ភ្នំពេញៈ កញ្ញា​ ខុម ចាន់តារាទី ហៅ ស្រី មុំ ដែល​​រង​ការ​ចោទ​ថា​មាន​ស្នេហា​លួចលាក់​ជាមួយ​លោក កឹម សុខា ប្រធាន​ស្តីទី​គណបក្ស​សង្គ្រោះ​ជាតិ​បាន​សម្រេច​ចូល​​ខ្លួន​ទៅ​បំភ្លឺ​នៅ​តុលាការ​នៅ​ព្រឹក​នេះ​ទាក់ទង​នឹង​របាយការណ៍​របស់​ប៉ូលិស​ដែល​បាន​​សន្និដ្ឋាន​ថា​នាង​បាន​​ផ្តល់​សក្ខីកម្ម​ក្លែង​ និង​អំពើ​ពេស្យា​ចារ​ទាំង​ក្នុង​ចិត្ត​មាន​ការ​ព្រួយបារម្ភ​ខណៈ​ដែល​មជ្ឈដ្ឋាន​ជាច្រើន​បាន​​ចាត់​ទុក​រឿង​​នេះ​ថា​ជា​រឿង​នយោបាយ​សុទ្ធសាធ​ហើយ​កំពុង​ធ្វើ​ឲ្យ​ប៉ះពាល់​ដល់​​ជីវិត​ឯកជន​។