The Phnom Penh Post Search

Search form




Logo of Phnom Penh Post newspaper Phnom Penh Post - អភិបាលរង​ខេត្ត​ព្រះសីហនុ​ថ្មី ២ រូប​ត្រូវ​បាន​ប្រកាស​ចូល​កាន់​តំណែង

អភិបាលរង​ខេត្ត​ព្រះសីហនុ​ថ្មី ២ រូប​ត្រូវ​បាន​ប្រកាស​ចូល​កាន់​តំណែង

Content image - Phnom Penh Post
លោក លៀម សុជា (ឆ្វេង) និង​លោក ម៉ាង ស៊ីណេត ត្រូវ​បាន​ប្រកាស​ចូល​កាន់​តំណែងជា អភិបាលរង​ថ្មី​ខេត្ត​ព្រះសីហនុ។ ហ្វេសប៊ុក

អភិបាលរង​ខេត្ត​ព្រះសីហនុ​ថ្មី ២ រូប​ត្រូវ​បាន​ប្រកាស​ចូល​កាន់​តំណែង

ព្រះសីហនុៈ អភិបាលរង​ថ្មី​ខេត្ត​ព្រះសីហនុ ២ រូប ដែល​ទើប​តែង​តាំង​គឺ​លោក លៀម សុជា និង​លោក ម៉ាង ស៊ីណេត ត្រូវ​បាន​រដ្ឋបាល​ខេត្ត​ព្រះសីហនុ​រៀបចំ​ពិធី​ប្រកាស​ចូល​កាន់​តំណែង​កាល​ពី​ម្សិលមិញ​ដោយ​មាន​ការ​ចូលរួម​ពី​លោក សក់ សេដ្ឋា រដ្ឋ​លេខា​ធិការ​ក្រសួង​មហាផ្ទៃ ដើម្បី​ចូល​ជំនួស​កន្លែង​អតីត​អភិបាល​រង ២ រូប​ដែល​ត្រូវ​បាន​ដក​ចេញ​ពី​តំណែង។

លោក លៀម សុជា អតីតអភិបាលរង​ខេត្ត​ឧ​ត្ត​រ​មានជ័យ និង​លោក ម៉ាង ស៊ីណេត អតីត​មន្ត្រី​គ្រប់គ្រង​រដ្ឋបាល​ក្រសួង​ពាណិជ្ជកម្ម ត្រូវ​លោក​នាយក​រដ្ឋមន្ត្រី ហ៊ុន សែន ចេញ​អនុក្រឹត្យ​តែង​តាំង​ជា​អភិបាល​រង​ខេត្ត​ព្រះសីហនុ​ថ្មី​កាល​ពី​ថ្ងៃ ១៣ មីនា បន្ទាប់​ពី​អភិបាល​រង​ចាស់​គឺ​លោក ស្រ៊ុន ស្រ៊ន់ និង​លោក ផៃ ប៊ុន​វណ្ណៈ ត្រូវ​បាន​ដក​តំណែង​កាល​ពី​ថ្ងៃ​ទី ១ ខែ​ មីនា ពាក់ព័ន្ធ​នឹង​ជម្លោះដីធ្លី​ដ៏​ហិង្សា​មួយ។

បើតាម​រដ្ឋបាលខេត្ត​ព្រះសីហនុ បានប្រកាស​កាលពី​ម្សិលមិញ​ថា លោក សក់ សេដ្ឋា តំណាង​ឱ្យ​លោក​ឧបនា​យក​រដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​ដែល​បាន​ចូលរួម​ក្នុង​ពិធី​ផ្ដល់​តំណែង​អភិបាល​រង​ខេត្ត​ព្រះសីហនុ​ថ្មី​គឺ​បាន​សង្ឃឹម​ថា លោក លៀម សុជា, លោក ម៉ាង ស៊ីណេត នឹង​អនុវត្ត​ភារកិច្ច​បន្ត​អភិវឌ្ឍ​ខេត្ត​ព្រះសីហនុ​ឱ្យ​ទទួល​បាន​សមិទ្ធផល​ថ្មីៗ​បន្ថែម​ទៀត និង​បន្ត​សហការ​ការពារ​សុខ​សន្ដិភាព​ស្រប​តាម​គោល​នយោបាយ​យុទ្ធសាស្ដ្រ​ចតុកោណ​ដំណាក់​កាល​ទី ៦ របស់​រដ្ឋាភិបាល។

លោក​បាន​ថ្លែងថា៖ «រក្សា​ការគ្រប់គ្រង​បរិស្ថាន ទាមទារ​ការយក​ចិត្ត​ទុក​ដាក់ ធានា​រក្សា​សុខ​សន្ដិភាព បង្ក​ឱកាស​ការ​អភិវឌ្ឍ​រយៈពេល​វែង ទាមទារ​ឱ្យ​មាន​ភាព​ទាក់​ទាញ​ផ្ដោត​លើ​ធនធាន​ធម្មជាតិ​តាម​តំបន់​ឆ្នេរ កោះ សិក្សា​បញ្ចៀស​ផល​ប៉ះពាល់​បរិស្ថាន និង​ដោះស្រាយ​ផល​ប៉ះពាល់​ឱ្យ​នៅ​កម្រិត​ទាប​បំផុត និង​ត្រៀម​រៀបចំ ត្រៀម​បង្ការ​ការ​ខ្វះខាត​ទឹក​ស្អាត​នៅ​រដូវ​ប្រាំង​នេះ​ជូន​ប្រជា​ពលរដ្ឋ»។

ទន្ទឹមនឹងនេះ លោក សក់ សេដ្ឋា ក៏បាន​សរសើរ​រដ្ឋបាល​ខេត្ត​ព្រះសីហនុ​ផង​ដែរ​ថា កន្លង​មក​បាន​ខិតខំ​ប្រឹង​ប្រែង​ជំរុញ​ការ​អភិវឌ្ឍ​ឱ្យ​រីក​ចម្រើន​គ្រប់​វិស័យ និង​បាន​ថែរក្សា​សន្ដិសុខ​សុវត្ថិភាព​ជូន​ប្រជា​ពលរដ្ឋ​និង​ភ្ញៀវ​ទេសចរ​ជាតិ​និង​អន្តរជាតិ។

លោក​ថា៖ «សមិទ្ធផល​នេះបាន​ចូលរួម​ថែរក្សា​សុខសន្ដិភាព​បន្ត​បង្កើន​កំណើន​សេដ្ឋកិច្ច​ជាតិ​នៅ​ឆ្នាំ ២០១៨ និង​ការ​ព្យាករ ២០១៩ កំណើន​សេដ្ឋកិច្ច​កម្ពុជា​នៅ​តែ​បន្ត​កើន​ឡើង បង្ក​លក្ខណ​សម្បត្តិ​លើក​ស្ទួយ​ជីវភាព​រស់​នៅ​របស់​ពលរដ្ឋ»។

ចំណែក លោក យន្ត មីន អភិបាលខេត្ត​ព្រះសីហនុ បាន​ប្រកាស​ស្វាគមន៍​និង​បាន​ជំរុញ​ឱ្យ​អភិបាល​រង​ខេត្ត​ថ្មី​ទាំង ២ រូប ត្រូវ​បំពេញ​តួនាទី​របស់​ខ្លួន​ដើម្បី​បម្រើ​ប្រជា​ពលរដ្ឋ​ស្រប​តាម​គោល​នយោបាយ​របស់​រដ្ឋាភិបាល​ឱ្យ​បាន​រឹត​តែ​ល្អ​ប្រសើរ។

លោក​បាន​បញ្ជាក់ថា៖ «ការងារ​ចម្បង​មានការ​ងារ​កំណែ​ទម្រង់​រដ្ឋបាល​ថ្នាក់​ក្រោម​ជាតិ​ក្នុង​ការ​អនុវត្ត​គោល​នយោបាយ​វិមជ្ឈការ​និង​វិសហ​មជ្ឈការ​និង​ការងារ​សេដ្ឋកិច្ច​សង្គម​និង​ជីវភាព​រស់​នៅ​របស់​ប្រជា​ពលរដ្ឋ​នៅ​ក្នុង​មូលដ្ឋាន​ត្រៀម​លក្ខណៈ​អប់រំ​បណ្ដុះ​បណ្ដាល​សមត្ថភាព កសាង​ធនធាន​មនុស្ស​សម្រាប់​បន្ត​វេន ក្នុង​ពេល​អនាគត»។

រីឯ​លោក ម៉ាង ស៊ី​ណេ​ត បាន​ប្ដេជ្ញា​ថា​នឹងចូលរួម​អនុវត្ត​គោលនយោបាយ​ចតុកោណ​ដំណាក់​កាល​ទី ៦ ដើម្បី​ជំរុញ​កំណើន​ការងារ និង​ខិតខំ​បំពេញ​ភារកិច្ច​បម្រើ​សេវា​សាធា​រណៈ​ជូន​ប្រជា​ពលរដ្ឋ ប្រកប​ដោយ​គុណភាព តម្លាភាព និង​មាន​ប្រសិទ្ធភាព៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។