The Phnom Penh Post Search

Search form




Logo of Phnom Penh Post newspaper Phnom Penh Post - ស្ត្រី​សង្ស័យ​សម្លាប់​ស្ត្រី​ម្នាក់​ រួច​​កាត់​សព​ជា​​បំណែកៗ​យក​ទៅ​បោះ​ចោល​ត្រូវ​​សមត្ថកិច្ច​ចាប់​ខ្លួន​

ស្ត្រី​សង្ស័យ​សម្លាប់​ស្ត្រី​ម្នាក់​ រួច​​កាត់​សព​ជា​​បំណែកៗ​យក​ទៅ​បោះ​ចោល​ត្រូវ​​សមត្ថកិច្ច​ចាប់​ខ្លួន​

Content image - Phnom Penh Post
ស្ត្រី​​ជនសង្ស័យ​ ដែល​​​បាន​សម្លាប់​ស្រ្តី​​មេម៉ាយ​ម្នាក់។ នរគបាល

ស្ត្រី​សង្ស័យ​សម្លាប់​ស្ត្រី​ម្នាក់​ រួច​​កាត់​សព​ជា​​បំណែកៗ​យក​ទៅ​បោះ​ចោល​ត្រូវ​​សមត្ថកិច្ច​ចាប់​ខ្លួន​

ភ្នំពេញៈ ស្ត្រី​​សង្ស័យ​ម្នាក់ ដែល​​​បាន​សម្លាប់​ស្រ្តី​​មេម៉ាយ​ម្នាក់ រួច​​​កាត់​ដៃ​ កាត់​ជើង​ ពន្លះ​សាច់​​ជា​បំណែកៗ​​ពី​ដង​ខ្លួន ​ហើយ​យក​ទៅ​បោះចោ​ល​ ក្នុង​ទឹក​ទន្លេ​​សាប ម្តុំ​ផ្សារ​កណ្តាល​ដោយ​សារ​តែ​រឿង​គំនុំ​ជំពាក់​​ប្រាក់​ស្ត្រី​រងគ្រោះ​ជាង ៤ លាន​រៀល​ ត្រូវ​បាន​កម្លាំង​​កង​រាជ​អា​​វុធ​ហត្ថ​ចាប់​ខ្លួន​បាន​កាល​ពី​​យ​ប់​​ថ្ងៃ​ទី ១០ ខែ ​មិថុនា ហើយ​កា​ល​ពី​ម្សិល​មិញ ​សមត្ថ​កិច្ច​បាន​នាំ​ស្ត្រី​សង្ស័យ​ទៅ​បង្ហាញ​កន្លែង​ទម្លាក់​ចោល​សាក​សពនៅ​មាត់ទន្លេ​​។ នេះ​បើ​តាម​កូន​ស្រី​ទោល​របស់​ស្ត្រី​រងគ្រោះ។

យុវតី​ម្នាក់ឈ្មោះ ពេជ្រ ស៊ាវម៉ី​ មាន​អា​យុ​ ១​៧ ​ឆ្នាំ​ រៀន​នៅ​ថ្នាក់​ទី ​៨ ​នៃ​សា​លា​វត្តភ្នំ​ ក្នុង​រាជធា​នី​ភ្នំ​ពេញ​ ដែល​ជា​កូន​ទោល​របស់​ស្រ្តី​រង​គ្រោះ​​ បាន​រៀប​រាប់​ប្រាប់​ពី​ម្សិល​មិញ​ថា ​​ម្តាយ​របស់​នាង ​ឈ្មោះ ​គឹម​​ យ៉ា​នាង​ អា​យុ​ ៤​០ ​ឆ្នាំ​ ជា​ជាង​អ៊ុត​សក់​ នៅ​ផ្សារ​ចាស់។

នៅ​​មុន​ថ្ងៃ​បាត់​ខ្លួន​ គឺ​កាល​ពី​ថ្ងៃ​ចន្ទ​ទី​ ២​ ខែ ​មិ​ថុ​នា​​ ឆ្នាំ​ ២​០​១​៩ ​ម្តាយ​នាង​ត្រូវ​បាន​ស្រ្តី​ល្មើស​ ហៅ​​ទៅ​លេង​ផ្ទះ​​នៅ​ម្តុំ​​ផ្សារ​កណ្តាល ​​ម្តុំ​គុកតេ​ ៣​ ចាស់។

ម្តាយ​នាង​បាន​បបួល​កូន​ជាង​អ៊ុត​សក់​ទៅ​ជា​មួយ​ដែរ ​រហូត​ដល់​ពេល​ល្ងាច​ទើប​ម្តា​យ​នាង​ត្រឡប់​មក​ផ្ទះ​វិញ ​ដោយ​បាន​យក​ទាំង​កូន​តូច​ម្នាក់​របស់​ស្រ្តី​ល្មើស​មក​ជាមួយ​ផង។

នាង​បន្ត​ថា​ លុះ​ព្រឹក​ឡើង​ វេលាម៉ោងប្រហែល ១០ នៅ​ថ្ងៃ​ទី​ ៣​ មិ​ថុ​នា​ ម្តាយ​នាង​ បាន​ជិះ​ម៉ូ​តូ​កូន​ទា​ដឹក​កូន​ស្រ្តី​ល្មើស​ទៅ​ប្រគល់​ឲ្យ​ម្តាយ​គេ​វិញ​ ហើ​យ​ម្តាយ​របស់​នាង​ក៏​បាត់​ដំ​ណឹង​តាំង​ពី​ថ្ងៃ​នោះម​ក​។ បន្ទាប់​ពី​ម្តាយ​បាត់​ខ្លួន​មក​ ​គឺ​នាង​បាន​ដាក់​ពាក្យ​បណ្តឹង​ទៅ​ប៉ុស្តិ៍​នគរបាល​ជ័យ​ជំ​នះ​ ​​​​​ក្នុង​ខណ្ឌ​​ដូនពេញ​ ហើយ​ក៏​បាន​ប្រ​កាស​តាម​បណ្តាញ​សង្គម​ស្វែង​រក​ម្តាយ​រហូត​ដល់​ថ្ងៃ​សមត្ថកិច្ច​ចាប់​ខ្លួន​ស្រ្តី​សង្ស័យ​បាន។

​លោក​ ​ធន់​ ​កៅ​នី​ នាយ​ប៉ុស្តិ៍​​សង្កាត់​ជ័យ​ជំ​នះ កាលពីម្សិល​មិញបាន​បដិសេ​ធ​​ធ្វើ​អធិប្បាយ ដោយ​ឆ្លើយថា ​​ជាប់​ប្រជុំ។

កូន​ស្រ្តី​រង​គ្រោះ​បន្ត​ថា​ ម្តា​យ​​របស់​នាង​បាន​ប្រកប​របរ​អ៊ុត​សក់​នៅ​ផ្សា​រ​ចាស់​អស់​រយៈ​ពេ​ល​ពី ៧ ​ទៅ​ ៨​ ឆ្នាំ​​មក​ហើយ​ ហើយ​ស្រ្តី​ល្មើស​បាន​រាប់​អាន​ជា​​មួយ​ម្តាយ​នាង​ប្រ​ហែល​ជាង​ ២ ​ឆ្នាំ​ ដោយ​​ក្នុង​អំឡុង​ពេល​ស្គាល់​គ្នា​នោះ​​ស្រ្តី​ល្មើស​បាន​ជំពាក់​​លុ​យ​​ម្តាយ​របស់​នាងសរុប​ជាង​ ៤ លាន​រៀល។​

កូន​ស្រ្តី​រង​គ្រោះ​​បញ្ជាក់​ថា​៖​ «​ស្រ្តី​នោះ​គាត់​ជំ​ពា​ក់​​លុយ​ម៉ាក់​ខ្ញុំ​ខ្ទង់​ជាង​ ២ ឆ្នាំ​មក​នេះ​។​​ ខ្ញុំ​សព្វថ្ងៃ​រស់​នៅ​តែ​​ ២ ​នាក់​ម៉ាក់​ខ្ញុំ​ទេ ឯ​ប៉ា​ខ្ញុំគាត់​ស្លា​ប់​ចោល​ខ្ញុំ​ជាង​ ១​០ ឆ្នាំ​មក​ហើ​យ ​ហើយ​ពេល​នេះ​ម្តាយ​ខ្ញុំ​ត្រូវ​គេ​សម្លាប់​ចោល​ខ្ញុំ​ទៀត»។

លោក អេង ហ៊ី អ្នក​នាំ​ពាក្យ​​កង​រាជ​អា​វុធ​ហត្ថ​​មិន​អាច​ទាក់​ទង​សុំ​អធិប្បាយ​បាន​ទេ។

បើ​តាម​មន្ត្រី​កង​រាជ​អាវុធហត្ថ ​ដែល​សុំ​មិន​បញ្ចេញ​ឈ្មោះឲ្យ​ដឹង​​ថា​​ ស្រ្តី​ដៃ​ដល់​បាន​សម្លាប់​​ស្ត្រី​​រង​គ្រោះ​ រួច​ហើយ​​បាន​​យក​កាំ​បិត​កាត់​​សាក​សព​ជា​បំ​ណែ​ក​ៗ​ ច្រក​ដាក់​ស្បោង​ខ្មៅ​ ហើយ​យក​ទៅ​បោះ​ចោល​នៅ​​ច្រាំង​ទន្លេ​ក្នុង​ខណ្ឌ​ដូនពេញ៕

អត្ថបទគួរចាប់អារម្មណ៍

  • ភ្នំពេញៈ ក្រសួង​សាធារណការ និង​ដឹកជញ្ជូន​នឹង​ចេញ​ស្លាក​លេខ និង​បណ្ណ​បើកបរ​បណ្ដោះអាសន្ន​សម្រាប់​រថយន្ត​កែច្នៃ ដែល​បម្រើ​ដល់​វិស័យ​កសិកម្ម​តាម​ការស្នើសុំ​របស់​អគ្គស្នងការ​នគរបាល​ជាតិ ដើម្បី​បង្ការ​គ្រោះថ្នាក់​ចរាចរណ៍ និង​ងាយស្រួល​គ្រប់គ្រង​ព្រម​ទាំង​សម្រួល​ដល់​ការដឹកជញ្ជូន​របស់​កសិករ​។

  • ភ្នំពេញៈ ការនាំចេញ​ចេក​អំបូង​លឿង​ស្រស់​ពី​កម្ពុជា​ទៅ​ទីផ្សារ​អន្តរជាតិ​គិត​ចាប់ពី​ដើមឆ្នាំ​ ២០២០ រហូត​មក​ដល់​ថ្ងៃទី ​៨ ខែ​កក្កដា​ នេះ ​សម្រេច​បាន​ជិត ១៥ ​ម៉ឺន​តោន​ កើនឡើង​ជាង ១៥០ ​ភាគរយ​បើ​ធៀប​ទៅ​នឹង​រយៈពេល​ដូចគ្នា​កាលពី​ឆ្នាំមុន​។ នេះ​បើ​តាម​លោក វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ​។

  • ភ្នំពេញៈ អ្នកនាំពាក្យ​មជ្ឈមណ្ឌល​ជាតិ​រក្សា​សន្តិភាព លោកស្រី កុសល ម៉ាលីនដា បាន​ប្រាប់​ឲ្យ​ដឹង​នៅ​ថ្ងៃ​ម្សិលមិញ​ថា កងកម្លាំង​មួកខៀវ​កម្ពុជា​ ៨០ ​នាក់​ដែល​បញ្ចប់​បេសកកម្ម​រក្សា​សន្តិភាព​ក្រោម​ឆត្រ​របស់​អង្គការ​សហប្រជាជាតិ​នៅ​ប្រទេស​ម៉ាលី​នឹង​ត្រូវធ្វើ​មាតុភូមិ​និវត្តន៍​មក​កម្ពុជា​វិញ​នៅ​ថ្ងៃទី​ ១០ កក្កដា ២០២០​។

  • ភ្នំពេញៈ ការស្នើសុំ​ឥណទាន​ពី​កម្មវិធី​ពិសេស​របស់​រដ្ឋាភិបាល​ដែលមាន​ទឹកប្រាក់ ៥០ ​លាន​ដុល្លារ តាមរយៈ​ធនាគារ​អភិវឌ្ឍន៍ជនបទ និង​កសិកម្ម​ (ARDB) បាន​កើន​ដល់​ទឹកប្រាក់​ជាង ៣៧ ​លាន​ដុល្លារ​ ហើយ​គិត​ត្រឹម​ថ្ងៃទី​ ៩ ខែកក្កដា នេះ​។

  • ភ្នំពេញៈ ប្រទេស​កម្ពុជា​ កំពុង​សិក្សា​ពី​លទ្ធភាព​នៃ​ការបង្កើត​កិច្ចព្រមព្រៀង​ពាណិជ្ជកម្ម​សេរី​ជាមួយ​នឹង​ប្រទេស​ឥណ្ឌា​ ដើម្បី​ជា​ការបើក​ទីផ្សារ​ថ្មី​មួយ​ទៀត​ទៅកាន់​ប្រទេស​ដែល​មាន​សេដ្ឋកិច្ច​ធំ​ក្នុង​តំបន់ បន្ទាប់ពី​កិច្ចចរចា​ពាណិជ្ជកម្ម​សេរី​ជាមួយ​ប្រទេស​ចិន​គ្រោង​នឹង​បញ្ចប់​ក្នុង​ខែ​សីហា​ខាងមុខ​។

  • ភ្នំពេញៈ កម្លាំង​នគរបាល​ខណ្ឌ​សែនសុខ​នៅ​រសៀល​ថ្ងៃ​ព្រហស្បតិ៍​ម្សិលមិញ​បានសម្រេច​បញ្ជូន​ខ្លួន​ចៅក្រម​នៃ​សាលាដំបូង​ខេត្ត​កោះកុង​ម្នាក់​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី​ច្បាប់ បន្ទាប់ពី​ចៅក្រម​រូបនេះ​បាន​បង្ក​គ្រោះថ្នាក់​ចរាចរណ៍​បណ្ដាល​ឲ្យ​ស្ត្រី​ម្នាក់​ស្លាប់​កាលពី​រសៀល​ថ្ងៃ​ពុធ ហើយ​អះអាង​ថា ស្ត្រី​រូប​នោះ​ជា​ចោរឆក់​។