The Phnom Penh Post Search

Search form




Logo of Phnom Penh Post newspaper Phnom Penh Post - អតីត​នាយក​រដ្ឋមន្ត្រី ប៉ែន សុវណ្ណ ដាច់​សរសៃ​ឈាម​ខួរ​ក្បាល




អតីត​នាយក​រដ្ឋមន្ត្រី ប៉ែន សុវណ្ណ ដាច់​សរសៃ​ឈាម​ខួរ​ក្បាល

លោក ប៉ែន សុវណ្ណ ថ្លែង​ទៅ​កាន់​ក្រុម​អ្នក​សារ​ព័ត៌មាន ក្រោយ​ពេល​ដែល​តំណាង​រាស្ត្រ​គណបក្ស​សង្គ្រោះ​ជាតិ សម្រេច​ទទួល​យក​អាសនៈ​ក្នុង​រដ្ឋសភា បន្ទាប់​ពី​មាន​ការ​សម្រប​សម្រួល​នយោបាយ។
លោក ប៉ែន សុវណ្ណ ថ្លែង​ទៅ​កាន់​ក្រុម​អ្នក​សារ​ព័ត៌មាន ក្រោយ​ពេល​ដែល​តំណាង​រាស្ត្រ​គណបក្ស​សង្គ្រោះ​ជាតិ សម្រេច​ទទួល​យក​អាសនៈ​ក្នុង​រដ្ឋសភា បន្ទាប់​ពី​មាន​ការ​សម្រប​សម្រួល​នយោបាយ។ ហុង មិនា

អតីត​នាយក​រដ្ឋមន្ត្រី ប៉ែន សុវណ្ណ ដាច់​សរសៃ​ឈាម​ខួរ​ក្បាល

ភ្នំពេញៈ មន្រ្តី​គណបក្ស​សង្គ្រោះ​ជាតិ​បាន​ឲ្យ​ដឹង​ថា លោក ប៉ែន សុវណ្ណ តំណាង​រាស្រ្ត​គណបក្ស​ប្រឆាំង និង​ធ្លាប់​ជា​នាយក​រដ្ឋ​មន្រ្តី​កម្ពុជា ដែល​មាន​អាយុ ៧៩ឆ្នាំ បាន​កើត​ជំងឺ​ដាច់​សរសៃ​ឈាម​ខួរ​ក្បាល​ កាល​ពី​ម្សិលមិញ។

លោក​ស្រី មូរ សុខហួរ ​តំណាង​រាស្រ្ត​គណបក្ស​ប្រឆាំង បាន​ថ្លែង​កាល​ពី​រសៀល​ម្សិលមិញ​ថា លោក ប៉ែន សុវណ្ណ តំណាង​រាស្រ្ត​ប្រចាំ​មណ្ឌល​ខេត្ត​កំពង់ស្ពឺ ស្ថិត​ក្នុង​ស្ថានភាព​នឹង​នរ ​​នៅ​ក្នុង​មន្ទីរ​ពេទ្យ ប៉ុន្តែ​ត្រូវ​បាន​បញ្ជូន​ទៅ​ក្រៅ​ប្រទេស ដើម្បី​ទទួល​ការ​ព្យា​បាល​បន្ថែម​ទៀត។​

លោក​ស្រី​បាន​បន្ថែម​ថា៖ «គាត់​កំពុង​​ធ្វើ​ដំណើរ​ទៅ​ប្រទេស​សិង្ហបុរី។ ប្រាកដ​ណាស់ វា​ជា​អាការ​ស្រាល។ តេស្ត​បន្ថែម​ទៀត​នឹង​ត្រូវ​ធ្វើ​ឡើង»។

លោក មុត ចន្ថា ​នាយ​​ខុទ្ទកាល័យ​​លោក កឹម សុខា អនុ​ប្រធាន​គណបក្ស​សង្ក្រោះ​ជាតិ បាន​ថ្លែង​ថា មេ​ដឹក​នាំ​គណបក្ស​សង្គ្រោះ​ជាតិ​ «កំពុង​​យក​ចិត្ត​ទុក​ដាក់​ខ្ពស់​លើ​ករណី​នេះ»។

លោក​បានថ្លែង​ឲ្យ​ដឹង​បន្ថែម​ទៀត​ថា៖​«​យើង​កំពុង​ជួយ។ ឯក​ឧត្តម​ កឹម សុខា បាន​ចេញ​សេចក្តី​អំពាវ​នាវ​ស្វែង​រក​ការ​ឧបត្ថម្ភ​ជា​បន្ទាន់​»។

ក្នុង​សេចក្តី​អំពាវ​នាវ​បន្ទាន់​​មួយ លោក កឹម សុខា បាន​ស្នើ​សុំ​ជំនួយ​ជា​បន្ទាន់​ពី​អ្នក​គាំទ្រ ដើម្បី​ជួយ​ព្យាបាល​លោក សុវណ្ណ។

លោក​បាន​បញ្ជាក់​ថា៖ «ជំនួយ​សប្បុរស​របស់​អ្នក​ក្នុង​ស្ថានការណ៍​សំខាន់ និង​បន្ទាន់​នេះ គឺ​​មាន​តម្លៃ​ឥត​ឧប​មា»។

លោកប៉ែន សុវណ្ណ គឺ​ជា​នាយក​រដ្ឋ​មន្រ្តី​នៃ​សាធារណ​រដ្ឋ​ប្រជា​មានិត​កម្ពុជា ដែល​គាំទ្រ​ដោយ​រដ្ឋាភិបាល​ទីក្រុង​ហាណូយ ពី​ខែ​មិថុនា ដល់​ខែ​ធ្នូ ឆ្នាំ១៩៨១។ គាត់​បាន​ជាប់​ពន្ធនាគារ បន្ទាប់​ពី​លើ​កសំណើ​ថា​កម្ពុជា​បង្កើត​កង​ទ័ពឯក​រាជ្យ​ពី​វៀតណាម ហើយ​បាន​ជាប់​ពន្ធនាគារ​ជាង​ ១០ ឆ្នាំ។

លោកប៉ែន សុវណ្ណ បាន​វិល​មក​ចូល​ឆាក​នយោ​បាយ​ជា​ផ្លូវ​ការ កាល​ពី​ឆ្នាំ​មុន នៅ​ពេល​គណបក្ស​សង្គ្រោះ​ជាតិ​ចូល​រួម​រដ្ឋសភា​ ដោយ​បាន​ឈ្នះ​អាសនៈ​​ខេត្ត​កំពង់​ស្ពឺ ក្នុង​ការ​បោះឆ្នោត​កាល​ពី​ខែ​កក្កដា ឆ្នាំ ២០១៣។

ថ្មីៗនេះ លោក ត្រូវបាន​អាមេ​រិក​ដាក់ចូល​ក្នុង​បញ្ជី​ខ្មៅ មិនឲ្យ​ចូល​ទឹកដី​អាមេរិក​ពាក់ព័ន្ធ​នឹង​ករណី​ជួញដូរ​មនុស្ស ដោយសារ​កាលពី​ឆ្នាំ​ ២០០១ លោក​បាន​ធ្វើ​ដំណើរ​ទៅ​អាមេរិក​ជាមួយ​អ្នក​បកប្រែ​ម្នាក់ ក្រោយ​ពេល​លោក​ទៅ​ដល់​អាមេរិក អ្នក​បកប្រែ​រូបនោះ​ឈឺ​មិន​អាច​ត្រឡប់​មក​វិញ​បានក៏​រស់នៅ​ទីនោះ​មួយរយៈ៕ TK

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។