សៀមរាបៈ អាជ្ញាធរ​អប្សរា​ដែល​គ្រប់គ្រង​ឧទ្យាន​អង្គរ ក្នុង​ក្រុង​សៀមរាប ពី​ម្សិល​មិញ​បាន​ចុះ​រុះរើ​ផ្ទះ​ប្រជាពលរដ្ឋ​នៅ​ក្នុង ភូមិ​ព្រៃ​ខួយ សង្កាត់​អម្ពិល ក្រុង​សៀមរាប ដោយ​និយាយ​ថា ប្រជា​ពលរដ្ឋ​ទាំង​នោះ រស់​នៅ​ដោយ​ខុស​ច្បាប់​លើ​ដី​របស់​អាជ្ញាធរ​អប្សរា ដែល​ត្រូវ​បាន​ហៅ​ថា ជា​តំបន់​សណ្ឋាគារ​ឬ​តំបន់​វប្បធម៌​និង​ទេសចរណ៍។ នេះ​បើ​តាម​លោក​ស្រី ចៅស៊ុន កិរិយ៉ា អ្នក​នាំ​ពាក្យ​របស់​អាជ្ញាធរ​អប្សរា។