ភ្នំពេញៈ សាលា​ដំបូង​រាជធានី​ភ្នំពេញ​បាន​ចាប់ផ្ដើម​សាកសួរ​ស្ត្រី​សកម្មជន​ដីធ្លី​ចំនួន ៣ រូប​បន្ទាប់​ពី​ចេញ​ដីកា​ឱ្យ​ចូល​បំភ្លឺ​កាលពី​ចុង​ខែ​មុន​ពាក់ព័ន្ធ​នឹង​ដំណើរ​រឿង​ហិង្សា​ដោយ​ចេតនា​មាន​ស្ថាន​ទម្ងន់​ទោស​ដែល​ប្រព្រឹត្ត​នៅ​ចំណុច​ខាង​កើត​វិមាន​ឯករាជ្យ​កាលពី​ឆ្នាំ ២០១៣ ខណៈ​ពេល​ពួកគេ​បាន​ទៅ​ស្វែងរក​កិច្ចអន្តរាគមន៍​ពី​លោក​នាយក​រដ្ឋមន្ត្រី ហ៊ុន សែន និង​ក្រសួង​យុត្តិធម៌​ឱ្យ​ដោះលែង​អ្នកស្រី យ៉ោម បុប្ផា។