The Phnom Penh Post Search

Search form

Logo of Phnom Penh Post newspaper Phnom Penh Post - ស្ត្រី​ប្រធាន​អង្គការ​ម្នាក់​ត្រូវ​ដោះ​លែង​បន្ទាប់​ពី​ឃាត់​ខ្លួន​មួយ​ថ្ងៃ




ស្ត្រី​ប្រធាន​អង្គការ​ម្នាក់​ត្រូវ​ដោះ​លែង​បន្ទាប់​ពី​ឃាត់​ខ្លួន​មួយ​ថ្ងៃ

Content image - Phnom Penh Post
សមត្ថកិច្ច​កំពុង​សួរ​ចម្លើយ​ស្រ្តី​ប្រធាន​អង្គការ​កាលពី​ម្សិលមិញ​។ រូបថត សហការី

ស្ត្រី​ប្រធាន​អង្គការ​ម្នាក់​ត្រូវ​ដោះ​លែង​បន្ទាប់​ពី​ឃាត់​ខ្លួន​មួយ​ថ្ងៃ

ភ្នំពេញៈ ប្រធាន​អង្គការ​កុមារ ដែល​រងការ​ចោទ​​ប្រកាន់​ពី​ម្ចាស់​ជំនួយ​ថា បាន​ប្រើ​ហិង្សា​ និង​បង្អត់​អាហារ​​កុមារ​ ត្រូវ​បាន​ដោះ​លែង​វិញ​កាលពី​ល្ងាច​ថ្ងៃពុធ បន្ទាប់​ពី​សមត្ថកិច្ច​បាន​ឃាត់​ខ្លួន​សាកសួរ​មួយ​ថ្ងៃ ហើយ​រក​មិន​ឃើញ​​ភ័ស្តុតាង​ដាក់​បន្ទុក។

លោក ម៉ៅ សឿត អធិការ​រង​នគរបាល​ខណ្ឌ​ច្បារ​អំពៅ បាន​ឲ្យ​ដឹង​កាល​ពី​ម្សិលមិញ​ថា ដោយសារ​តែ​មន្ត្រី​ក្រសួង​សង្គម​កិច្ច ចុះ​មក​សង្គ្រោះ​ក្មេង​រងគ្រោះ​ដោយសារ​អំពើ​ហិង្សា​នគរបាល​គ្រាន់​តែ​សាកសួរ​ និង​បាន​ឲ្យ​ប្រធាន​អង្គការ​ «ផ្ទះ​ក្មេងៗ​របស់​កម្ពុជា»​ ឈ្មោះ សយ ស្រីអន អាយុ ២៣ ឆ្នាំ «ត្រឡប់​ទៅ​ផ្ទះ»​វិញ។

នគរបាល​ម្នាក់ទៀត ​សុំ​មិន​​បញ្ចេញ​ឈ្មោះ​ បាន​ឲ្យដឹង​ថា ស្រីអន ក៏​ត្រូវ​ដាក់​ឲ្យ «ស្ថិត​ក្រោម​ការ​តាម​ដាន​របស់​សមត្ថកិច្ច» ផងដែរ ហើយ​ត្រូវ​ដោះលែង​ដោយ​សារ​តែ​ «គ្មាន​ភ័ស្តុតាង»។

ស្រីអន ត្រូវ​បាន​ឃាត់​ខ្លួន​តាម​​បណ្តឹង​របស់​លោកស្រី Chloe Flanagan ជា​ម្ចាស់​ជំនួយ​តែ​ម្នាក់​គត់​របស់​នាង ដែល​ចោទ​ប្រកាន់​នាង​ថា បាន​​ធ្វើ​ការ​វាយ​ដំ បង្អត់​អាហារ និង​ថែម​ទាំង​រួម​ភេទ​ជាមួយ​សង្សារ​មុខ​ក្មេង​ៗ​ទៀត​ផង។

មន្ត្រី​ក្រសួង​សង្គម​កិច្ច បាន​ទៅ​សង្គ្រោះ​ក្មេង​ ៤ នាក់​ ចេញ​ពី​មណ្ឌល​អង្គការ​ កាល​ពីថ្ងៃ​អង្គារ និង​យក​ទៅឲ្យ​ស្នាក់​នៅ​អង្គការ​ម្លប់​ឫស្សី។

អ្នក​នាង​ ស្រីអន បាន​ប្រាប់​ភ្នំ​ពេញ​ប៉ុស្តិ៍​ថា នាង​ទទួល​ស្គាល់​ការ​វាយក្មេង និង​មាន​ការ​«ផ្តល់​ចំណី​អាហារ​ឲ្យ​យឺតយ៉ាវ» ប៉ុន្តែ​មិន​​បាន​ប្រព្រឹត្ត​ការ​រួម​ភេទ​ឲ្យ​ក្មេង​មើល ជាមួយ​បុរស​ឈ្មោះ អ៊ុង ស្រស់ ដែល​គ្រាន់​តែ​ជា​បុគ្គលិក​បម្រើ​ការ​នៅក្នុង​អង្គការ​​នាង​នោះ​ទេ​។

នាង​និយាយ​ថា៖​ «ខ្ញុំ​ប្រៀន​ប្រដៅ​ក្មេង​ជាពាក្យ​សម្តី​ និង​បាន​ប្រើ​រំពាត់វ៉ៃ​ប៉ុណ្ណោះ​ ហើយ​ឪពុក​ម្តាយ​ពួកគេ​ ក៏​បាន​អនុញ្ញាត​ឲ្យ​​ខ្ញុំ​ធ្វើ​ការ​អប់រំ​ស្តី​ប្រដៅ​ដូច្នេះ​ដែរ»​៕

អត្ថបទគួរចាប់អារម្មណ៍