The Phnom Penh Post Search

Search form

Logo of Phnom Penh Post newspaper Phnom Penh Post - សិស្ស​លោក កែម ឡី ប្ដេជ្ញា​ចិត្ត​បន្ត​ការងារ​របស់​លោក​ទៅ​មុខ​ទៀត




សិស្ស​លោក កែម ឡី ប្ដេជ្ញា​ចិត្ត​បន្ត​ការងារ​របស់​លោក​ទៅ​មុខ​ទៀត

Content image - Phnom Penh Post
លោក មាស នី ថ្លែងក្នុងសន្និសីទកាសែត​អំពី​បុណ្យ​សព​លោក កែម ឡី​ជាមួយ​ក្រុម​អ្នក​វិភាគ​វ័យ​ក្មេង កាល​ពី​ចុង​សប្តាហ៍។

សិស្ស​លោក កែម ឡី ប្ដេជ្ញា​ចិត្ត​បន្ត​ការងារ​របស់​លោក​ទៅ​មុខ​ទៀត

ភ្នំពេញៈ ក្រុម​អ្នក​វិភាគ​នយោបាយ​វ័យ​ក្មេង និង​កូន​សិស្ស​របស់​លោក កែម ឡី ដែល​ជា​អតីត​អ្នក​វិភាគ​នយោបាយ​ដែល​ត្រូវ​បាន​គេ​សម្លាប់​កាលពី​សប្តាហ៍​មុន​បាន​ប្តេជ្ញា​ចិត្ត​នឹង​បន្ត​ការងារ​របស់​លោក​តទៅ​ទៀត។

ក្រុម​អ្នក​វិភាគ​នយោបាយ​វ័យក្មេង​បាន​ជួប​ប្រជុំ​គ្នា​កាលពី​ថ្ងៃ​សៅរ៍​ដោយ​បាន​ស្លៀកពាក់​ពណ៌​ស និង​ខ្មៅ​ជាមួយ​នឹង​បូ​ខ្ទាស់​កាន់​ទុក្ខ​ជាប់​នឹង​អាវ​បាន​ឱ្យ​ដឹង​ថា​ពួកគេ​នឹង​មិន​ត្រូវ​បាន​រារាំង និង​ភ័យខ្លាច​ដោយ​អំពើ​ហិង្សា​ដែល​ប្រឆាំង​នឹង​រដ្ឋាភិបាល និង​ការ​រិះគន់​របស់​គណបក្ស​ប្រឆាំង​នោះ​ទេ។

ប្រធាន​អ្នក​វិភាគ​នយោបាយ​វ័យ​ក្មេង​លោក ហង្ស វីទូ បាន​និយាយ​ថា៖ «ពួកយើង​ចាត់​ទុក​លោក​បណ្ឌិត​ កែម ឡី ជា​វីរបុរស​នៃ​សេរីភាព និង​ការ​បញ្ចេញ​មតិ​នៅ​ក្នុង​ប្រទេស​កម្ពុជា»។

«ការ​ធ្វើ​ឃាត​បញ្ញាវន្ត​នយោបាយ សកម្មជន​បរិស្ថាន​ក៏​ដូចជា​ការ​ប្រឆាំង​នឹង​លោក កែម ឡី ទាំងអស់​នេះ​គឺជា​ការ​គំរាម​កំហែង​លទ្ធិ​ប្រជាធិបតេយ្យ​ដ៏ធំ​បំផុត​នៅ​ក្នុង​ប្រទេស​កម្ពុជា»។

អ្នក​វិភាគ​វ័យក្មេង​ទាំង​នោះ​បាន​សន្យា​ថា​ពួកគេ​នឹង​ដើរ​តាម​បេសកកម្ម​របស់​លោក កែម ឡី ពួកគេ​នឹង​ធ្វើការ​វិភាគ​លើ​បញ្ហា​សង្គម​ដោយ​សន្យា​ថា​នឹង​មិន​យក​ចំណេះដឹង​របស់​ពួកគេ​ដូរ​យក​លុយ​នោះ​ទេ​ហើយ​នឹង​មិន​បញ្ឈប់​ការ​និយាយ​រិះគន់​ហើយ​នឹង​មិន​មាន​ការ​ភ័យខ្លាច​ឡើយ។

ពួកគេ​ថ្លែង​ថា៖ «យើង​នឹង​ជូត​ទឹកភ្នែក​របស់​យើង​ចេញ និង​ធ្វើ​ដំណើរ​ទៅ​មុខ​ទៀត»។

ក្រុម​នេះ​មាន​សមាជិក​ប្រមាណ ៥០ នាក់​ចូលរួម​ជាមួយ​សមាគម Khmer Student Intelligent League Association ដែល​បាន​ចូលរួម​ដោយ​លោក​បណ្ឌិត មាស នី ដែល​ជា​អ្នក​វិភាគ​នយោបាយ​មួយ​រូប​ដែល​បាន​ធ្វើ​បទ​បង្ហាញ​រួម​ជាមួយ​លោក កែម ឡី ​ក្នុង​កម្មវិធី​វិទ្យុ​ចុងក្រោយ​របស់​គាត់​ដែល​បាន​បង្ហាញ​ពី​របាយការណ៍​របស់​អង្គការ Global Witness ពី​អាជីវកម្ម​របស់​ក្រុម​គ្រួសារ​លោក​នាយក​រដ្ឋមន្រ្តី ហ៊ុន សែន។

លោក នីថា លោក​មិន​ដែល​បាន​ឃើញ​ការ​បង្ហាញ​ពី​ទុក្ខសោក​របស់​សាធារណជន​ខ្លាំងក្លា​ដូច​គេ​បាន​ធ្វើ​ចំពោះ​លោក កែម ឡី ទេ​ក្រៅពី​សាធារណជន​ធ្លាប់​បាន​បង្ហាញ​ចំពោះ​ព្រះបាទ​នរោត្តមសីហនុ។

លោក​បន្ត​ថា៖ «គាត់​គ្រាន់​តែ​ជា​មនុស្ស​សាមញ្ញ​ម្នាក់​ប៉ុណ្ណោះ គាត់​មិនមែន​ជា​ស្ដេច​ទេ»។ «អ្នក​ដឹកនាំ​តែង​ប្រើ​យុទ្ធសាស្រ្ត​សម្លាប់​មួយ​ដើម្បី​គំរាម​ដល់​មនុស្ស​ជាច្រើន​ទៀត»។

ក្រុម​អ្នក​វិភាគ​វ័យក្មេង​ទាំង​នេះ​នឹង​រួម​គ្នា​ដោះស្រាយ​ដោយ​ការ​ប្រមូល និង​ចងក្រង​ឯកសារ​ផ្សេងៗ​ និង​ធ្វើការ​ស្រាវជ្រាវ៕

Erin Handley

អត្ថបទគួរចាប់អារម្មណ៍