សួស្តីឆ្នាំថ្មី! ឆ្នាំឆ្លូវ ជូនពរអ្នករាល់គ្នារីករាយពិធីបុណ្យចូលឆ្នាំថ្មី និងពិធីជប់លៀងដ៏អស្ចារ្យ! ស្វែងរកមុខម្ហូបបែបចិនកាតាំងដ៏ឈ្ងុយឆ្ងាញ់ ដែលត្រូវបានរៀបចំឡើងយ៉ាងប្រណីតដោយមេចុងភៅដ៏ល្បីលោក លូ ម៉េង និងក្រុមការងារ ដែលមុខម្ហូបទាំងនោះមាននៅភោជនីយដ្ឋាន យ៉ី សាង និង ភោជនីយដ្ឋាន សេវីន ស៊ី។
ចំពោះមុខម្ហូបប្រចាំហាងនៅឆ្នាំនេះលោក លូ ម៉េង និងក្រុមការងារបានចំណាយពេលជាច្រើនខែដើម្បីស្វែងរកគ្រឿងផ្សំដែលល្អបំផុតទៅតាមតំបន់មិនថានៅលើដី នៅក្នុងសមុទ្រដែលមានដូចជាសាច់ គ្រឿងសមុទ្រ និងបន្លែសរីរាង្គក្នុងស្រុក ដើម្បីរៀបចំមុខម្ហូបពិសេសសម្រាប់ពិធីបុណ្យចូលឆ្នាំថ្មីប្រពៃណីចិន។ ម្ហូបពិសេសៗទាំងនេះមានតែនៅភោជនីយដ្ឋាន យ៉ី សាង និង ភោជនីយដ្ឋាន សេវីន ស៊ី តែប៉ុណ្ណោះ។
ការជួបជុំពិសារអាហារពេលល្ងាចភាគច្រើន គឺផ្តោតលើមុខម្ហូបប្លែកៗ ឬក៏គ្រឿងសមុទ្រដែលមានតម្លៃថ្លៃ ហើយជាមុខម្ហូបពិបាកស្វែងរក។ ចំណែកមនុស្សមួយចំនួនទៀត ចូលចិត្តទទួលទានស៊ុបឆ្នាំងភ្លើង ដែលគេយល់ថាតំណាងឱ្យការជួបជុំគ្រួសារ និងមិត្តភក្តិជិតស្និទ្ធ នៅពេលអង្គុយជុំវិញតុ។
ចាប់ផ្តើមជាមួយនឹងមុខម្ហូបញ៉ាំសាលាដ ត្រីសាលម៉ុនឆៅ “ឡូវសាង” ដ៏ពេញនិយមដែលគេជឿជាក់ថានឹងនាំលាភ នាំសុភមង្គលចូលក្នុងក្រុមគ្រួសារ រួមនឹងមុខម្ហូបឆ្នាំងដី បង្កងនាគ ជ្រូកខ្វៃនាំលាភ និងមានមុខម្ហូបជាច្រើនទៀត ដែលមានការពេញនិយម និងចូលចិត្តពីប្រជាជនក្នុងតំបន់។
ម្ហូបដែលមិនអាចខ្វះបានមួយទៀតគឺ ផុន ឆយ ជាម្ហូបដែលមានគ្រឿងផ្សំចម្រុះ ដូចជា ប៉ាវហ៊ឺ ផ្សិត សាច់ និងបន្លែជាច្រើនមុខដែលត្រូវបានចម្អិននៅក្នុង ឆ្នាំងដី ដែលតំណាងឱ្យការជួបជុំមូលមីរនៅក្នុងឆ្នាំថ្មីនេះ។
រីឯបង្អែមវិញ គឺយើងមាន នំជាល ដែលចិនហៅថា នៀនកាវ ក៏ជាជម្រើសដ៏ពេញនិយមផងដែរ។
ដូច្នេះមិនថាអ្នកកំពុងអបអរសាទរឥឡូវនេះ ឬមុនថ្ងៃចូលឆ្នាំចិន ឬសូម្បីតែអំឡុងពេល ១៥ ថ្ងៃនៃថ្ងៃបុណ្យចូលឆ្នាំថ្មីទេ នៅចាំអីទៀត! សូមអញ្ជើញមកភ្លក្សរសជាតិមុខម្ហូបពិសេសដ៏ឈ្ងុយឆ្ងាញ់ប្រចាំហាង ដែលមានចាប់ពីពេលនេះតទៅ។ លោកអ្នកអាចទាក់ទងមកឥឡូវនេះដើម្បីធ្វើការកក់ ឬការវេចខ្ចប់ ឬដឹកជញ្ជូនទៅដល់គេហដ្ឋានរបស់លោកអ្នកតែម្តង។
លោកអ្នកអាចទទួលទានមុខម្ហូបដ៏ពិសេសទាំងនេះនៅតាមសាខាភោជនីយដ្ឋាន ដូចជានៅភោជនីយដ្ឋាន យ៉ី សាង សុធារស / ភោជនីយដ្ឋាន យ៉ី សាង ទួលគោក / ភោជនីយដ្ឋាន សេវិនស៊ី / ភោជនីយដ្ឋាន វើលដាយនីង បឹងស្នោ ចាប់ផ្តើមពីពេលនេះរហូតដល់ថ្ងៃទី ២៨ កុម្ភៈ ឆ្នាំ ២០២១៕