The Phnom Penh Post Search

Search form




Logo of Phnom Penh Post newspaper Phnom Penh Post - សាលា​ក្តី​តែងតាំង​សហ​មេធាវី​ក្នុង​សំណុំ​រឿង ០០៤

សាលា​ក្តី​តែងតាំង​សហ​មេធាវី​ក្នុង​សំណុំ​រឿង ០០៤

សាលា​ក្តី​តែងតាំង​សហ​មេធាវី​ក្នុង​សំណុំ​រឿង ០០៤

ភ្នំពេញៈ តុលាការ​បាន​ប្រកាស​កាល​ពី​ម្សិលមិញ​ថា អង្គភាព​គាំពារ​ការពារ​ក្តី នៅ​សាលា​ក្តី​ខ្មែរ​ក្រហម បាន​តែង​តាំង​សហ​មេធាវី​កម្ពុជា ឲ្យ​តំណាង​ជន​សង្ស័យ​ពីរ​រូប​នៅ​ក្នុង​សំណុំ​រឿង ០០៤។

ដោយ​ទទួល​រង​នូវ​ការ​ជំទាស់​ដោយ​បើក​ចំហ ពី​រដ្ឋាភិបាល សំណុំ​រឿង ០០៣ និង ០០៤ (ដែល​ពាក់​ព័ន្ធ​នឹង​ជន​សង្ស័យ ៥ នាក់ និង​ឧក្រិដ្ឋកម្ម​ដែល​រួម​បញ្ចូល​អំពើ​ប្រល័យ​ពូជ​សាសន៍ ការ​ធ្វើ​វិសុទ្ធកម្ម និង​ការ​បង្ខំ​ឲ្យ​ធ្វើ​ការ​ជា​ទម្ងន់) កំពុង​តែ​ដំណើរការ​ចាប់​តាំង​ពី​ឆ្នាំ ២០០៩ ហើយ​បាន​ធ្វើ​ឲ្យ​មាន​ភាព​ចម្រូង​ចម្រាស​ជាច្រើន​ដោយ​សារ​តែ​ចៅក្រម​ស៊ើប​អង្កេត​កម្ពុជា​ស្ទាក់​ស្ទើរ​ក្នុង​ការ​ចាត់​ការ​សំណុំ​រឿង​នេះ។ យោង​តាម​សេចក្តី​ថ្លែង​របស់​តុលាការ ឲ្យ​ដឹង​ថា មេធាវី ប៊ិត សៀងលីម និង​មេធាវី សូ មូសសេនី ត្រូវ​បាន​ចាត់​តាំង​ឲ្យ​ការពារ​ជន​សង្ស័យ ២ នាក់ ដែល​អត្ត​សញ្ញាណ​ពួក​គេ​នៅ​តែ​ជា​ការ​សម្ងាត់​នៅ​ឡើយ។

លោក ឡុង បញ្ញាវុធ មន្រ្តី​កម្មវិធី​នៅ​អង្គការ​គំនិត​ផ្តួច​ផ្តើម​យុតិ្តធម៌​កម្ពុជា​ថ្លែង​ថា ការ​តែង​តាំង​មេធាវី​គឺ «មាន​សារៈ​សំខាន់» ប៉ុន្តែ លោក​បាន​ស្នើ​តុលាការ​ចេញ​ផ្សាយ​ព័ត៌មាន​បន្ថែម​ទៀត អំពី​រឿង​ក្តី ដល់​សាធារណៈជន រាប់​ទាំង​ឋានៈ​នៃ​ការ​ស៊ើប​អង្កេត អត្ត​សញ្ញាណ​ជន​សង្ស័យ។ «សាធារណជន​មាន​សិទិ្ធ​ដឹង​ថា តើ​សំណុំ​រឿង​ទាំង​នេះ​ដល់​ណា​ពេល​នេះ។ ពុំ​មាន​កម្មវិធី​ផ្សព្វ​ផ្សាយ ដើម្បី​ឲ្យ​មាន​ការ​ចូល​រួម​ពី​ជន​រងគ្រោះ​ក្នុង​សំណុំ​រឿង ០០៣ និង ០០៤ ទេ»។

លោក​បន្ថែម​ថា ប្រសិន​បើ​មេធាវី​ដែល​បាន​តែង​តាំង​ត្រូវ​បាន​ទទួល​ស្គាល់​ក្រោយ​មក​ដោយ​សហ​ចៅក្រម​ស៊ើប​អង្កេត នោះ​វា​សំខាន់​ដែល​គេ​និង​ជន​សង្ស័យ ត្រូវ​ទទួល​បាន​លទ្ធភាព​ពិនិត្យ​សំណុំ​រឿង​ដើម្បី​ធានា​សមភាព។

លោក Lars Olsen អ្នក​នាំ​ពាក្យ​សាលា​ក្ដី បាន​បញ្ជាក់​កាល​ពី​ម្សិលមិញ​ថា ជន​សង្ស័យ ៤ នាក់​ក្នុង​សំណុំ​រឿង ០០៣ និង ០០៤ បាន​ទទួល​ការ​តែង​តាំង​មេធាវី​រួច​ហើយ។

លោក សូ ម៉េត ជន​សង្ស័យ​ក្នុង​សំណុំ​រឿង ០០៣ ដែល​បាន​ស្លាប់​កាល​ពី​ខែ កក្កដា ពុំ​ដែល​មាន​មេធាវី​ទេ៕ TK

អត្ថបទគួរចាប់អារម្មណ៍