ភ្នំពេញៈ លោក ស៊ាង កុសល ស្នង​ការនគរបាល​ខេត្ត​ព្រះសីហនុ ត្រូវ​បាន​ដក​ចេញ​ពី​តំណែង ដោយ​ដាក់​ជំនួស​លោក ជួន ណារិន្ទ ស្នងការ​រង​នគរបាល​រាជធានី​ភ្នំពេញ ដែល​ការ​ដក​នេះ ត្រូវ​ធ្វើ​ឡើង​តែ​មួយ​ថ្ងៃ​ប៉ុណ្ណោះ បន្ទាប់​ពី​មាន​ការ​ព្រមាន​ខ្លាំងៗ​ពី​លោក​ឧបនាយក​រដ្ឋមន្រ្តី ស ខេង រដ្ឋ​មន្រ្តី​ក្រសួង​មហាផ្ទៃ ដែល​បាន​ធ្វើ​ការ​ស្តី​បន្ទោស​ចំពោះ​ភាព​អសន្តិសុខ ដែល​តែង​តែ​កើត​ឡើង​​ជា​ញឹក​ញាប់​នៅ​ក្នុង​ខេត្ត​ទេសចរណ៍​ជាប់​មាត់​សមុទ្រ​មួយ​នេះ។