The Phnom Penh Post Search

Search form




Logo of Phnom Penh Post newspaper Phnom Penh Post - សាលា​រាជធានី​អំពាវនាវ​ឲ្យ​ប្រយ័ត្ន​អគ្គិភ័យ​ក្នុង​ពិធី​បុណ្យ​អុំ​ទូក

សាលា​រាជធានី​អំពាវនាវ​ឲ្យ​ប្រយ័ត្ន​អគ្គិភ័យ​ក្នុង​ពិធី​បុណ្យ​អុំ​ទូក

សាលា​រាជធានី​អំពាវនាវ​ឲ្យ​ប្រយ័ត្ន​អគ្គិភ័យ​ក្នុង​ពិធី​បុណ្យ​អុំ​ទូក

ភ្នំពេញៈ សាលា​រាជធានី​ភ្នំពេញ បាន​ណែនាំ​ឲ្យ​ប្រជា​ពលរដ្ឋ​បង្ការ​និង​ទប់​ស្កាត់​កុំ​ឲ្យ​កើត​មាន​អគ្គិភ័យ​ក្នុង​ព្រះ​រាជ​ពិធី​បុណ្យ​អុំទូក បណ្តែត​ប្រទីប និង​សំពះ​ព្រះ​ខែ អក​អំបុក រយៈ​ពេល ៣​ថ្ងៃ ចាប់​ពី​ថ្ងៃ ទី៥ ដល់ ទី៧ ខែ​វិច្ឆិកា។

តាម​សេចក្តី​ជូន​ដំណឹង​ចុះ​ថ្ងៃ ទី៣ ខែ​វិច្ឆិកា សាលា​ក្រុង​បាន​អំពាវនាវ​ដល់​ពលរដ្ឋ​ក្នុង​រាជធានី​ឲ្យ​បង្កើន​ការ​ប្រុង​ប្រយ័ត្ន ចៀស​វាង​បង្ក​ឲ្យ​មាន​អគ្គិភ័យ កើត​ឡើង​ជាយថាហេតុ​នាំ​ឲ្យ​ខូច​ខាត​ទ្រព្យ​សម្បត្តិ និង​អាយុ​ជីវិត​ដើម្បី​រក្សា​សន្តិសុខ​សុវត្ថិភាព​និង​សណ្តាប់​ធ្នាប់​សង្គម។

ក្នុង​សន្និសីទ​កាសែត​ពី​ថ្ងៃ ទី២ វិច្ឆិកា អ្នក​នាំ​ពាក្យ​អគ្គ​ស្នងការ​នគរបាល​ជាតិ លោក គៀត ច័ន្ទថារិទ្ធិ ថ្លែង​ថា ក្រោយ​លទ្ធផល​នៃ​ការ​ប្រជុំ​ជាង ១០ លើក​ជាមួយ​នឹង​កង​រាជ​អាវុធហត្ថ​បញ្ជាការ​ដ្ឋាន​អង្គរក្ស ក្រសួង​សុខាភិបាល ស៊ីម៉ាក់ និង​អាជ្ញាធរ​ដែនដី តំបន់​គោល​ដៅ​ត្រូវ​កំណត់​ជា​បី។ តំបន់​ការពារ A គឺ​នៅ​ជុំវិញ​បរិវេណ​វត្ត​ភ្នំ រហូត​ដល់​កោះ​ពេជ្រ មាន​សមត្ថកិច្ច ៩ ពាន់​នាក់ ដោយ​មិន​រាប់​តំបន់​ការពារ B និង C ឡើយ។

លោក​បន្ត​ថា ចំណុច A នេះ គឺ​ត្រូវ​បិទ​ចរាចណ៍​ចាប់​ពី​ម៉ោង ១០ ព្រឹក​ដល់​ម៉ោង ១១ ឬ ១២ យប់។ ទី​បញ្ជាការ​សម្រាប់​ពលរដ្ឋ​ស្នើ​អន្តរាគមន៍​មាន ៨ កន្លែង​រួម​មាន ក្បែរ​វាល​ព្រះមេរុ ព្រះ​អង្គ​ដងកើ វត្ត​បទុម ប៉ុស្តិ៍​នគរបាល​ចតុមុខ កែង​មជ្ឈ​មណ្ឌល​ភ្នំពេញ ស្ពាន​ភ្លោះ​កោះ​ពេជ្រ ជិត​ព្រះ​គម្លង់ និង​ខាង​លិច​សាលា​សាគូរ៉ា។ រថយន្ត​សង្គ្រោះ ២៧ គ្រឿង និង​តង់​គិលាន​សង្គ្រោះ ៩ ក៏​ត្រៀម​ទុក​ដែរ៕

អត្ថបទគួរចាប់អារម្មណ៍