.jpg)
ស្រ្តីពពោះជំនួសមានទម្ងន់៥ខែ ដែលត្រូវមានច្បាប់សម្រាប់គ្រប់គ្រងសេវ។ Eliah Lillis ហុង មិនា
ភ្នំពេញៈ សេចក្ដីព្រាងច្បាប់ ពាក់ព័ន្ធនឹងការគ្រប់គ្រងសេវាពពោះជំនួស ដែលរដ្ឋាភិបាលចាប់ផ្តើមពិគ្រោះកាលពីដើមឆ្នាំ ២០១៧ ត្រូវបានពន្យារពេលដាក់ឆ្លងទៅគណៈរដ្ឋមន្រ្តី ដើម្បីសិក្សាឲ្យកាន់តែលម្អិតបន្ថែមទៀត។ នេះបើតាមការបញ្ជាក់របស់រដ្ឋមន្ត្រីនិងមន្ត្រីជាន់ខ្ពស់របស់ក្រសួងមហាផ្ទៃ។
លោក ស ខេង រដ្ឋមន្ត្រីក្រសួងមហាផ្ទៃ និងជាប្រធានអចិន្ត្រៃយ៍នៃគណៈកម្មាធិការជាតិបង្ក្រាបការជួញដូរមនុស្ស និងផ្លូវភេទលើស្ត្រី និងកុមារ នៅក្នុងពិធីផ្សព្វផ្សាយរបាយការណ៍ឆ្នាំ២០១៧ និងលើកទិសដៅឆ្នាំ២០១៨ របស់គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស នៅថ្ងៃទី២២ ខែឧសភា ឆ្នាំ២០១៨ ថ្លែងថា ការតាក់តែងសេចក្ដីព្រាងច្បាប់ស្ដីពីការគ្រប់គ្រងសេវាពពោះកូនជំនួសនេះ ធ្វើឡើងក្រោយពីអាជ្ញាធរបានចាប់ខ្លួនស្ត្រីជនជាតិអូស្ត្រាលីម្នាក់ និងពលរដ្ឋខ្មែរ២នាក់កាលពីឆ្នាំ២០១៦ ដោយចោទពីបទ ធ្វើជាអន្តរការីរវាងអ្នកសុំ ហើយនិងស្ត្រីពពោះ និងសុំឲ្យផ្ដល់ឯកសារដោយទុច្ចរិត ក្រោយពួកគេបានផ្ដល់សេវានេះ។
លោក ថ្លែងថា៖«ខ្ញុំចង់បញ្ចាក់ថាទាក់ទងនឹងការពពោះជំនួសនេះជាបញ្ហាមួយដ៍ស្មុកស្មាញដែលយើងបានព្រៀងនៅច្បាប់មួយក៍ប៉ុន្តែច្បាប់នេះប្រហែលជាពុំទាន់អាចនឹងយកទៅប្រើប្រាស់ឫក៍យកទៅឆ្លងរដ្ឋាភិបាលឫរដ្ឋសភាបាននៅឡើយបានទេដោយសារតែថាត្រូវការគិតគូរវែងឆ្ងាយថែមទៀតនិងដោយសារវាមិនមែនបញ្ហាសាមញ្ញនិងវាជាបញ្ហាថ្មីថ្មោងរបស់កម្ពុជា។យើងត្រូវការពេលវាលាបន្ថែមដើម្បីនឹងរៀនសូត្របទពិសោធឫទស្សនៈថ្មីៗ ទាក់ទងការរៀបចំច្បាប់នេះ»។
លោក អះអាងទៀតថា៖«ថ្មីៗនេះក៍មានលេចចេញនៅបទល្មើសជួញដូរនៅសេរីរាង្គ បទអន្តរការរីនៃអំពើរ ពពោះជំនួសដើម្បីនាំយកទារកទៅក្រៅប្រទេសដែលជាសញ្ញាថ្មីពាក់ព័ន្ធបទល្មើសជួញដូរមនុស្សឆ្លងដែន។រាជរដ្ឋាភិបាលបានយកចិត្តទុកដាក់ដោះស្រាយនិងធ្វើបង្ការទប់ស្កាត់ទាន់ពេលវេលាក្នុងគោលបំណងការពារស្រ្តីនិងទារកដែលជាកម្មវត្ថុនៃអំពើរជួញដូរ… ក្នុងពេលដែលពុំទាន់មានច្បាប់នេះយើងអនុវត្តនៅលិខិតប្រទាក់ថាននិងគោលការណ៍ទាំងឡាយដែលយើងបាននឹងកំពុងអនុវត្តសព្វថ្ងៃនេះ»។
អ្នកស្រី ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍នៃគណៈកម្មាធិការជាតិបង្ក្រាបការជួញដូរមនុស្ស និងផ្លូវភេទលើស្ត្រី និងកុមារ ថ្លែងប្រាប់អ្នកសារព័ត៌មាន ផងដែរថាការសម្រេចពន្យារការអនុម័តច្បាប់ពាក់ព័ន្ធនឹងការគ្រប់គ្រងសេវាពរពោះជំនួសនេះ ធ្វើឡើងដោយសារមានបញ្ហាមិនច្បាស់លាស់ជាច្រើនពាក់ព័ន្ធច្បាប់របស់កម្ពុជាមួយចំនួនដែលកំពុងនៅជាធរមាន ពាក់ព័ន្ធនឹងការពរពោះ សញ្ជាតិ ការនាំក្មេងចេញទៅក្រៅប្រទេស ព្រមទាំងភាពទុច្ចរិតនៃការជួញដូរមនុស្សជាដើម។
លោកស្រីបានថ្លែងថា៖«យើងត្រូវការសិក្សាឲ្យបានល្អ ពីព្រោះនេះគឺជាលើកទី១ ដែលពាក់ព័ន្ធដល់កម្ពុជា អញ្ចឹងយើងគួររៀនសូត្រពីប្រទេសទាំងឡាយដែលគេបាននិងកំពុងតែធ្វើនៅក្នុងពិភពលោក។ ពីព្រោះច្បាប់តែកាលណាដាក់ចេញទៅហើយ យើងពិបាកត្រឡប់ក្រោយណាស់ អញ្ចឹងហើយបានជាសម្តេច [ស ខេង] លោកសំណូមពរថាសូមឲ្យពន្យារការដាក់ទៅគណៈរដ្ឋមន្រ្តី និងសភា ដើម្បីពិនិត្យឲ្យអស់ គ្រប់ជ្រុងជ្រោយ ជៀសវាងយើងធ្វើទៅហើយយើងពិបាកត្រឡប់ក្រោយវិញ» ។ «យើងឃើញថាច្បាប់នេះត្រូវបានព្រៀងហើយក៍ត្រូវបានដាក់ឆ្លងនៅអន្តរក្រសួងម្តង ហើយគឺនៅក្នុងក្រុមការងារ។ហើយយើងឃើញថាចំណុចខ្វះចន្លោះខ្លះដែលដូចសម្តេចមានប្រសាសន៍ ថា យើងត្រូវការ សិក្សារឲ្យបានល្អ...យើងត្រូវគិតគូរឲ្យមែនទែនដោយសារនេះវាពាក់ព័ន្ធទៅនឹងអាយុជីវិត របស់ក្មេង»។
ទោះយ៉ាងណា អ្នកស្រីមិនបានបញ្ជាក់ថា ការពន្យារពេលអនុម័តច្បាប់នេះ នឹងត្រូវធ្វើឡើងរហូតដល់ពេលណានោះទេ។
លោកស្រី រស់ សុភាព នាយិកាអង្គការ យេនឌ័រ និងអភិវឌ្ឍន៍ដើម្បីកម្ពុជាបានអះអាងថា ដើម្បីធ្វើការសិក្សាស្រាវជ្រាវឲ្យបានច្បាប់លាស់គឺជាការល្អប្រសើរសម្រាប់ រដ្ឋាភិបាលមុននឹងរៀបចំធ្វើច្បាប់ និង តាក់តែងច្បាប់នេះតែត្រូវមានថេរៈវាលាឲ្យបានច្បាស់លាស់ដើម្បីចាត់ វិធានការឲ្យបានទាន់ពេលបើមិនដូច្នេះទេវាអាចផ្តល់ឪកាស់ដល់ជនដៃដល់ក្នុងការបំពានទៅលើស្ត្រីខ្មែនិង ត្រូវមានការចូលរួមពីអង្គការសង្គមស៊ីវិលដោយសង្គមស៊ីវិលបានធ្វើការងារនេះច្រើន។ ហើយនៅពេលណាមានការចូលរួមច្រើនពីសង្គមស៊ីវិលច្បាប់នោះនឹងបំរើផលប្រយោជន៍ប្រជាពលរដ្ឋបានល្អប្រសើរ។
លោកស្រី ថា៖«ច្បាប់មិនមានបញ្ហានោះទេប៉ុន្តែបញ្ហាគឺថាការអនុវត្តច្បាប់។តើការអនុវត្តច្បាប់ណ្ណឹងវាយ៉ាងម៉េចហើយប្រទេសយើង។កន្លងមកនៅស្រុកយើងការអនុវត្តច្បាប់មិនសូវបានល្អប្រសើរដោយអំពើរពុករលួយចេះតែកើតឡើងហើយមានការឃោខិតជាមួយមន្ត្រីដែលធ្វើការងារនេះ»។
លោកស្រីបានបន្ថែមការពពោះមិនល្អសម្រាប់ស្ត្រីខ្មែរទេដោយសារតែវាមានកេងប្រវាញទៅលើស្ត្រីខ្មែរហើយអះអាងថាការពពោះនេះមិនបានជួយជីវភាពរបស់ពួកគាត់ឲ្យមានលក្ខណៈល្អប្រសើរនិងអនុញាតិឲ្យមានការកេងប្រវាញនិងរំលោភបំពាន់សិទ្ធរបស់ស្ត្រី៕
