សៀមរាបៈ អាជ្ញាធរ​អប្សរា​បាន​រៀបចំ​កិច្ចប្រជុំ កាលពី​ព្រឹក​ម្សិលមិញ ដើម្បី​បង្ហាញពី​សមិទ្ធផល​អស្ចារ្យ ដែល​បាន​សម្រេច​ដោយ​បច្ចេកវិទ្យា Lidar ដែល​ស្គែន​លើ​តំបន់​អង្គរ ​ភ្នំ​គូលែន និង​កោះកេរ ក្នុង​​យុទ្ធនាការ​ទី ១ ក្នុង​រយៈពេល ៣ ឆ្នាំ​ចុងក្រោយ​នេះ និង​បាន​ចាប់ផ្តើម​យុទ្ធនាការ​ទី ២ លើ​តំបន់​លង្វែក/ឧដុង្គ (ខេត្ត​កំពង់ស្ពឺ) ព្រះខ័ន​កំពង់ស្វាយ (ខេត្ត​ព្រះវិហារ) សម្បូរ​ព្រៃគុក (ខេត្ត​កំពង់ធំ) បន្ទាយ​ឆ្មារ (ខេត្ត​បន្ទាយមានជ័យ) និង​ជួរ​ភ្នំ គូលែន។