The Phnom Penh Post Search

Search form

សាលក្រម​រឿង​ញុះញង់​របស់ សម រង្ស៊ី នឹង​ប្រកាស​ថ្ងៃ ៣០ មីនា

Content image - Phnom Penh Post
លោក សម រង្ស៊ី កាល​មិន​ទាន់​និរទេស​ខ្លួន​​​។ ហុង មិនា

សាលក្រម​រឿង​ញុះញង់​របស់ សម រង្ស៊ី នឹង​ប្រកាស​ថ្ងៃ ៣០ មីនា

ភ្នំពេញ: ថ្ងៃ​ទី ៣០ មីនា ត្រូវ​បាន​កំណត់​ថា​ជា​ថ្ងៃ​ចេញ​សាលក្រម​នៅ​ក្នុង​សំណុំ​រឿង​ញុះញង់ និង​បរិហារកេរ្តិ៍​ប្រឆាំង​នឹង​លោក សម រង្ស៊ី អតីត​មេដឹកនាំ​គណបក្ស​សង្គ្រោះជាតិ​ដែល​ប្តឹង​ដោយ​លោក​នាយក​រដ្ឋមន្រ្តី ហ៊ុន សែន ចំពោះ​អត្ថាធិប្បាយ​របស់​លោក​ដែល​ថា​រដ្ឋាភិបាល​ពាក់ព័ន្ធ​ក្នុង​ករណី​ឃាតកម្ម​លោក កែម ឡី ដែល​ជា​អ្នក​វិភាគ​នយោបាយ។

សំណុំ​រឿង​នេះ​ដែល​ស្ថិត​នៅ​ក្នុង​ចំណោម​សំណុំ​រឿង​ជាច្រើន​ដែល​ប្តឹង​ទៅ​លើ​អតីត​ប្រធាន​គណបក្ស​សង្គ្រោះជាតិ​ដែល​ត្រូវ​បាន​មជ្ឈដ្ឋាន​ជាច្រើន​ចាត់​ទុក​ថា​ជា​រឿង​នយោបាយ​ត្រូវ​បាន​ជំនុំជម្រះ​ដោយ​សាលា​ដំបូង​រាជធានី​ភ្នំពេញ​កាលពី​ថ្ងៃ​សុក្រ។

ថ្លែង​ទៅ​កាន់​អ្នកកាសែត​ ​បន្ទាប់ពី​សវនាការ​រយៈពេល​ពីរ​ម៉ោង​មេធាវី​របស់​លោក​នាយក​រដ្ឋមន្រ្តី​គឺ​លោក គី តិច បាន​ថ្លែង​ថា​ក្រុម​របស់​លោក​បាន​ហៅ​នគរបាល​ពី​ក្រសួង​មហាផ្ទៃ​មក​ធ្វើ​សក្ខីកម្ម​ថា​វីដេអូ​ឃ្លិប​របស់​លោក សម រង្ស៊ី ដែល​ធ្វើការ​អះអាង​នៅ​វេទិកា​សាធារណៈ​មួយ​ក្នុង​ប្រទេស​បារាំង​​ ជា​ប្រទេស​ដែល​លោក​កំពុង​រស់នៅ​និរទេស​ខ្លួន​តាំងពី​ខែ​វិច្ឆិកា​ ​ឆ្នាំ ២០១៥ គឺជា ​វីដេអូឃ្លីប ​ពិតប្រាកដ។

លោក មេធាវី បាន​ថ្លែង​បន្ត​ថា៖ «ខ្ញុំ​ជឿ​ថា​ចៅក្រម​ និង​តុលាការ​នឹង​ធ្វើ​សេចក្តី​សម្រេច​សមស្រប​មួយ»។ លោក​បាន​បន្ថែម​ថា​លោក សម រង្ស៊ី មិន​បាន​ផ្តល់​ភ័ស្តុតាង​ដើម្បី​គាំទ្រ​ការ​អះអាង​របស់​លោក​ទេ។

លោក គី តិច ថ្លែង​ថា៖ «ខ្ញុំ​សង្ឃឹម​ថា​តុលាការ​នឹង​កាត់​ទោស និង​ពិន័យ​គាត់​ទៅ​តាម​ច្បាប់»។

នៅ​ពេល​ទាក់ទង​កាលពី​ម្សិលមិញ​លោក សម រង្ស៊ី ដែល​បាន​ចាកចេញ​ពី​គណបក្ស​សង្គ្រោះជាតិ​កាលពី​ខែ​កុម្ភៈ​ដើម្បី​ចៀស​ពី​ការ​ប្រើប្រាស់​ការ​កាត់ទោស​លោក​ដើម្បី​រំលាយ​គណបក្ស​របស់​លោក​បាន​ថ្លែង​ថា​លោក​ប្រកាន់ខ្ជាប់​នឹង​អត្ថាធិប្បាយ​របស់​លោក។

លោក រង្ស៊ី បាន​សរសេរ​ថា៖ «ខ្ញុំ​ប្រកាន់​ខ្ជាប់​នឹង​រាល់​ការ​ថ្លែង​របស់​ខ្ញុំ​កាលពី​ពេល​មុនៗ​​ពាក់ព័ន្ធ​នឹង​អំពើ​ភេរវកម្ម​របស់​រដ្ឋ»៕ PS

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។