The Phnom Penh Post Search

Search form




Logo of Phnom Penh Post newspaper Phnom Penh Post - សាលាក្រុង​​ ចាប់​ផ្ដើមរៀបចំ​ចិញ្ចើម​វិថី​សហព័ន្ធរុស្ស៊ី និងនរោត្តម




សាលាក្រុង​​ ចាប់​ផ្ដើមរៀបចំ​ចិញ្ចើម​វិថី​សហព័ន្ធរុស្ស៊ី និងនរោត្តម

Content image - Phnom Penh Post
កម្ម​ករ​កំពុង​រៀប​ចំ​ក្រាល​ចិញ្ចើម​ផ្លូវ​លើមហាវិថីព្រះ​នរោត្តម​។ ផា លីណា

សាលាក្រុង​​ ចាប់​ផ្ដើមរៀបចំ​ចិញ្ចើម​វិថី​សហព័ន្ធរុស្ស៊ី និងនរោត្តម

ភ្នំពេញៈ ​រដ្ឋ​បាល​សា​លា​រាជ​ធានី​ភ្នំពេញ​ នឹង​ចាប់​ផ្ដើម​រៀប​ចំ​កែលម្អ​សោ​ភណភា​ព​ និង​សណ្ដាប់​ធ្នាប់​នៅ​លើចិ​ញ្ចើម​ផ្លូវ​សាធារ​ណៈ សង​ខាង​មហា​វិថី​សហ​ព័ន្ធរុ​ស្ស៊ីចាប់​ពី​មហា​វិថី​ព្រះ​នរោត្តម​ដល់​មុខ​អា​កាស​យានដ្ឋាន​អន្តរ​ជាតិ​ភ្នំពេញ​ដោយ​មាន​ក្រាល​ការឺ​ឡា​ថ្មី​ និង​រៀប​ចំ​ជា​គំនូស​ពណ៌​សម្រាប់​ជន​ពិការ​ផង​ដែរ។​ នេះ​បើតា​មសេ​ចក្ដី​ជូន​ដំ​ណឹង​របស់​​រដ្ឋ​​បាល​​រាជ​ធានី​ភ្នំ​ពេ​ញ កា​ល​ពី​ថ្ងៃ​ទី ​៨ ខែ​កុម្ភៈ ​ឆ្នាំ​ ២០១៩ ដែល​ភ្នំពេញ​ប៉ុស្តិ៍​ទើប​ទទួល​បាន។

តា​មសេ​ច​ក្ដីជូ​នដំ​​ណឹង​នោះ ​លោក​ ឃួង​ ស្រេង​ អភិបាល​រាជធា​នីភ្នំពេ​ញ​បាន​អំ​ពាវ​នាវ​ដល់​ពល​រដ្ឋ​ម្ចា​ស់​អាជីវ​កម្ម​ ​និង​គ្រប់​ស្ថាប័ន​រដ្ឋ​ និង​ឯក​ជន​ទាំង​អស់​ដែល​មាន​ទី​តាំង​ស្ថិត​នៅ​តាម​បណ្ដោ​យ​មហា​វិថី​ខាង​លើនេះ​មេត្តាចូ​ល​រួម​សហ​កា​រ​រុះរើនូវរាល់​សំណង់​របស់​ខ្លួន​ដែល​សា​ងសង់​នៅ​លើ​ចិញ្ចើ​មផ្លូ​វ​សា​ធារ​ណៈ​ចេ​ញ​ចាប់​ពី​ថ្ងៃ​ជូន​ដំណឹង​នេះ​ត​ទៅ​ និង​សុំការយោគ​យល់​ និង​អធ្យា​ស្រ័យ​​ចំពោះ​ការ​រំខាន​ក្នុង​ការធ្វើ​ដំណើរ​ចេញ​ចូល​គេហ​ដ្ឋាន​ ឬ​ទី​តាំង​ស្ថាប័​ន​រដ្ឋ​ និងឯ​ក​ជន​នា​នា ដើ​ម្បី​ឲ្យការ​អនុ​វត្ត​គម្រោង​​នេះ​បាន​ប្រព្រឹត្ត​ទៅបា​ន​ជោ​គជ័​យ​តាម​ការ​គ្រោង​ទុក។

លោក​បាន​បញ្ជាក់​ថា៖ ​«​គម្រោង​រៀប​ចំកែ​ល​ម្អ​សោ​ភណ​ភា​ព និ​ងស​ណ្ដា​ប់​​ធ្នាប់​នៅ​លើចិ​ញ្ចើ​ម​ផ្លូ​វសាធារ​ណៈ​នៅ​សង​ខាង​​នៃ​ដង​មហាវិ​ថីស​ហព័​ន្ធរុ​ស្ស៊ីនេះ​នឹង​ធ្វើ​ឲ្យរា​ជធា​នី​ភ្នំ​​ពេញរ​បស់​យើ​ង​កាន់​តែមា​ន​ភាព​ទាក់​ទាញ​កាន់​តែ​ខ្លាំង​។​ គម្រោង​នេះ​​ ក៏​នឹង​ជួយ​សម្រួល​ដល់​ជន​​ពិកា​រ​ភា​ព​ឲ្យ​ធ្វើ​ដំណើរ​នៅ​លើ​ចិញ្ចើម​ផ្លូវប្រកប​ដោយ​សុវត្ថិ​ភាព​ផង​ដែរ»។

លោក ស្រី​ វណ្ណ​ថុន​ នាយក​ប្រ​ចាំប្រ​ទេ​ស​ នៃអ​ង្គ​ការ​សកម្ម​ភា​ព​លើពិ​កា​រ​​ភា​ព និង​ការអ​ភិ​វ​​ឌ្ឍបា​ន​ស​ម្ដែង​​ក្ដី​អ​ប​អរ​សាទ​រ​ចំពោះ​​គម្រោង​នេះ​​ និង​រំ​ពឹង​ថា ​ផ្នែក​ពាក់​ព័ន្ធ​នា​នា ពិសេស​ប​ង​​ប្អូ​នពលរ​ដ្ឋ​ដែលរ​ស់​នៅ​អមស​ង​ខាង​​នៃដង​មហា​​វិ​ថីនេះ​នឹ​ង​ចូ​លរួ​ម​ជា​មួយ​អាជ្ញាធរ​រា​ជ​ធានី​ភ្នំពេ​ញ​​ដើម្បី​អ​នុវត្ត​គម្រោង​នេះ​បាន​ជោ​គជ័យ​តាម​ការ​គ្រោង​ទុក។

លោ​ក​ វណ្ណ​ថុ​ន បាន​ថ្លែង​ថា៖ ​«​កន្ល​ងម​ក​ចិ​ញ្ចើម​ផ្លូវសា​ធា​រ​ណៈ​តូច​ធំ​ក្នុង​រាជធា​នី​ភ្នំ​ពេញ ត្រូវ​បាន​បង​ប្អូ​នព​ល​រដ្ឋ​ អាជី​វ​ករ​ និងបុគ្គ​លិក​នៃស្ថា​ប័​ន​រ​ដ្ឋ​ និង​ឯកជ​នមួ​យ​ចំ​នួន​​រំលោភ​យក​ធ្វើ​ជា​កន្លែ​ង​លក់​ដូរ​និង​ចតយា​នជំ​និះ​ដោ​យ​ខុស​ច្បា​ប់​ធ្វើ​ឲ្យ​អ្នក​ថ្មើរ​ជើ​ង​ពិ​សេ​ស​ជន​ពិការ​ភា​ព ​ដែល​ធ្វើ​ដំណើរ​តាម​រ​ទេះ​រុ​ញ​ ឬ​ជ​ន​ពិកា​រ​ភ្នែក​មិ​ន​អា​ច​ធ្វើ​ដំណើរ​បាន»។

​លោក ​វណ្ណ​ថុន បាន​បន្ត​ថា​ ទោះ​ជា​បែ​បណា​ក្ដី​ ការ​រៀប​ចំខឿ​ន​ចិញ្ចើ​ម​ផ្លូ​វ ​និង​សណ្ដាប់​ធ្នាប់​លើចិ​ញ្ចើម​ផ្លូវសា​ធា​រណៈ​ ​តែ​មួយ​មុខ​មិន​គ្រប់​គ្រាន់​នោះ​ទេ​បើ​គ្មានកា​រចូ​លរួម​ផ្ស​ព្វផ្សាយ​បំផុស​ផ្នត់គំនិត​របស់​ពលរដ្ឋ​ និង​​អ្នក​ពាក់​ព័ន្ធ​ដទៃ​ទៀ​ត​ឲ្យ​មាន​កា​រយ​ល់​​ដឹ​ងអំ​ពី​សារៈ​សំ​ខា​ន់​នៃ​ចិញ្ចើ​ម​ផ្លូវ​សាធារណៈ​និ​ងប​ញ្ឈប់​ការប្រើ​ប្រាស់​ចិញ្ចើ​មផ្លូ​វ​ជា​កន្លែង​​លក់​ដូរ​ និ​ង​ច​ត​យា​នជំ​​និះដោយ​ខុស​ច្បាប់​ត​ទៅ​ទៀ​ត៕​​

អត្ថបទគួរចាប់អារម្មណ៍