The Phnom Penh Post Search

Search form




Logo of Phnom Penh Post newspaper Phnom Penh Post - ស្ថានទូត​កម្ពុជា​នៅ​កូរ៉េ​ទទួល​ជំនួយ​ម៉ាស់​ ​និង​បរិក្ខារ​ពេទ្យ​ពី​មន្ទីរពេទ្យ​សាកលវិទ្យាល័យ




ស្ថានទូត​កម្ពុជា​នៅ​កូរ៉េ​ទទួល​ជំនួយ​ម៉ាស់​ ​និង​បរិក្ខារ​ពេទ្យ​ពី​មន្ទីរពេទ្យ​សាកលវិទ្យាល័យ

Content image - Phnom Penh Post
ស្ថានទូត​កម្ពុជា​នៅ​កូរ៉េ​ទទួល​ជំនួយ​ម៉ាស់​ ​និង​បរិក្ខារ​ពេទ្យ​ពី​មន្ទីរពេទ្យ​សាកលវិទ្យាល័យ កាលពីថ្ងៃទី ១១ មករា។ រូបថត ស្ថានទូតកម្ពុជាប្រចាំនៅកូរ៉េ

ស្ថានទូត​កម្ពុជា​នៅ​កូរ៉េ​ទទួល​ជំនួយ​ម៉ាស់​ ​និង​បរិក្ខារ​ពេទ្យ​ពី​មន្ទីរពេទ្យ​សាកលវិទ្យាល័យ

ភ្នំពេញៈ ម៉ាស់​ការពារ​ជំងឺ​ចំនួន​ ១០ ​ម៉ឺន​ម៉ាស់ និង​ឧបករណ៍​បរិក្ខារ​ពេទ្យ​មួយចំនួន​​ទៀត​ត្រូវ​បាន​មន្ទីរពេទ្យ​សាកលវិទ្យាល័យ​មួយ​ឈ្មោះ Soonchunhyang University Hospital ប្រគល់ជូន​ប្រជាជន​កម្ពុជា​តាមរយៈ​ស្ថានទូត​កម្ពុជា​ប្រចាំ​សាធារណរដ្ឋ​កូរ៉េ​។

លោក ឡុង ឌីម៉ង់ ឯកអគ្គ​រាជទូត​ខ្មែរ​ប្រចាំ​នៅ​ប្រទេស​កូរ៉េខាងត្បូង ​បាន​បង្ហោះ​សារ​លើ​បណ្តាញ​សង្គម​របស់លោក​នៅ​ថ្ងៃទី​ ១១ ​ខែ​មករា​ថា តាមរយៈ​ស្ថានទូត​កម្ពុជា​នៅ​កូរ៉េ​មន្ទីរពេទ្យ​សាកលវិទ្យាល័យ Soonchunhyang ​បានប្រគល់​ជូន​ប្រជាជន​កម្ពុជា​នូវ​ម៉ាស់​ការពារ​ជំងឺ​ប្រមាណ​ ១០ ​ម៉ឺន​ម៉ាស់ (​ប្រភេទ​ KD94 និង​ KF-AD) ​ឧបករណ៍​វាស់កម្ដៅ​ចំនួន​ ១០ គ្រឿង និង​បន្ទះ​ប្លាស្ទិក​បិទ​ការពារ​មេរោគ (Anti-Virus Film) ចំនួន​ ១០ ប្រអប់​ក្នុង​យុទ្ធនាការ​ជួយ​ទប់ស្កាត់​ការឆ្លង​ជំងឺ​កូវីដ​ ១៩ នៅ​ប្រទេស​កម្ពុជា​។

បរិក្ខារ​ទាំងនេះ រាជរដ្ឋាភិបាល​កម្ពុជា​តាមរយៈ​ក្រសួងសុខាភិបាល​នឹងត្រូវ​យកទៅ​ចែកជូន​ដល់​មន្ទីរពេទ្យ​បង្អែក​ខេត្តសៀមរាប មន្ទីរពេទ្យ​កុមារ​ជាតិ​នៅ​ភ្នំពេញ មន្ទីរពេទ្យ​ព្រះអង្គ​ឌួង មន្ទីរ​សុខាភិបាល​ខេត្តរតនគិរី និង​មណ្ឌលគិរី ព្រមទាំង​សាកលវិទ្យាល័យ​វិទ្យាសាស្ត្រ​សុខាភិបាល​ផងដែរ​។

លោក​ ឡុង ឌីម៉ង់ ​បាន​បញ្ជាក់ថា បន្ទាប់ពី​បាន​ចុះ​អនុស្សរណៈ​នៃ​កិច្ចសហប្រតិបត្តិការ​ជាមួយ​ស្ថានទូត​កម្ពុជា​នៅ​សេអ៊ូល មន្ទីរពេទ្យ​សាកលវិទ្យាល័យ Soonchunhyang ​បាន​សហការ​យ៉ាង​ល្អប្រសើរ​ជាមួយ​ស្ថានទូត​ក្នុង​ការលើកកម្ពស់​សុខុមាល​ភាព​របស់​ប្រជាជន​កម្ពុជា ជាពិសេស​បាន​ផ្ដល់​ការបញ្ចុះ​តម្លៃ​ចំនួន ៣០ ​ភាគរយ​នៃ​ថ្លៃ​ព្យាបាល​សរុប​ជូន​ប្រជាពលរដ្ឋ​ខ្មែរ​នៅ​កូរ៉េ​ទាំងអស់​រួមទាំង​អ្នក​ដែល​មិនមាន​ធានារ៉ាប់រង​សុខភាព​ក៏ដោយ​។

ជាមួយ​គ្នា​នេះ​ដែរ នៅ​ថ្ងៃទី​ ១២ ខែមករា ម៉ាស់​ការពារ​ជំងឺឆ្លង​ចំនួន​ ៥ ​ម៉ឺន​ម៉ាស់ ត្រូវ​បាន​ក្រុមហ៊ុន Namyoung Global ប្រគល់​មក​ស្ថានទូត​កម្ពុជា​នៅ​សាធារណរដ្ឋ​កូរ៉េ ដើម្បី​ចែកជូន​ដល់​ប្រជាពលរដ្ឋ​ខ្មែរ​ដែល​កំពុង​ស្នាក់​ និង​រស់នៅក្នុង​ប្រទេស​កូរ៉េ​នេះ​ផងដែរ​។

លោក​ ឡុង ឌីម៉ង់ បាន​លើកឡើង​ថា ម៉ាស់​ទាំង​ ៥ ​ម៉ឺន​ម៉ាស់​នេះ​ស្ថានទូត​នឹង​ចាត់ចែង​ផ្ញើជូន​សហគមន៍​ខ្មែរ តាមរយៈ​បណ្ដា​សមាគម​ខ្មែរ មជ្ឈមណ្ឌល​ព្រះពុទ្ធសាសនា​ខ្មែរ និង​លោកគ្រូ អ្នកគ្រូ មួយចំនួន​ដែល​ធ្វើការ​នៅតាម​មជ្ឈមណ្ឌល​គាំពារ​ពលករ និង​មជ្ឈមណ្ឌល​គាំពារ​គ្រួសារ​អន្តោប្រវេសន៍​នៅ​ទូទាំងប្រទេស​កូរ៉េ​។

នៅ​ប្រទេស​កម្ពុជា តាម​របាយការណ៍​របស់​ក្រសួង​សុខាភិបាល​គិត​ត្រឹម​ថ្ងៃ​​ ១១ ខែមករា មិនមាន​រកឃើញ​អ្នកមាន​វីរុស​​កូវីដ​ ១៩​ ទេ ខណៈ​ដែល​មាន​អ្នកជំងឺ​កូវីដ​ ១៩ ​ជា​ពលករ​មកពី​ប្រទេស​ថៃ​ចំនួន​ ២ ​នាក់​ បាន​ជា​សះស្បើយ ក្នុង​នោះ​ម្នាក់​រស់នៅ​ក្នុងស្រុក​កំរៀង ខេត្ត​បាត់ដំបង ដែល​បាន​មកដល់​ប្រទេស​កម្ពុជា​ថ្ងៃទី​ ២៨ ខែធ្នូ និង​ម្នាក់ទៀត​រស់នៅក្នុង​ស្រុក​សាលាក្រៅ ខេត្ត​ប៉ៃលិន មក​ដល់​ប្រទេស​កម្ពុជា​ថ្ងៃទី​ ២៩ ខែធ្នូ​។

ពួកគាត់​បាន​ព្យាបាល​ជាសះស្បើយ​បន្ទាប់ពី​ទទួល​បាន​តេស្ត​អវិជ្ជមាន​វីរុស​កូវីដ​ ១៩​ ចំនួន​ ២ ​លើក​ និង​បានអនុញ្ញាត​ឱ្យចេញ​ពី​មន្ទីរពេទ្យ​ផងដែរ​។ គិត​ត្រឹម​ថ្ងៃទី​ ១២ ខែមករា កម្ពុជា​មាន​អ្នកមាន​វីរុស​កូវីដ ​១៩​ ចំនួន​ ៣៩២ ​នាក់​ក្នុង​នោះ​អ្នក​ព្យាបាល​ជា​សរុប​ចំនួន​ ៣៧៦ ​នាក់ និង​កំពុង​សម្រាក​ព្យាបាល​ចំនួន​ ១៦ ​នាក់​។

ទន្ទឹមនឹង​នេះដែរ យោងតាម​មន្ត្រី​គម្រោង​នៃ​អង្គការ​សង់ត្រាល់​ប្រចាំ​ប្រទេស​ថៃ លោក លឹង សុផុន បាន​លើកឡើង​នៅ​ថ្ងៃទី​ ១១ ខែ​មករា ថា ពលករ​បរទេស​ដែល​កំពុងតែ​រស់នៅ​ និង​ធ្វើការ​នៅ​ប្រទេសក្រៅ ដោយ​ក្នុងនោះ​មាន​ពលករ​ខ្មែរ​ផងដែរ​មានការ​ព្រួយបារម្ភ​តាំងតែ​ពី​ចុងខែ​ធ្នូ ឆ្នាំ​ ២០២០ ​មកដល់​ពេល​នេះ​។

លោក​បាន​មាន​ប្រសាសន៍​តាមរយៈ​ការផ្សាយ​បន្ត​ផ្ទាល់​របស់​អង្គការ​សង់ត្រាល់​ថា តាម​របាយការណ៍​ក្រសួង​សុខាភិបាល​ថៃ​ក្នុង​រយៈពេល​ប្រហែលជា​ ១០ ​ថ្ងៃ​ ក្នុង​ខែមករា​នេះ​មាន​ពលករ​យើង​ចំនួន​ ១៥៧ ​នាក់​បាន​ឆ្លង​វីរុស​កូវីដ​១៩ ដែល​នេះ​ជា​ចំនួន​ច្រើន ហើយ​ការរីក​រាលដាល​នៃ​ជំងឺ​នេះ​មាន​ល្បឿន​លឿន​មែនទែន​។

លោក លឹង សុផុន បាន​បន្តថា មន្ត្រី​ស្ថានទូត​បាន​ចុះទៅ​ជួយ​ពលករ​នៅតាម​ខេត្ត​ខ្លះ ឯ​ខេត្ត​ខ្លះទៀត គឺ​ស្ថានទូត​មិនបាន​ចុះទៅ​ដល់​ទេ​ដោយសារ​ខាង​មន្ត្រី​មិន​បានទទួល​ព័ត៌មាន​ណាមួយ​ពី​ពលករ​ខ្មែរ​។ ពលករ​ខ្មែរ​នៅ​ថៃ​មានការ​ព្រួយបារម្ភ​ទាក់ទង​នឹង​ការ​ដាច់​ស្បៀងអាហារ និង​ពលករ​ខ្លះ​រស់នៅ​ទាំង​មិន​ស្របច្បាប់​ដែល​ធ្វើឱ្យ​ពួកគាត់​មានការ​បារម្ភ​ពី​ការផ្លាស់ប្តូរ​ពី​កន្លែង​ ១ ​ទៅ​កន្លែង​ ១ ដែល​ផ្ទុយ​ពី​ការប្រកាស​របស់​ថៃ​។

រហូតមកដល់​ថ្ងៃទី​ ១២ ខែ​មករា ពលករ​ខ្មែរ​ដែល​បាន​ចាកចេញ​ពី​ប្រទេស​ថៃ​ ចូលមក​កម្ពុជា​វិញ គឺមាន​ប្រហែល​ជាង​ ១៣ ​ម៉ឺន​នាក់ ប៉ុន្តែ​ពួកគេ​ក៏ត្រូវ​បាន​អាជ្ញាធរ​កម្ពុជា​ដាក់​ឲ្យ​ធ្វើ​ចត្តាឡីស័ក​ចំនួន​ ១៤ ​ថ្ងៃ​ តាម​ការណែនាំ​របស់​រាជរដ្ឋាភិបាល​ក៏​ដូច​ក្រសួងសុខាភិបាល​កម្ពុជា​ផងដែរ​។ នេះ​បើ​តាម​ការឱ្យ​ដឹងពី​លោកស្រី ជូ ប៊ុនអេង​។

ពលករ​ខ្មែរ​ដែល​បានចេញ​ពី​ថៃ​មក​កម្ពុជា​វិញ ត្រូវបាន​រកឃើញ​ឆ្លង​មេរោគ​កូវីដ​ ១៩ ​ចំនួន​ ២៧ ​នាក់ ខណៈ​រាប់រយ​នាក់​កំពុង​បន្តធ្វើ​​ចត្តាឡីស័ក និង​ច្រើន​រយ​នាក់​បាន​បញ្ចប់​ចត្តាឡីស័ក​៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ