The Phnom Penh Post Search

Search form




Logo of Phnom Penh Post newspaper Phnom Penh Post - សិទ្ធិ​មនុស្ស UN ឲ្យ​កម្ពុជា​គោរព​កាតព្វកិច្ច

សិទ្ធិ​មនុស្ស UN ឲ្យ​កម្ពុជា​គោរព​កាតព្វកិច្ច

Content image - Phnom Penh Post
ជន​ជាតិ​ម៉ុង​តាញ៉ា ពេល​ផ្ដល់​បទសម្ភាសដល់​កាសែត​ភ្នំពេញ ប៉ុស្ដិ៍​ កាលពីសប្ដាហ៍​មុន។ ហុង មិនា

សិទ្ធិ​មនុស្ស UN ឲ្យ​កម្ពុជា​គោរព​កាតព្វកិច្ច

ភ្នំពេញៈ ទី​ភ្នាក់​ងារ​សិទិ្ធ​មនុស្ស​អង្គការ​សហប្រជាជាតិ​នៅ​ទីក្រុង​ ហ្សឺណែវ បាន​ជំរុញ​កម្ពុជា​គោរព​តាម​កាតព្វ​កិច្ច​របស់​ខ្លួន ដោយ​មិន​ត្រូវ​បញ្ជូន​ជន​ភៀស​ខ្លួន​ ម៉ុងតាញ៉ា ​ចំនួន​ ១៣ ​នាក់​ទាំង​បង្ខំ​ទៅ​វៀតណាម​វិញ​ឡើយ​ ហើយ​ចុះ​​បញ្ជី​ពាក្យ​ស្នើ​សុំ​​អ្នក​ស្នើ​សុំ​សិទិ្ធ​ជ្រក​កោន​រាប់​រយ​នាក់​បន្ថែម​ទៀត ដែល​កំពុង​រស់​នៅ​ក្នុង​ភាព​មិន​ច្បាស់​លាស់​នៅ​ភ្នំពេញ។

កាល​ពី​សប្តាហ៍​មុន ​រដ្ឋាភិបាល​កម្ពុជា​បាន​ប្រកាស​ថា ខ្លួន​នឹង​ពន្យារ​ថ្ងៃ​កំណត់​សម្រាប់​សមាជិក​នៃ​ក្រុម​ជន​ភាគ​តិច​កាន់​សាសនា​ គ្រិស្ត ពី​តំបន់​ខ្ពង់រាប​កណ្តាល​​របស់​វៀតណាម ដែល​បាន​ឆ្លង​កាត់​ព្រំដែន​ចូល​មក​កម្ពុជា​កាល​ពី​ឆ្នាំ​មុន​ ដោយ​លើក​មូល​ហេតុ​ថា ដោយ​សារ​តែ​ការ​យាយី​ខាង​សាសនា និង​នយោបាយ។

ក្នុង​សេច​ក្តី​ថ្លែង​ការណ៍​​មួយ​កាល​ពី​ថ្ងៃ​សុក្រ ​​ការិ​យា​ល័យ​ឧត្តម​ស្នង​ការ​​​អង្គការ​សហប្រជាជាតិ​ទទួល​បន្ទុក​​សិទិ្ធ​មនុស្ស​បាន​កត់​សម្គាល់​ថា ការ​បញ្ជូន​អ្នក​ទាំង ១៣ ទាំង​បង្ខំ​ ដែល​ពួក​គេ​មាន​រយៈពេល​​រហូត​ដល់​ថ្ងៃ​ទី ១០ ខែ​មករា​ដើម្បី​ទៅ​រស់​នៅ​ក្នុង​ប្រទេស​ទីបី «គឺជា​ការ​រំលោភ​កាតព្វ​កិច្ច​របស់​ខ្លួន»។

សេចក្តី​ថ្លែង​ការណ៍​នោះ​បាន​ឲ្យ​ដឹង​ថា៖ «​ជា​រដ្ឋភាគី​នៃ​អនុសញ្ញា​ជន​ភៀស​ខ្លួន និង​អនុសញ្ញា​ប្រឆាំង​ការ​ធ្វើ​ទារុណ​កម្ម ​និង​ជា​ប្រទេស​ដែល​ប្រ​កាន់​ខ្ជាប់​នូវ​តម្លៃ​ជា​សកល​ដែល​បាន​ដាក់​ចេញ​ក្នុង​សេច​ក្តី​ប្រកាស​ជា​សកល​ស្តីពី​សិទិ្ធ​មនុស្ស​ កម្ពុជា​មាន​កា​តព្វ​កិច្ច​មិន​ត្រូវ​បញ្ជូន​ជន​ភៀ​ស​ខ្លួន​ទៅ​ប្រទេស ដែល​ពួកគេ​អាច​​ទទួល​រង​ការ​រំលោភ​សិទិ្ធ​មនុស្ស​ធ្ងន់ធ្ងរ​ឡើយ»។

លោក ខៀវ សុភ័គ អ្នក​នាំ​ពាក្យ​ក្រសួង​មហាផ្ទៃ បាន​ថ្លែង​កាល​ពី​ម្សិល​មិញ​ថា លោក​មាន​ទំនុក​ចិត្ត​ថា ​ជម្រើស​តាំង​លំនៅ​ថ្មី​នឹង​រក​ឃើញ។ នៅ​ពេល​សួរ​​ថា​តើ​នឹង​មាន​អ្វី​កើត​ឡើង​ចំពោះ​អ្នក​ទាំង ១៣ បើ​ដល់​ថ្ងៃ​កំណត់​​ លោក​បាន​ឆ្លើយ​ថា លោក​មិន​ដឹង​ទេ។

អំពី​អ្នក​ស្នើ​សុំ​សិទិ្ធ​ជ្រក​កោន​ជាង ២០០ នាក់​ទៀត ការិយា​ល័យ​ឧត្តម​ស្នង​ការ​បានឲុ្យ​ដឹង​ថា​ ការិយា​ល័យ​សង្ឃឹម​ថា ថ្ងៃ​កំណត់​​ទី ៦ ខែ​កុម្ភៈ​ ដែល​បាន​ពន្យារ​ពេល​នោះ សម្រាប់​ពួកគេ​វិល​ទៅ​វិញ​ដោយ​ស្ម័គ្រ​ចិត្ត ឬ​ក៏​នឹង​ត្រូវ​បង្ខំ​​ទៅ​វិញ ​នឹង​​ផ្តល់​ពេល​វេលា​ដល់​រដ្ឋាភិបាល​ពិចារណា​ឡើង​វិញ​លើ​សំណើ​របស់​ពួក​គេ​ អនុ​លោម​តាម​បទ​ដ្ឋាន​អន្តរជាតិ។

ការិយា​ល័យ​បន្ថែម​ថា រដ្ឋាភិបាល​​មិន​គួរ​​រំលោភ​លើ​កាតព្វកិច្ច​របស់​ខ្លួន​ទេ​ ចំពោះ​អ្នក​ស្នើ​សុំ​សិទិ្ធ​ជ្រកកោន​ដោយ​គ្មាន​ការ​ពិចារណា​លើ​ពាក្យ​​ស្នើ​សុំ​នី​មួយៗ​ដែល​ជា​សិទិ្ធ​របស់​ពួកគេ។ TK

អត្ថបទគួរចាប់អារម្មណ៍