The Phnom Penh Post Search

Search form




Logo of Phnom Penh Post newspaper Phnom Penh Post - សុនខបោសសំអាតមីន ១០ ក្បាលត្រូវបានបញ្ជូនមកកម្ពុជា

សុនខបោសសំអាតមីន ១០ ក្បាលត្រូវបានបញ្ជូនមកកម្ពុជា

Content image - Phnom Penh Post
CMAC ​ទទួលបានឆ្កែហិតមីនថ្មី ១០ក្បាលពីប្រទេស Bosnia។ ហេង ជីវ័ន

សុនខបោសសំអាតមីន ១០ ក្បាលត្រូវបានបញ្ជូនមកកម្ពុជា

ភ្នំពេញៈ សុនខ​ពូជ Malenor ១០ ក្បាល​មាន​ដើម​កំណើត​ពី​ប្រទេស ប្នូនីស ត្រូវ​បាន​បញ្ជូន​ពី​ប្រទេស​អាល្លឺម៉ង់​មក​កាន់​ព្រលាន​យន្តហោះ​អន្តរជាតិ​ភ្នំពេញ​កាលពី​ល្ងាច​​ថ្ងៃ​សុក្រ​នេះ ​ដើម្បី​ទទួល​ការ​ហ្វឹកហ្វឺន និង​ប្រើប្រាស់​ក្នុង​កិច្ចការ​បោស​សំអាត​មីន​នៅ​កម្ពុជា។

ប្រធាន​គម្រោង​កម្មវិធី​សុនខ​នៃ​មជ្ឈមណ្ឌល​សកម្មភាព​កម្ចាត់​មីន​កម្ពុជា​ លោក ប្រាក់ សុម៉ាធី បាន​ថ្លែង​ថា​ សុនខពូជ Malenor ទាំង ១០ ក្បាល​នេះ​ត្រូវ​បាន​ផ្តល់​មក​កម្ពុជា​ដោយ​អង្គការ NPA (Norwegian People Aid) មាន​អាយុ​ពី ១ ឆ្នាំ​ទៅ ២ ឆ្នាំ និង​បាន​ធ្លាប់​ឆ្លងកាត់​វគ្គ​បណ្តុះបណ្តាល​បាន​ខ្លះ​ហើយ​នៅ​ប្រទេស ប្នូនីស​ ដែល​ជា​ប្រទេស​កំណើត​របស់​ពួកវា ​ប៉ុន្តែ​លោក​ថា​ ​ដើម្បី​បង្កើត​សមត្ថភាព និង​តម្រង់​ទិញ​របស់​សុនខ​ទាំង​នេះ​មន្ត្រី​ជំនាញ​កម្ពុជា​នឹង​ធ្វើការ​ហ្វឹកហ្វឺន​ពួកគេ​ទាំងនោះ​បន្ថែម​ទៀត​មុន​នឹង​ប្រើប្រាស់។

លោក ប្រាក់ សុម៉ាធី បាន​បញ្ជាក់​ថា៖ «តួនាទី​របស់​សុនខ​មាន​បី​ប្រភេទៈ គឺ​សុនខ​ហិត​មីន សុនខ​ ហិត​រក​គ្រាប់ និង​សុនខ​ ការពារ​សន្តិសុខ​។ ចំពោះ​សុនខ​ទាំង ១០ ក្បាល​បន្ទាប់ពី​ការ​ហ្វឹកហ្វឺន​គឺ​មន្ត្រី​ជំនាញ និង​តម្រង់​ទិញ​របស់​ពួកគាត់​តាម​ទេពកោសល្យ​ទៅ​កាន់​ផ្នែក​នីមួយៗ​ខាង​លើ​នេះ»។

បើ​តាម​​ លោក សុម៉ាធី បច្ចុប្បន្ន​នេះ ​មជ្ឈមណ្ឌល​សកម្មភាព​កម្ចាត់​មីន​កម្ពុជា​មាន​សុនខ ១៤ ក្រុម​ដែល​មាន ៣៤ ក្បាល​ហើយ​ក្នុង​នោះ ១២ ក្បាល​នឹង​ចូល​និវត្តន៍​ឆាប់ៗ​នេះ​ដែល​ទាមទារ​ឲ្យ​សុនខ​ថ្មី​ទាំង ១០ ក្បាល​នេះ​ត្រូវ​ចូល​បំពេញ​ការងារ​ជំនួស។

លោក​ថា៖ «សុខន​ដែល​ចូល​ដល់​អាយុ ៨ ឬ ៩ ច្រើន​គឺ​នឹង​ត្រូវ​ពិនិត្យ​ពី​សមត្ថភាព​ការងារ​ថា ​អាច​បន្ត​ត្រូវ​ដាក់​ឲ្យ​ចូលនិវត្តន៍។ តាម​ការ​អនុវត្ត​កន្លង​មក​គឺ​យើង​ប្រើប្រាស់​សុនខ​ហិត​មីន និង​គ្រាប់​មិន​ទាន់​ផ្ទុះ​ក្នុង​កម្រិត​ដង់ស៊ីតេ​តំបន់​ដែល​មាន​មីន​តិចតួច​តែ​បើ​មាន​មីន ឬ​គ្រាប់​ច្រើន​គឺ​យើង​ប្រើប្រាស់​ម៉ាស៊ីន»។

លោក ប្រាក់ សុម៉ាធី បាន​ឲ្យ​ដឹង​ដែរ​ថា ​គិត​ចាប់​ពី​ឆ្នាំ ១៩៩៦ រហូត​មក​ទល់​បច្ចុប្បន្ន​នេះ ​កម្ពុជា​បាន​ប្រើប្រាស់​សុនខ​ចំនួន ១៩៩ ក្បាល​ហើយ​ក្នុង​កិច្ចការ​បោស​សំអាត​មីន និង​យុទ្ធភ័ណ្ឌ​មិន​ទាន់​ផ្ទុះ។ សុនខ​ទាំង​ពីរ​មាន​កំណើត​មកពី​ប្រទេស​ស៊ុយអែត ហូឡង់ អាល្លឺម៉ង់ ថៃ និង ប្នូនីស ជាដើម។

អត្ថបទគួរចាប់អារម្មណ៍