ភ្នំពេញៈ ព្រះរាជអាជ្ញា​រង​សាលា​ដំបូង​រាជធានី​ភ្នំពេញ​លោក សៀង សុខ បាន​បញ្ជាក់​ប្រាប់​ភ្នំពេញ​ប៉ុស្តិ៍​ថា ​ក្នុង​អំឡុង​ពេល​សាកសួរ​កាលពី​ម្សិលមិញ​កញ្ញា ខុម ចាន់តារ៉ាទី ឬ​ហៅ​ ស្រី មុំ បាន​ទទួល​ស្គាល់​ថា​សំឡេង​ខ្សែអាត់​ដែល​បែកធ្លាយ​នៅ​លើ​បណ្តាញ​សង្គម​មាន​ការ​សន្ទនា​ជាមួយ​ប្រធាន​ស្តីទី​គណបក្ស​សង្គ្រោះ​ជាតិ​លោក កឹម សុខា គឺជា​សំឡេង​របស់​ខ្លួន​ពិត​មែន​តែ​លោក​ថា ​មិន​ទាន់​មាន​គម្រោង​កោះ​ហៅ​ ស្រី មុំ បំភ្លឺ​បន្ថែម​ទេ​ដោយ​កំពុង​ពិនិត្យ​នីតិវិធី​បន្ត​ទៀត​។