ភ្នំពេញៈ លោក ឃួង ស្រេង អភិបាល​រាជធានី​ភ្នំពេញ បាន​ដាក់​បញ្ជា​ឲ្យ​អាជ្ញាធរ​នៅ​តាម​ខណ្ឌ​ទាំង ១២ ត្រូវ​ចុះ​ឆែក​ឆេរ​ហាង​បញ្ចាំ​ទាំង​មាន​ច្បាប់ និង​អត់​ច្បាប់​ ដែល​រកស៊ី​ពាក់ព័ន្ធ​នឹង​បទល្មើស​ទទួល​បញ្ចាំ​ម៉ូតូ ឡាន និង​សម្ភារ​មួយ​ចំនួន​ទៀត​ឲ្យ​អស់​នៅ​ក្នុង​រយៈពេល​តែ​ពីរ​សប្តាហ៍ ខណៈ​ដែល​ក្នុង​រយៈ​ពេល​ប៉ុន្មាន​ថ្ងៃ​មក​នេះ កម្លាំង​សមត្ថកិច្ច​បាន​រក​ឃើញ​ម៉ូតូ និង​ឡាន​រាប់​រយ​គ្រឿង​ដែល​គ្មាន​ឯកសារ ហើយ​ត្រូវ​បាន​យក​ទៅ​បញ្ចាំ​នៅ​ហាង​បញ្ចាំ​មួយ​ចំនួន។