The Phnom Penh Post Search

Search form




Logo of Phnom Penh Post newspaper Phnom Penh Post - អភិបាល​ខេត្ត​បន្ទាយមានជ័យ​សម្រេច​បិទ​កាស៊ីណូជា​បណ្ដោះអាសន្ន ក្រោយ​ពី​រក​ឃើញ​អ្នក​លេង​ផ្ទុក​វិជ្ជមាន​កូវីដ ១៩

អភិបាល​ខេត្ត​បន្ទាយមានជ័យ​សម្រេច​បិទ​កាស៊ីណូជា​បណ្ដោះអាសន្ន ក្រោយ​ពី​រក​ឃើញ​អ្នក​លេង​ផ្ទុក​វិជ្ជមាន​កូវីដ ១៩

Content image - Phnom Penh Post
ម៉ូតូជិះឆ្លងកាត់មុខកាស៊ីណូមួយកន្លែងក្នុងខេត្តបន្ទាយមានជ័យ នាពេលកន្លងមក។ រូបថត ភ្នំពេញ ប៉ុស្តិ៍

អភិបាល​ខេត្ត​បន្ទាយមានជ័យ​សម្រេច​បិទ​កាស៊ីណូជា​បណ្ដោះអាសន្ន ក្រោយ​ពី​រក​ឃើញ​អ្នក​លេង​ផ្ទុក​វិជ្ជមាន​កូវីដ ១៩

បន្ទាយមានជ័យ៖ លោក អ៊ុំ រាត្រី អភិបាល​ខេត្ត​បន្ទាយមានជ័យ​ នៅ​ថ្ងៃទី ២៧ ខែ មេសា ឆ្នាំ ២០២១ បាន​ចេញ​សេចក្ដី​សម្រេច​បិទ​កាស៊ីណូ​ទាំង​អស់​ដែល​មាន​ទីតាំង​នៅ​ក្នុង​ខេត្ត​ជា​បណ្ដោះអាសន្ន ក្រោយ​ពី​បាន​រក​ឃើញ​មាន​អ្នក​ផ្ទុក​មេរោគ​កូវីដ ១៩ ១៧១ នាក់។

ទោះ​ជា​យ៉ាង​ណា​​ក៏​ដោយ នៅ​ក្នុង​សេចក្ដី​សម្រេច​នោះ មិន​បាន​បញ្ជាក់​ពី​ពេលវេលា​នៃ​ការ​បើក​ឱ្យ​កាស៊ីណូ​ទាំង​នោះ​ដំណើរការ​ឡើង​វិញ​នោះ​ទេ។

សេក្តី​សម្រេច​នេះ​បញ្ជាក់​ថា៖ «ត្រូវ​បាន​បិទ​អាជីវកម្ម​កាស៊ីណូ​ក្នុង​ភូមិសាស្ត្រ​ខេត្ត​បន្ទាយមានជ័យ​ជា​បណ្តោះអាសន្ន រហូត​ដល់​មាន​ការ​ជូន​ដំណឹង​ជា​ថ្មី»។

លោក ឈឿន ក្រៃយ៉ុង នាយក​រដ្ឋបាល និង​ជា​អ្នក​នាំពាក្យ​រដ្ឋបាល​ខេត្ត​បន្ទាយមានជ័យ​ថ្លែង​ថា ការ​ផ្អាក​អាជីវកម្ម​កាស៊ីណូ​នៅ​ក្នុង​ខេត្ត​នេះ ផ្តើម​ចេញ​ពី​ការ​ផ្ទុះ​ឡើង​នូវ​ជំងឺ​កូវីដ ១៩ ពី​អ្នក​លេង​នៅ​ក្នុង​កាស៊ីណូ។

លោក ឈឿន ក្រៃយ៉ុង ថ្លែង​ថា៖ «ដោយ​មើល​ពី​ការ​ផ្ទុះ​នេះ​ រដ្ឋបាល​ខេត្ត​ក៏​បាន​សម្រេច​ផ្អាក​រាល់​កាស៊ីណូ​ដែល​កំពុង​ធ្វើ​អាជីវកម្ម​នៅ​ក្នុង​ក្រុង​ប៉ោយប៉ែត​ទាំង​អស់។ បើ​មិន​មាន​ការ​ពាក់ព័ន្ធ​ទេ គឺ​មិន​មាន​ការ​បិទ​កាស៊ីណូ​នេះ​ដែរ»។

លោក រឿន សុធី អនុ​ប្រធាន​មន្ទីរ​សុខាភិបាល​ខេត្ត​បន្ទាយមានជ័យ បាន​ឱ្យ​ដឹង​ថា កាល​ពី​ថ្ងៃទី ២៣ ខែ​ឧសភា មន្ទីរ​សុខាភិបាល​បាន​រក​ឃើញ​ជំងឺ​រលាក​សួត​លើ​បុរស​ជនជាតិ​ឥណ្ឌូនេស៊ី​ម្នាក់​ដែល​បាន​ទៅ​ព្យាបាល។ បន្ទាប់​ពី​នោះ​មក មន្ទីរ​បាន​រក​ឃើញ​អ្នក​ផ្ទុក​ជំងឺ​កូវីដ ១៩ ចំនួន ១៧១ ករណី គិត​ត្រឹម​ថ្ងៃ ទី ២៧ ខែ​មេសា​នេះ៕

អត្ថបទគួរចាប់អារម្មណ៍