.jpg)
ផែនទីផ្លូវការបែងចែកតំបន់ក្រហម តំបន់លឿងទុំ និងតំបន់លឿង នៅរាជធានីភ្នំពេញ ។រូបថត សាលាក្រុង
ភ្នំពេញ៖ សាលារាជធានីភ្នំពេញបានកំណត់នូវភូមិសាស្ត្ររបស់ខ្លួនជាតំបន់ក្រហម តំបន់លឿងទុំ និងតំបន់លឿង ដោយក្នុងនោះ តំបន់ក្រហមមាន ៩ សង្កាត់ ក្នុង ៥ ខណ្ឌ តំបន់លឿងទុំមានចំនួន ៤១ សង្កាត់ក្នុង ១៤ ខណ្ឌ និងតំបន់លឿងមានចំនួន ៦៦ សង្កាត់ ក្នុង ១៣ ខណ្ឌ។
យោងតាមសេចក្តីសម្រេចកំណត់ភូមិសាស្ត្រដែលចុះហត្ថលេខាដោយលោក ឃួង ស្រេង អភិបាលរាជធានីភ្នំពេញ នៅយប់ថ្ងៃអង្គារ ទី ២៧ ខែមេសា នេះលើកឡើងលម្អិតថា សង្កាត់ដែលត្រូវបានដាក់ជាតំបន់ក្រហមនោះមាន សង្កាត់បឹងសាឡង (ភូមិ ១៤ ភូមិ ១៦ និងភូមិ ១៧) ក្នុងខណ្ឌទួលគោក, សង្កាត់ព្រៃស (ភូមិប្រការ) និងសង្កាត់ដង្កោ (ភូមិម័ល ភូមិថ្មី និងភូមិសំបូរ) ក្នុងខណ្ឌដង្កោ, សង្កាត់ស្ទឹងមានជ័យទី១, សង្កាត់ស្ទឹងមានជ័យទី២, សង្កាត់ស្ទឹងមានជ័យទី៣ និងសង្កាត់បឹងទំពន់ទី១ ក្នុងខណ្ឌមានជ័យ, សង្កាត់ទួលសង្កែទី១ ក្នុងខណ្ឌឫស្សីកែវ និងសង្កាត់ចោមចៅទី១ក្នុងខណ្ឌពោធិ៍សែនជ័យ។
ចំណែកតំបន់ដែលត្រូវបានកំណត់ជាតំបន់លឿងទុំមាន ខណ្ឌចំការមន ដែលមានសង្កាត់ទួលទំពូងទី២, សង្កាត់បឹងត្របែក និងសង្កាត់ទន្លេបាសាក់ (ភូមិ ៩ និងភូមិ ១៦); ខណ្ឌដូនពេញមាន សង្កាត់ផ្សារកណ្ដាលទី១, សង្កាត់ផ្សារកណ្ដាលទី២ និងសង្កាត់ផ្សារចាស់; ខណ្ឌ៧មករា មានសង្កាត់អូរឫស្សីទី១, សង្កាត់អូរឫស្សីទី២, សង្កាត់អូរឫស្សីទី៣, សង្កាត់វាលវង់ និងសង្កាត់បឹងព្រលឹត (ភូមិ ៤ ភូមិ ៥ និងភូមិ ៦); ខណ្ឌទួលគោកមាន សង្កាត់ផ្សារដើមគ និងសង្កាត់បឹងសាឡាង (លើកលែងភូមិ ១៤ ភូមិ ១៦ និងភូមិ ១៧); ខណ្ឌដង្កោ មានសង្កាត់ព្រៃស (លើកលែងភូមិប្រការ) និងសង្កាត់ដង្កោ (លើកលែងភូមិម័ល ភូមិថ្មី និងភូមិសំបួរ); ខណ្ឌមានជ័យមាន សង្កាត់ចាក់អង្រែលើ, សង្កាត់ចាក់អង្រែក្រោម និងសង្កាត់បឹងទំពន់ទី២; ខណ្ឌឫស្សីកែវមាន សង្កាត់គីឡូម៉ែត្រលេខ៦, សង្កាត់ឫស្សីកែវ, សង្កាត់ច្រាំងចំរេះទី១ និងសង្កាត់ច្រាំងចំរេះទី២; ខណ្ឌសែនសុខមាន សង្កាត់ទឹកថ្លា, សង្កាត់អូរបែកក្អម និងសង្កាត់គោលឃ្លាង; ខណ្ឌពោធិ៍សែនជ័យមាន សង្កាត់ចោមចៅទី២, សង្កាត់ចោមចៅទី៣ និងសង្កាត់កាកាបទី១; ខណ្ឌជ្រោយចង្វារមាន សង្កាត់ជ្រោយចង្វារ និងសង្កាត់ព្រែកលៀប; ខណ្ឌព្រែកព្នៅមាន សង្កាត់ព្រែកព្នៅ (ភូមិព្រែកព្នៅ ភូមិកណ្ដាល ភូមិផ្សារលិច និងភូមិពោធិ៍មង្គល), សង្កាត់ពញាពន់ (ភូមិធំត្បូង) និងសង្កាត់គោករកា (ភូមិគោករកា ភូមិអណ្ដូង ភូមិខ្មែរលើ ភូមិពុទ្រា ភូមិត្រពាំងពោធិ៍ និងភូមិភ្លូផ្អែម); ខណ្ឌច្បារអំពៅមាន សង្កាត់ច្បារអំពៅទី១, សង្កាត់ច្បារអំពៅទី២, សង្កាត់ព្រែកប្រា និងសង្កាត់និរោធ (លើកលែងតំបន់បុរីប៉េង ហួតបឹងស្នោ); ខណ្ឌបឹងកេងកង៖ សង្កាត់បឹងកេងកងទី៣ និងសង្កាត់ស្វាយព្រៃទី១ និងខណ្ឌកំបូលមាន សង្កាត់កន្ទោក (ភូមិកន្ទោកខាងជើង) និងសង្កាត់ស្នោរ (ភូមិទួលលៀប)។
រីឯតំបន់លឿងមាន ខណ្ឌចំការមនដែលមាន សង្កាត់ទួលទំពូងទី១ សង្កាត់ផ្សារដើមថ្កូវ និងសង្កាត់ទន្លេបាសាក់ (លើកលែងភូមិ ៩ និងភូមិ ១៦); ខណ្ឌដូនពេញមាន សង្កាត់ផ្សារថ្មីទី១ សង្កាត់ផ្សារថ្មីទី២ សង្កាត់ផ្សារថ្មីទី៣ សង្កាត់បឹងរាំង សង្កាត់ចតុមុខ សង្កាត់ជ័យជំនះ សង្កាត់ស្រះចក និងសង្កាត់វត្តភ្នំ; ខណ្ឌ៧មករា មាន សង្កាត់អូរឫស្សីទី៤ សង្កាត់មនោរម្យ សង្កាត់មិត្តភាព និងសង្កាត់បឹងព្រលឹត (លើកលែងភូមិ៤ ភូមិ៥ និងភូមិ៦); ខណ្ឌទួលគោកមាន សង្កាត់ផ្សារដេប៉ូទី១ សង្កាត់ផ្សារដេប៉ូទី២ សង្កាត់ផ្សារដេប៉ូទី៣ សង្កាត់ទឹកល្អក់ទី១ សង្កាត់ទឹកល្អក់ទី២ សង្កាត់ទឹកល្អក់ទី៣ សង្កាត់បឹងកក់ទី១ និងសង្កាត់បឹងកក់ទី២; ខណ្ឌដង្កោមាន សង្កាត់ពងទឹក សង្កាត់ព្រៃវែង សង្កាត់ក្រាំងពង្រ សង្កាត់សាក់សំពៅ សង្កាត់ជើងឯក សង្កាត់គងនយ សង្កាត់ព្រែកកំពឹស សង្កាត់រលួសសង្កាត់ស្ពានថ្ម និងសង្កាត់ទៀន; ខណ្ឌឫស្សីកែវមាន សង្កាត់ស្វាយប៉ាក និងសង្កាត់ទួលសង្កែទី២; ខណ្ឌសែនសុខមាន សង្កាត់ភ្នំពេញថ្មី សង្កាត់ឃ្មួញ និងសង្កាត់ក្រាំងធ្នង់; ខណ្ឌពោធិ៍សែនជ័យមាន សង្កាត់ត្រពាំងក្រសាំង សង្កាត់សំរោងក្រោម និងសង្កាត់កាកាបទី២; ខណ្ឌជ្រោយចង្វារមាន សង្កាត់ព្រៃតាសេក សង្កាត់កោះដាច់ និងសង្កាត់បាក់ខែង; ខណ្ឌព្រែកព្នៅមាន សង្កាត់សំរោង សង្កាត់ពន្សាំង សង្កាត់ព្រែកព្នៅ (លើកលែងភូមិព្រែកព្នៅ ភូមិកណ្តាល ភូមិផ្សារលិច និងភូមិពោធិ៍មង្គល) សង្កាត់ពញាពន់ (លើកលែងភូមិធំត្បូង) និងសង្កាត់គោករកា (លើកលែងភូមិគោករកា ភូមិអណ្តូង ភូមិខ្មែរលើ ភូមិពុទ្រា ភូមិត្រពាំងពោធិ៍ និងភូមិក្អផ្អែម);ខណ្ឌច្បារអំពៅមាន សង្កាត់វាលស្បូវ សង្កាត់ព្រែកឯង សង្កាត់ក្បាលកោះ សង្កាត់ព្រែកថ្មី និងសង្កាត់និរោធ (តំបន់បុរីប៉េងហួតបឹងស្នោ); ខណ្ឌបឹងកេងកងមាន សង្កាត់បឹងកេងកងទី១ សង្កាត់បឹងកេងកងទី២ សង្កាត់អូឡាំពិក សង្កាត់ទំនប់ទឹក និងសង្កាត់ទួលស្វាយព្រៃទី២ និងខណ្ឌកំបូលមាន សង្កាត់កំបូល សង្កាត់ឳឡោក សង្កាត់ភ្លើងឆេះរទេះ សង្កាត់បឹងធំ សង្កាត់ប្រទះឡាង សង្កាត់កន្ទោ (លើកលែងភូមិកន្ទោកជើង) និងសង្កាត់ស្នោរ (លើកលែងភូមិទូលលៀប)។
កាលពីថ្ងៃទី ២៦ ខែមេសា លោកនាយករដ្ឋមន្ត្រី ហ៊ុន សែន បានសម្រេចបន្តបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាលរយៈពេល ៧ ថ្ងៃទៀត ចាប់ពីម៉ោងសូន្យថ្ងៃទី ២៩ ដោយក្នុងនោះលោកក៏បានបែងចែកភូមិសាស្ត្រដែលបិទខ្ទប់នេះជាបីតំបន់ គឺតំបន់ក្រហម លឿងទុំ និងលឿង។
តំបន់ក្រហម សំដៅដល់ភូមិសាស្ត្រដែលមានការឆ្លងរាលដាលធ្ងន់ធ្ងរនៃជំងឺកូវីដ១៩ក្នុងសហគមន៍។ តំបន់លឿងទុំ សំដៅដល់ភូមិសាស្ត្រដែលមានការឆ្លងរាលដាលកម្រិតមធ្យមនៃជំងឺកូវីដ១៩ ក្នុងសហគមន៍ និងតំបន់ពណ៌លឿង សំដៅដល់ភូមិសាស្ត្រដែលមានការឆ្លងរាលដាលកម្រិតស្រាលនៃជំងឺកូវីដ១៩ក្នុងសហគមន៍៕
