជនដែលទទួលបានជយលាភីចំនួន ១០ រូបដោយក្នុងនោះរង្វាន់ជយលាភីលេខ ១ ទទួលបាន ម៉ូតូម៉ាក YAMAHA X-Ride ១ គ្រឿង ជយលាភីលេខ ២ ទទួលបាន ទូរស័ព្ទដៃស៊េរីថ្មី iPhone 11pro max ១ រង្វាន់ និងជយលាភី ៨ រូបទៀតទទួលបានទូរស័ព្ទដៃម៉ាក Oppo F11 Pro ។

សាច់ក្រក ៧ អ៊ិញថ្មីរបស់ក្រុមហ៊ុន ស៊ី.ភី ចូលក្នុងទីផ្សារកម្ពុជា។

ជយលាភីលេខ ១ ឈ្មោះ ឡាវ លក្ខិណា ភេទស្រី អាយុ ៣៨ ឆ្នាំរស់នៅក្នុងរាជធានីភ្នំពេញបានឈ្នះរង្វាន់ម៉ូតូម៉ាក YAMAHA X-Ride ១ គ្រឿង។ ជយលាភីលេខ ២ បានទៅលើឈ្មោះ ផាន់ សុជី ភេទស្រីបានឈ្នះរង្វាន់ទូរស័ព្ទដៃស៊េរីថ្មី iPhone 11pro max ១ គ្រឿង។

កញ្ញាបានថ្លែងថា៖ «ខ្ញុំសូមថ្លែងអំណរអរគុណដល់ក្រុមហ៊ុន ស៊ីភី - ខេមបូឌា ដែលបានបង្កើតកម្មវិធីប្រកួត ហតដក 2020 នេះឡើងដើម្បីឱ្យអតិថិជន ក៏ដូចជានាងខ្ញុំមានឱកាសចូលរួមប្រកួតយករង្វាន់ធំ ហើយវាជាលើកទី ១ របស់នាងខ្ញុំដែលបានចូលរួមលេង និងក៏បានឈ្នះរង្វាន់ដ៏ធំនេះ។ អ្វីដែលសំខាន់នោះគឺសាច់ក្រក ស៊ីភី យកទៅធ្វើម្ហូបអ្វីក៏ឆ្ងាញ់ដែរ ជាចុងក្រោយនាងខ្ញុំសង្ឃឹមថាក្រុមហ៊ុននឹងបង្កើតកម្មវិធីប្រកួតដូចនេះជាបន្តបន្ទាប់ទៀត»។

កញ្ញា សុភមង្គល ជយលាភីលេខ ៣ បានឈ្នះទូរស័ព្ទដៃ ១ គ្រឿងបាននិយាយថា៖ «នាងខ្ញុំពិតជាសប្បាយរីករាយខ្លាំងណាស់ដែលបានក្រុមហ៊ុនស៊ីភីផ្តល់ឱកាសដល់រូបនាងខ្ញុំចូលរួមប្រកួតក្នុងកម្មវិធីនេះ។ នាងខ្ញុំសំណូមពរដល់ក្រុមហ៊ុន ស៊ីភី ជួយបង្កើតសាច់ក្រករសជាតិថ្មីៗឱ្យបានច្រើនទៀត ហើយនាងខ្ញុំនៅតែបន្តគាំទ្រនឹងណែនាំផលិតផលថ្មីរបស់ក្រុមហ៊ុនទៅដល់មិត្តភកិ្តក៏ដូចជាបងប្អូនដទៃ»។

អ្នកចូលរួមម្នាក់ទៀតឈ្មោះ ហេង សុវណ្ណដារ៉ា ដែលទទួលជយលាភីលេខ ៤ បានលើកឡើងថា៖ «ខ្ញុំសូមអរគុណដល់ក្រុមហ៊ុន ស៊ីភី ដែលបានបង្កើតកម្មវិធីប្រកួត ហតដកនេះឡើងមក ពីព្រោះវាធ្វើឱ្យខ្ញុំបាទចេះបង្កើតវីដេអូដោយខ្លួនឯង ហើយខ្ញុំបាទពិតជាសប្បាយរីករាយខ្លាំងណាស់ដែលបានឈ្នះរង្វាន់ទូរស័ព្ទដៃដ៏ទំនើប ១ គ្រឿងពីក្រុមហ៊ុនស៊ីភី។ ខ្ញុំក៏សូមសំណូមពរដល់ក្រុមហ៊ុនឱ្យបង្កើតកម្មវិធីថ្មីៗ ដើម្បីឱ្យខ្ញុំបាទក៏ដូចជាអតិថិនទាំងអស់គ្នាបានចូលរួមលេងលើកក្រោយទៀត។

អ្វីដែលកាន់តែពិសេសកាលពីថ្ងៃ ទី ០៣ ខែតុលា ឆ្នាំ ២០២០ កន្លងទៅ ក្រុមហ៊ុន ស៊ី.ភី. ខេមបូឌា បានរៀបចំកម្មវិធីចែករង្វាន់ដល់អតិថិជនដែលជាជយលាភីចំនួន ១០ រូបដោយបានប្រព្រឹត្តទៅនៅសណ្ឋាគារ តារាអ៊ែរផត ក្នុងរាជធានីភ្នំពេញ និងមានការចូលរួមពីលោក Chuchod Sapabguy អនុប្រធានការិយាល័យលក់ផលិផលអាហារ ជាប្រធានកិត្តិយស ព្រមទាំងគណៈគ្រប់គ្រង ជយលាភី និងអតិថិជនជាច្រើនរូបទៀតដែលបានញ៉ាំងឱ្យកម្មវិធីនោះកាន់តែអធិកអធមទ្វេឡើង៕

សាច់ក្រក ៧ អ៊ិញ​ថ្មី​របស់​ក្រុមហ៊ុន ស៊ី.ភី ចូលក្នុង​ទីផ្សារ​កម្ពុជា

ព័ត៌មានជាតិ

ព័ត៌មានថ្មីៗ

វីដេអូ

សាច់ក្រក ៧ អ៊ិញថ្មីរបស់ក្រុមហ៊ុន ស៊ី.ភី ចូលក្នុងទីផ្សារកម្ពុជា