The Phnom Penh Post Search

Search form




Logo of Phnom Penh Post newspaper Phnom Penh Post - អាជ្ញាធរ​ព័ទ្ធ​ចាប់​ចោរ​ប្លន់​ទូមាស​នៅ​ព្រះ​សីហនុ




អាជ្ញាធរ​ព័ទ្ធ​ចាប់​ចោរ​ប្លន់​ទូមាស​នៅ​ព្រះ​សីហនុ

អាជ្ញាធរ​ព័ទ្ធ​ចាប់​ចោរ​ប្លន់​ទូមាស​នៅ​ព្រះ​សីហនុ

Content image - Phnom Penh Post

ព្រះសីហនុៈ ប្រតិបត្តិ​បង្ក្រាប​ចោរ​ប្លន់​ទូលក់​មាស​ក្នុង​ក្រុង​ព្រះ​សីហនុ នៅ​តែ​បន្ត​រហូត​មក ដល់​ម៉ោង​១០​និង​៤០​នាទី​យប់​មិញ ដោយ​មាន​ការ​បាញ់​តបត​ពី​ក្រុម​ចោរ​មក​លើ​ក្រុម​សមត្ថកិច្ច ដែល​ធ្វើ​ការ​ឡោ​មព័ទ្ធ​ចាប់​ខ្លួន​ពួកគេ​ផង នៅ​ម្តុំ​ព្រៃ​ក្នុង​តំបន់​ទឹក​ធ្លាក់​ក្បាល​ឆាយ ទី​ដែល​ក្រុម​ចោរ​សម្ងំ​លាក់​ខ្លួន។

លោក កុល ផល្លី ស្នងការ​រង​នគរបាល​ទទួល​បន្ទុក​ព្រហ្ម​ទណ្ឌ ខេត្ត​ព្រះ​សីហនុ​បាន​ថ្លែង​ប្រាប់​ភ្នំពេញ ប៉ុស្តិ៍ថា ក្រុម​សមត្ថកិច្ច បាន​ដេញ​ចាប់​ក្រុម​ចោរ​យ៉ាង​ប្រកៀក​ប្រកិត ដោយ​ក្រុម​ចោរ​បាន​ធ្វើ​ការ​បាញ់​តបត មក​លើ​ក្រុម សមត្ថកិច្ច ប៉ុន្តែ មិន​មាន​សមត្ថកិច្ច​របស់​យើង​ណា​ម្នាក់​រង​របួស​នោះ​ទេ។

លោកបាន​បញ្ជាក់​ថា៖ «យើង​ឃើញ​ក្រុម​ចោរ​បាន​រត់​សំដៅ​មក​សម្ងំ​លាក់​ខ្លួន​នៅ​ក្នុង​ព្រៃ ជិត​ទឹក​ធ្លាក់​ក្បាល​ឆាយ​នេះ។ ពេល​នេះ​យើង​កំពុង​ឡោម​ព័ទ្ធ​ចាប់​ពួក​គេ ដោយ​ការ​ប្រុង​ប្រយ័ត្ន​បំផុត»។

121004_01
ប្រជាពលរដ្ឋ ជួយបុរសដែលរងរបួសពីការបាញ់របស់ក្រុមចោរប្លន់ទូមាសនៅផ្សារ លើ ខេត្តព្រះសីហនុ សហការី

ក្រុម​ចោរ​មាន​គ្នា​ចំនួន​៤នាក់ ប្រដាប់​ដោយ​អាវុធ AK ៥៤ មួយ​ដើម បាន​ចូល​ប្លន់​អាជីវករ​លក់​មាស​នៅ​ក្នុង​ផ្សារ​ឃ្លាំង​លើ​ចម្ងាយ​ជិត​១០​គីឡូ ម៉ែត្រ ពី​ក្រុង​ព្រះ​សីហនុ ដោយ​ក្រុម​ចោរ​បាន​បាញ់​ឲ្យ​រង​របួស​ពលរដ្ឋ​ម្នាក់ ដែល​ស្រែក​ឲ្យ​ផ្អើល​ឆោ​ឡោ។ នេះ​បើ​តាម​ការ​អះ​អាង​របស់ លោក កុល ផល្លី។ លោក​បញ្ជាក់​ដែរ​ថា មាស​ប្រាក់​ដែល​ក្រុម​ចោរ​ប្លន់​បាន​នោះ​នៅ​មិន​ទាន់​ដឹង​ថា មាន​ចំនួន​ពិត​ប្រាកដ​ប៉ុន្មាន​នោះ​ទេ។

លោក ង៉ែត ស៊ីនី មេប៉ុស្តិ៍​នគរ​បាល​សង្កាត់​លេខ១ ដែល​ចុះ​ទៅ​កន្លែង​កើត​ហេតុ​ដែរ​បាន​ឲ្យ​ដឹង​ថា ​ជន​សង្ស័យ​មាន​គ្នា​៤​នាក់ ប្រដាប់​ដោយ​អាវុធ​១ដើម បាន​សម្រុក​ចូល​ប្លន់​តូប​លក់​មាស​ដូរ​ លុយ​ពីរកន្លែង​ក្នុង​ផ្សារ​លើ ដោយ​បាន​វាយ​បំបែក​ទូ​និង​ប្រមូល​យក​គ្រឿង​អលង្ការ​បាន​ជាង​២០​តម្លឹង រួច​ហើយ​ពួក​ចោរ​បាន​គេច​ចេញ​ដោយ​បាញ់​ប្លន់​យក​ម៉ូតូ​អ្នក​រត់​ម៉ូតូ​ឌុប ​មួយ​គ្រឿង​ម៉ាក​វេវ ជិះ​គេច​ខ្លួន​​ទៅ​តំបន់​ក្បាល​ឆាយ។

លោក ង៉ែត ស៊ីនី បន្តឲ្យ​ថា ក្នុង​អំពើ​ប្លន់​នោះ​ក្រុម​ចោរ​បាន​បាញ់​បុរស​ម្នាក់​ឈ្មោះ សែន វីរៈ អាយុ​៣៦ឆ្នាំ ជា​កូន​ម្ចាស់​ផ្សារ​បណ្តាល​ឲ្យ ធ្លាយ​ពោះ។ រីឯ​ម្ចាស់​តូប​លក់​មាស​ដែល​រង​ការ​ប្លន់​នោះ មិន​មាន​នរណា​ម្នាក់​រង​របួស​ទេ ខណៈ​ដែល​ក្រុម​ចោរ​ប្លន់​បាញ់​គំរាម​ជាច្រើន​គ្រាប់​មុន​ធ្វើ ការ​គេច​ខ្លួន ហើយ​អ្នក​លក់​មាស​ទាំង​ពីរ​មិន​អាច​ទាក់​ទង​សុំ​ការ​បញ្ជាក់​បាន។

លោក ស្បោង សារ៉ាត់ អភិបាល​ខេត្ត​ព្រះ​សីហនុ​បាន​ប្រាប់​ភ្នំពេញ ប៉ុស្តិ៍ ថា កម្លាំង​នគរបាល​សន្តិសុខ​ត្រូវ​បាន​ដាក់​ពង្រឹង​បន្ថែម នៅ​កន្លែង​ក្រុម​ចោរ​សម្ងំ​លាក់​ខ្លួន ខណៈ​ដែល​សន្តិសុខ​ក្នុង​ក្រុង​ដែល​ជា​តំបន់​ទេសចរណ៍​មាត់​សមុទ្រ​ត្រូវ​បាន​ពង្រឹង​បន្ថែម។

លោកអភិបាល​ថ្លែង​សម្រាល​ស្ថាន​ការណ៍​ថា៖ «វា​ប៉ះ​ពាល់​បន្តិច​បន្តួច​ដល់​សន្តិសុខ​សម្រាប់​ភ្ញៀវ​ទេសចរ ជាតិ និង​អន្តរជាតិ ប៉ុន្តែ យើង​នឹង​ប្រឹង​ប្រែង​ចាត់​វិធាន​ការ​ពង្រឹង​ថែម​ទៀត ​ឲ្យ​មាន​ការ​ប្រយ័ត្ន​ប្រយែង​ជាង​នេះ»។

លោក តេង ខា ប្រធានមន្ទីរ​ទេសចរណ៍​ខេត្ត​ព្រះ​សីហនុ​បញ្ជាក់​ដែរ​ថា៖​«ហេតុ​ការណ៍ នេះ​មិន​ប៉ះ​ពាល់​ធ្ងន់ធ្ងរដល់​វិស័យ​ទេសចរណ៍​នៅ​ក្នុង​ខេត្ត យើង​ទេ។ វាជា​រឿង​ធម្មតា​ដែល​អសន្តិ​សុខ​បន្តិច​បន្តួច​តែង​កើត​ឡើង ប៉ុន្តែ ខ្ញុំ​សង្ឃឹម​ថា​ អាជ្ញាធរ​មាន​សមត្ថកិច្ច គាត់​មាន​វិធាន​ការរក្សា​សណ្តាប់​ធ្នាប់​នេះ​បាន​ល្អ»៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។