ភ្នំពេញៈ គណៈកម្មាធិការ​រៀបចំ​បុណ្យ​ជាតិ​និង​អន្តរជាតិ បាន​ប្រាប់​ឲ្យ​សាលា​រាជធានី​ចាប់​ផ្តើម​រៀបចំ​ទី​កន្លែង​តាម​បណ្តោយ​មាត់​ទន្លេ សម្រាប់​ពិធី​បុណ្យ​អុំទូក​នៅ ខែ​វិច្ឆិកា ដោយ​បញ្ជាក់​ថា នឹង​មាន​វិធានការ​តឹងរ៉ឹង​ថែម​ទៀត​នៅ​ឆ្នាំ​នេះ ដើម្បី​ចៀស​វាង​កុំ​ឲ្យ​កើត​មាន​ព្រឹត្តិការណ៍ ដូច​កាល​ពី ឆ្នាំ​២០១០ ដែល​ហេតុ​ការណ៍​ជាន់​គ្នា​បាន​សម្លាប់​មនុស្ស ៣៥៣ នាក់។ ចាប់​តាំង​ពី​ពេល​នោះ​មក ពិធី​បុណ្យ​អុំទូក​ប្រចាំ​ឆ្នាំ ពុំ​ដែល​ត្រូវ​បាន​រៀបចំ​ឡើង​ទេ។